JEREMÍAS 16:6 - Enhlit Bible

⁶ Elitsapoc sat enlhit acma apquilnatam najan mepqui apquilnatam, melatoynacpejec sat maa. Mepqui apnaymacoc acmayovsa apquilvalhoc, mepqui apnaymacoc apquiltingyey apquilyisem, najan apquilyimsascama apyimpeoc.

JEREMÍAS 16:6 Iomraidhean Croise

2 CRÓNICAS 36:17

Apcapajasquic nic nat Dios elimpocjac caldeos (apvisqui Nabucodonosor) nipyesicsa co Judá. Apticyovquic nic nat apquilyimnanic congne tingma apponquinomap, am nic nat ingyaymacpoc lhama. Apticyovquic nic nat apquilyimnanic najan quilvanaa ayitcavoc, najan apquilvanyam najan melyimnatem. Am nic nat elmiyavac Dios Visqui ingac.

ISAÍAS 22:12

Apnec alhta as acnim Visqui apyimtalhnamo. Apquiltamjoc alhta Dios elyapcalhic najan eliclhangvomoc quellhip, elsavojoc sat apva apyitsicsaoc, najan elantalhniclha yamquintim ajac actemaclha acmayovsa apquilvalhoc.

ISAÍAS 24:2

Apquilno poc sat cotnejic: sacerdote najan enlhit apanco, apvisqui najan aptimesaycam, quilvana avisqui najan actimesaycam, enlhit aptomja apmam asoc najan aptomja apquilhacjam asoc, enlhit acyitna solyayem pac najan enlhit mepqui solyayem, najan enlhit acyitna apmaycaoc nasa najan aptomja aplhoy apmaycaoc nasa poc.

JEREMÍAS 13:13

Itne sat lhip ingyanic maa: Eycaso Visqui ingac appayvam: Otnesquisic sat anmin alnapma apyovoclhojo enlhitaoc as yoclhilhma. Najan maa apquilviscaa reyes, apquilya'monquiscama apvisqui ninga David, najan sacerdotes, najan profetas, najan apyovoclhojo apnaycam tingma Jerusalén.

JEREMÍAS 16:4

Elitsapoc sat ayinyema ningmasquem ataoc, mepqui apnaymacoc yoyam elatoynic apjapaoc, mepqui acmayovsa apquilvalhoc. Elhnam sat apjapaoc lhalhma anco, malha ningvitay vayqui ayi. Elsovjacpoc sat apquilmasquingvoyam ayinyema apquilnapomap najan mayic alnapma. Elpasmacpoc sat mama aptoycaoc apjapaoc najan asoc navjac aclom — alhta aptomjac.

JEREMÍAS 41:5

Apquilvaac nic nat ochenta maycaa, apquilinyema tingma Siquem, tingma Silo, najan tingma Samaria. Mepqui ilhnic nat ava apatong, mepqui apava aptamila, apava eyca apyaptomap, najan apquilyimsasomap apanco. Apquilpatmentac nic nat asoc macmescama Dios: trigo apactic najan asoc acmasis, yoyam eltimjic macmescama Dios congne tingma apponquinomap.

JEREMÍAS 47:5

Apquiltingyascasquic alhta apquilyisem co Gaza, ayinyema acmayovsa apquilvalhoc. Mepqui mocjam apquilitsovascama co Ascalón. Quellhip gigantes anaquitos, ¿co sat acvam elvatsamcoc apquilyimsascama apyimpeoc ayinyema acmayovsa apquilvalhoc?

JEREMÍAS 48:37

Avanjec acmayovsa apquilvalhoc, apquiltingyascasquic apquilyisem apyovoclhojo enlhit, inquilyatemenalhquic ava apatong apyovoclhojo, apquilyimsasquic apmeoc apyovoclhojo, apquilantalhneclhec apava actemaclha acmayovsa apquilvalhoc apyovoclhojo.

JEREMÍAS 7:29

¡Quellhip co Jerusalén, eltingyasquis apquilyesem, etlhaoc sat apva! Elminaycmas actemaclha acmayovsa apquilvalhoc netin inquilhe. Aplovquic alhta Dios Apyimtalhnamo, aptomja apquilyamasma enlhitaoc macnatovascama — alhta aptomjac.

JEREMÍAS 8:2

Colhic sat ayilhpanquisa apilhquipcoc, mepqui yoyam colatoynalhcac mocjam, colhojoc sat nintoscama ayi lhalhma anco. Innamquic as apilhquipcoc ayalhnaclhojo acnim anco najan alhtaa ningvitay piltin najan apyová, payjoc acyitnamaclha quilaycmasquiscama alasicjamalhca najan malayoclha, najan macmescama asoc quilaycmasquiscama, najan apquiltemaclha apquilyiplovquiscama melitsepmaclha siclho.

LEVÍTICO 19:27

Apquitsepquic sat ancoc ningmolhama, noeltingyasquis nasa apquilyisem. Noelyavaticsojo nasa ava apatong. Noelyimsas nasa apyimpejic actemaclha monquinatquiscama. Noellana nasa talhamavo apyimpejic. Coo sicvisay Dios Visqui apancaoc quellhip.

AMÓS 6:11

Dios Apyimtalhnamo eyanmongsiclhac sat apquiltemaclha apancaoc apnaycam tingma apvanyam najan apnaycam tingma apquitcoc. Colhic sat actovasa apyovoclhojo.

SAN MATEO 9:23

Lhama alhta apvoclha Jesús tingma pac apquimja apmamyi apcaneyquiclhilha. Apvitac alhta apquilpayvascama najan aplhamoclhojo apquilyapcalhem congne tingma.

DEUTERONOMIO 14:1

Quellhip apquilvisay Dios apquitquic. Noelyimsas nasa apyimpeoc, noeltingyasquis apquilyisem apquitsepa inlhojo apmolhama.

EL APOCALIPSIS 20:12

Acvitac alhta apquilmasquingvaycmo nano. Apcanam alhta napato Dios apquilvanyam najan apquitcaoc. Innec alhta almayesamco vaycajac. Najan moc vaycajac acyitna apquilvisay enlhitaoc acyimnatem apnenyaoc. Innec alhta alyicpilco apquilmasquingvaycmo nano acno allhanma vaycajac acnatalhesomalhca, actemaclha apquilyiplovquiscama melitsepmaclha alhta.

EL APOCALIPSIS 6:15

Apquilyilhanmec alhta acvoyam congne nicja inquilhe aplhamoclhojo apquilviscaa as nalhpop najan apquilyimtalhnamo najan singilpilhtetemo apquilviscaa najan acma apquilnatam najan apquilmopvancaa najan apquilancam apquilmomap najan enlhitaoc apquileyvam apanco.