JEREMÍAS 17:4 - Enhlit Bible

⁴ Elyinyoc sat quellhip yoclhilhma apquileyvomaclha, apquillhoy siclho quellhip. Elmacpoc sat quellhip, eltimesam sat nipyesicsa cotnaja ingmoc payjoc cotnajaclha apquilaoclha. Avanjec coo siclom, malha talha intomjac, yoyam cosavojoc apyovoclhojo enlhitaoc — alhta aptomjac.

JEREMÍAS 17:4 Iomraidhean Croise

1 REYES 9:7

Omascoscomoc sat aplhamoclhojo enlhitaoc Israel as yoclhilhma apquillhoy alhta apquilyeyjamcaa. Otvacsic sat as tingma apponquinomap acyitnamaclha sicvisay. Elasmacsic sat enlhitaoc lhalhma anco apquilvita sat apnatovasomap enlhitaoc Israel.

2 REYES 25:21

Apcanayquic nic nat maa yoyam esovjacpojo eticyoc apquilmomap. Apticyovquic nic nat tingma Ribla yoclhilhma Hamat. Innec nic nat alyinyovsa apcaoclha enlhitaoc Judá apquilmolhama. Cotningvoyam nelha nic nat apquilmomap.

NEHEMÍAS 9:28

Acyavataclhojo ilhnic nat actamilaycam apquilvalhoc ningilyeyjamcaa. Apquilyiplovcasquic nic nat mocjam apquiltemaclha apancaoc. Apquilmacpec nic nat mocjam nipyesicsa cotnaja ingmoc. Apquililmalhnaquic nic nat mocjam, yoyam epasmoc mocjam lhip. Apjalhnoc nic nat lhip, apquilvomsacpec nic nat tap, ayinyema lhip.

ISAÍAS 14:3

Quellhip israelitas, emascocsic sat Visqui ingac actemaclha apquillingaycamco acyimtalhnama quellhip, najan actemaclha apquilmomap quellhip nipyesicsa metnaja israelitas.

ISAÍAS 30:33

Visqui ingac apquillanay nanoc alhta apvatnamaclha acvanyam, elmetic sat co Asiria najan apvisqui apancaoc. Malhic acyivey najan congno as apvatnamaclha, aclaneyo alhpongja. Colhic sat alvatna talha ayinyema apvatipnapma Visqui ingac, cotnejic sat malha azufre acpayesayclha talha — nic nat aptomjac profeta.

ISAÍAS 5:25

Aplovquic alhta Dios, eyanmongsiclhac sat apquiltemaclha apancaoc enlhit. Colpilhyinamoc sat mataymong alvinatem, elvitacpoc sat enlhit apjapaoc apvalhoc tingma, malha asoc apac alhamalhca. Am comascac mocjam aplom pac Dios.

ISAÍAS 50:11

Apquilvatnec sat ancoc talha enlhit, najan apquillanay yanca acpayescama talha, elmetic sat naysicsa talha apancaoc, najan yanca apancaoc acpayescama talha, eticyoc sat maa. Visqui ingac eyanmongsiclhac sat apquiltemaclha apancaoc, comasquejec sat mataa apquillingaycamco acyimtalhnama — alhta aptomjac apcasinancama— nic nat aptomjac profeta.

ISAÍAS 66:24

Elvitac sat tap tingma enlhitaoc apticyovam apquiltomja selinmelhaycam alhta. Cotsepmaclha ingascoc maa, casponeyaclha talha nac maa. Colhic sat altanova apticyovam nipyesicsa aplhamoclhojo enlhitaoc.

JEREMÍAS 12:7

Aptomjac Visqui ingac: Acyinyovquic coo enlhit ajancaoc, silyacyescama siclho. Avanjec alhta selasicjayo, apquiltomja apquilmomap nipyesicsa cotnaja ingmoc.

JEREMÍAS 15:14

Elmacpoc sat quellhip, eltimjic sat apquiltimesaycam nipyesicsa cotnaja ingmoc, payjoc yoclhilhma mocjay cotnajaclha apquilaoclha. Oyanmongsiclhac sat apquiltemaclha apancaoc, acno talha acsovjomo acyovoclhojo asoc lhalhma anco — alhta aptomjac Visqui ingac.

