JEREMÍAS 17:10 - Enhlit Bible

¹⁰ Coo sicvisay Visqui sicyascamco actemaclha anco apquilvalhoc enlhit, najan alquitamsama apquilvalhoc enlhit. Oyanmongsiclhac sat mataa apquiltemaclha apancaoc enlhit, apquiltomja inlhojo apquilmapsomcaa. Ellhovamcoc sat acyanmongam enlhit apquiltamila.

JEREMÍAS 17:10 Iomraidhean Croise

1 REYES 8:39

Ingyeylhojo sat lhip apma netin. Imascos sat melyascalhma. Ilasicjiclhojo sat mocjam enlhitaoc. Ilyicpilcojo sat apquiltemaclha enlhitaoc, iyanmongsiclha sat apquiltemaclha. Apvamlha lhip aptomja apyascamco actemaclha apquilvalhoc aplhamoclhojo enlhitaoc.

1 CRÓNICAS 28:9

Lhip sictamongvoyam Salomón, iyasingvom sat lhip aptemaclha Dios Visqui ingac. Iltimesam sat lhip mataa ayinyema actamilaycam apvalhoc. Apyipconquic mataa Dios, apyasamcoc mataa actemaclha alquitamsama ingilvalhoc. Aptingyac sat ancoc lhip Dios, etacpoc sat. Apyinyovquic sat ancoc lhip Dios singmasma, eyinyovacpoc sat lhip cotmongvoycamlha nelha.

1 CRÓNICAS 29:17

Dios Visqui ingac, acyasamcoc coo, lhip apyasamcoc actemaclha ingvalhoc nincoo, apyispaquic lhip actemaclha acpeyvomo. Ingvalhoc acpeyvomo ayinyema sicmescama nasa as asoc. Najan ayinyema actamilaycam apquilvalhoc as enlhitaoc apquilmescama nasa apquilnatam.

JOB 34:11

Dios aptomja apyanmongsayclha apquiltemaclha apancaoc apquilmapsomcaa, moclhama aptomjaclha acmasom.

SALMOS 44:21

Lhip apvamlha pac apyascamco nintemaclha nincoo. Ayalhnaclhojo ingilvalhoc napato lhip.

SALMOS 44:22

Lhip ayinyema moclhama acnim yoyam onticyo. Malha ninatoscama yoyam eticyoc ningiltomja nincoo.

SALMOS 7:10

Semasma coo apvisay Dios Visqui ingac. Aptomja singmasma acyitna inlhojo actamilaycam ingvalhoc.

SALMOS 7:9

Ilvatasquis apquiltemaclha apquilmapsomcaa. Ilmiyov sat apquilpeyvomo. Ayinyema lhip aptemaclha appeyvomo. Ilyicpilcojo alquitamsama ingvalhoc.

PROVERBIOS 12:14

Actamila sat ancoc nimpayvam, colhojoc sat acyilhna actamila, yoyam ontoc. Ongillhocac sat acyanmongam, acyitna inlhojo ningiltamjaycam.

PROVERBIOS 17:3

Talha actomja ayalhnascama plata najan oro alyinmom. Visqui ingac aptomja appiquinayclha ayalhnaclhojo ingilvalhoc nincoo.

ECLESIASTÉS 9:3

Acno moc mataa actamongvamlha nelha, actomja coliclama ingvalhoc. Inyangvocmec mataa apquiltemaclha apancaoc enlhit apquilmapsomcaa. Nelha sat cotnejic ningitsepma.

ISAÍAS 59:18

Eyanmongsiclhac sat apquiltemaclha apancaoc: Ellingamcojoc sat acyimtalhnama najan apquilinmelhaycam, apquiltomja apquiltanoncama Dios Apyimtalhnamo. Ellingamcojoc sat maa apnaycam acyayem inquilhe mocjay anco.

JEREMÍAS 11:20

Lhip Visqui ingac apyimtalhnamo, aptomja singyicpilquemo appeyvomo. Lhip apyasamcoc actemaclha ingvalhoc nincoo. Apvanquic lhip jemyoc coo, apvanquic lhip jelhicmocsic aptemaclha apyanmongsayclha apquiltemaclha apancaoc selinmelhaycam.

JEREMÍAS 12:13

Apquilquinaclhec siclho trigo apactic, apquilvitac acyilhna yammeyac, alhtoc alhta apquiltamjaycam enlhit. Apquilyinimsacpec apanco enlhitaoc, ayinyema acyivey siclom coo, actomja malha talha — alhta aptomjac Visqui ingac.

JEREMÍAS 20:12

Lhip Visqui ingac apyimtalhnamo, apyasamcoc lhip actemaclha ingvalhoc, apyasamcoc lhip meltomja apquilyamasma lhip. Ingyane sat otac coo lhip apyanmongsayclha apquiltemaclha apancaoc as enlhit. Mepqui mataa acyasquiyam evalhoc coo — alhta actomjac coo.

JEREMÍAS 21:14

Coo sat oyanmongsiclhac apquiltemaclha apancaoc quellhip. Olvitic sat talha alimjaclha yamtaa (palacio), enatovasacpoc sat tingma apyovoclhojo. Eycaso sicpayvam Visqui apancaoc — alhta aptomjac.

JEREMÍAS 23:2

Dios Visqui apancaoc enlhitaoc Israel, aptomja alhta apquilanya apquilviscaa: Apquilhpancasquic alhta quellhip enlhitaoc apquilyitsomacpo sicnatoscama. Apquilinyajasquic alhta quellhip mepqui apquiltamilquiscama quellhip. Quellhip apquiltomja apquilmapsomcaa. Oyanmongsiclhac sat apquiltemaclha apancaoc. Naso coo sicpayvam sicvisay Dios.

JEREMÍAS 32:19

Apyimtalhnamo mataa lhip aclhanma apvalhoc, pilapcasquic mataa ningvita lhip aptomjaclha. Apvitac lhip aplhamoclhojo enlhitaoc najan apquiltemaclha apancaoc, ellhovamcoc mataa acno apquiltemaclha actamila, inlhojo eyca apquiltemaclha acmasom.

EZEQUIEL 11:5

Apnaclhec evalhoc espíritu apanco Dios, aptomja seyanya oltimnacsic israelitas: Quip elaylhojo quellhip Visqui ingac appayvam: Eycaso alquitamsama apquilvalhoc quellhip, acyasamcoc coo.

EZEQUIEL 14:5

Aptomjac alhta mocjam: Otnesquisic sat aclingaycamco apquilvalhoc apyovoclhojo enlhitaoc Israel, selyamasma alhta, apquiltomja apquilayo quilaycmasquiscama.

MIQUEAS 7:13

Yoclhilhma cotniclhac sat actamopeycaoc, ayinyema enlhit apquilsilhnanomap apanco, ayinyema apquiltemaclha apquilmapsomcaa.

SAN MATEO 16:27

Coo sicvisay Sictiyam Sictomja Enlhit. Ovotac sat naysicsa gloria mayayo apanco Tata najan apquillhalhmaa sat ángeles Dios apquilasinancama. Olmesic sat acyanmongam actemaclha apquiltamjaycam moclhama enlhit.

SAN MATEO 6:4

Iyilhacpojo mataa emquesic asoc. Apvita inyicje Ingyapam netin actemaclha lhip apyilhamacpo apmescama poc. Emquesic sat acyanmongayclha —alhta aptomjac. Aptomjac alhta mocjam Jesús:

SAN JUAN 2:25

Coymalhquejec alhta Jesús colhic altimnasa actemaclha apvalhoc enlhit. Ayinyemaclha apyicpilcoc Jesús actemaclha apvalhoc moclhama enlhit.

LOS HECHOS 1:24

Yejemoc alhta aptomja apquililmalhnancama: —Visqui, lhip apyasamcoc apquilvalhoc aplhamoclhojo enlhitaoc. Apcanit enlhit nac aso. Jinlhicmos sat nincoo actomja lhip apquilyacyescama.

ROMANOS 6:21

¿Soc alhta acyanmongam apquiltemaclha nano? Apquilmancaqui inyicje quellhip quilhvo nac jay. Ayinyemaclha ningitsepma alhta acvamlha acyanmongam.

ROMANOS 8:27

Apyasamcoc Dios aclhamoclhojo actemaclha ingilvalhoc ingac. Apyasamcoc Dios actemaclha aclheneycam apvalhoc Espíritu apanco. Eycaso actemaclha apmayjayoclha Dios yoyam elmalhnesquisic Espíritu apanco apquiltomja Dios apquilyacyescama.

EL APOCALIPSIS 2:23

Olnajapsic sat ayitquic as quilvana. Elyasingvomoc sat aplhamoclhojo Jesucristo apmolhama actemaclha sicmovan olyicpilcojo apquilvalhoc apancaoc. Oyanmongsiclhac sat apquiltemaclha moclhama quellhip.

EL APOCALIPSIS 20:12

Acvitac alhta apquilmasquingvaycmo nano. Apcanam alhta napato Dios apquilvanyam najan apquitcaoc. Innec alhta almayesamco vaycajac. Najan moc vaycajac acyitna apquilvisay enlhitaoc acyimnatem apnenyaoc. Innec alhta alyicpilco apquilmasquingvaycmo nano acno allhanma vaycajac acnatalhesomalhca, actemaclha apquilyiplovquiscama melitsepmaclha alhta.

EL APOCALIPSIS 22:12

—Quip ilanojo, yejemoc sat ovota. Osantimsic sat acyanmongam, olhnasojoc sat acyanmongam actemaclha apquilyiplovquiscama moclhama enlhit.

1 SAMUEL 16:7

Aptomjac nic nat Dios apcanya profeta: —Noncolhen nasa apvalhoc lhip actemaclha apvitay apyovoclhojo najan aptemaclha apvinatem. Am alhta olyacyasac coo. Moc actemaclha ningilyacyescama nincoo moc actemaclha apquilyacyescama Dios. Ningilanoc mataa apyovoclhojo ningvita enlhit. Dios eyca apquilanoc mataa apvalhoc enlhit — nic nat aptomjac.