JEREMÍAS 16:13

Otnesquisic sat yoyam elmacpoc quellhip, colhic sat acnalaclho moc yoclhilhma melyicpilquemo quellhip, najan melyicpilquemo nat apquilyeyjamcaa. Eltimesam sat quellhip maa acnim anco najan alhtaa moc quilaycmasquiscama acyitsomalhca dios. Mongvasicjiclhejec sat mataa quellhip — alhta aptomjac Visqui ingac.

JEREMÍAS 18:23

Dios Apyimtalhnamo. Lhip apyasamcoc alquitamsama apquilvalhoc as enlhitaoc, yoyam jelajic. ¡Nongyasicjiclhojo nasa as enlhitaoc! ¡Noncolvonquim nasa apquilsilhnanomap apanco! Iyanmongsiclha sat lhip apquiltemaclha apancaoc, ayinyema lhip aplom pac — nic nat intomjac apquilmalhnancama profeta.

JEREMÍAS 2:14

Aptomjac alhta Visqui ingac: Quellhip israelitas, meltomja quellhip apquilmomap. Jave apquiltiyaycamlha quellhip nipyesicsa apquilmomap. ¿Co laa ayinyema apnatovasomacpo quellhip?

JEREMÍAS 22:28

¿Naso ya apyitsomacpo apvisqui Jeconías valhva apquintem, yoyam memacpeje? ¿Innec acnalayclha cotnajaclha apquilaoclha apvisqui najan apquitquic, so actomja yi?

JEREMÍAS 5:19

Eltimjic sat elanic: ¿Co laa ayinyema singiltovascama Dios Visqui ingac? Ingyatingmojo sat lhip: Selyamasma alhta ayinyema. Apquiltingyac quellhip metnaja isralitas dioses apancaoc (quilaycmasquiscama), apquiltomja apquilayo quellhip payjo apquilaoclha. Elmacpoc sat quellhip, eltimesam sat quellhip metnaja israelitas, payjoc cotnajaclha apquilaoclha — sat itne ingyanic — alhta aptomjac Visqui ingac.

JEREMÍAS 5:29

Evanquic coo oyanmongsiclha apquiltemaclha apancaoc apquilmapsomcaa. Eycaso sicpayvam sicvisay Visqui apancaoc — alhta aptomjac.

JEREMÍAS 7:20

Coo sicvisay Dios Visqui apancaoc, olinmelham sat as enlhitaoc naysicsa siclom, olinmelham sat natingma, olinmelham sat apnatoscama, olinmelham sat yamtaa najan ayimjaclha ninganma. Colhojoc sat talha casponeyaclha, ayinyema sicyanmongsayclha apquiltemaclha apancaoc — alhta aptomjac Dios.

LAMENTACIÓNES 1:12

Quellhip apquiltomja apquilyeycajay, yejemec siclho. Collhen apquilvalhoc quellhip, apquilvita inlhojo ninlingaycamco acyimtalhnama, ayinyema Visqui ingac apyanmongsayclha nintemaclha inganco naysicsa aplom pac.

LAMENTACIÓNES 5:2

Ingilnatamalhquic nincoo ningileyvomaclha, poc enlhit apnam tingma ingancaoc.

EZEQUIEL 21:31

Elvitac sat maa sictemaclha siclom, colhojoc sat talha alnapma quellhip. Eticyoc sat quellhip ayinyema apquilnapma ticyovam yapmayc.

EZEQUIEL 7:24

Ongvapajacsic sat enlhit apquilmapsomcaa, enatovacsic sat tingma apancaoc. Comascoc sat apquiltimem apquilyimtalhnamo. Conatovasalhcac sat apancaoc alponquinomalhca, apquiltomja apquilayo.

DEUTERONOMIO 28:25

Elimpocjac sat cotnaja ingmoc nipyesicsa quellhip. Elimpocjac sat quellhip lha apquilpasmeyquiclha, elinyajamcoc sat quellhip apquilhpansomap lhalhma anco. Elvitac sat enlhitaoc lhalhma anco apquiltemaclha quellhip.