JEREMÍAS 14:8 - Enhlit Bible

⁸ Lhip Visqui ingac aptomja singvomquiscama tap naysicsa ninlingaycamco acyimtalhnama, ningiljalhnec mataa lhip. Lhip aptomjaclha malha maycaa apvoy ningyesicsa, yoyam elhic lhama alhtaa, malha metnaja nintemolhama, ¿so actomja yi?

JEREMÍAS 14:8 Iomraidhean Croise

SALMOS 10:1

Visqui ingac. ¿So actomja yi apnaclho mocjay? ¿So actomja yi apyilhomacpo apanco naysicsa ninlingaycamco acyimtalhnama?

SALMOS 138:7

Aclingamcoc sat ancoc acyimtalhnama coo, jemyoc sat lhip. Jeyimnaticsojoc sat coo. Apmopvan innac lhip jevomsic tap napatavo cotnaja ingmoc.

SALMOS 46:1

Visqui ingac aptomja ningyilhanmomaclha najan singyimnatescama. Ingilpasmec mataa naysicsa ninlingaycamco acyimtalhnama.

SALMOS 46:2

Mongacyejec sat mataa ningvita sat acyovjeycam lhop. Ningvita sat acvayveycaoc inquilhe acvinatem congne yingmin acvanyam.

SALMOS 50:15

Jelilmalhnam coo naysicsa apquillingaycamco acyimtalhnama. Olvomsic sat tap quellhip, yoyam jeltimjic selayo quellhip — alhta aptomjac Visqui ingac Dios.

SALMOS 71:5

Lhip Visqui ajac aptomja aljalhneycam evalhoc najan aptomja sicyilhanmeycam ayenmo sictemaclha eyitcoc.

SALMOS 9:9

Visqui ingac aptomja apquilyilhanmeycam enlhit acyajapmo apquilvalhoc. Apquilyilhanmam naysicsa apquillingaycamco acyimtalhnama.

SALMOS 91:15

Olyejiclhojoc sat selmalhna inlhojo asoc. Opasmoc sat naysicsa aplingaycamco acyimtalhnama. Ovomsic sat tap. Colhic sat ayaco apvisay.

ISAÍAS 33:2

Lhip Visqui ingac, jingilasicjojo sat nincoo, acyitna aljalhneycam ingvalhoc. Jingilmiyov sat mataa moclhama secaseclha, jingilvomquis tap nincoo naysicsa ninlingaycamco acyimtalhnama.

ISAÍAS 43:11

Coo sicvamlha ajanco Dios. Paj poc apmasma enlhitaoc.

ISAÍAS 43:3

Coo sicvisay Dios quellhip Visqui apancaoc. Sictomja sicyimtalhnamo najan silvomquiscama tap quellhip. Olvomsic sat tap quellhip. Oyinyoc sat acyanmongam yoclhilhma Egipto najan yoclhilhma Etiopía najan yoclhilhma Seba.

ISAÍAS 45:15

Lhip aptomja Dios mongvitay nincoo, malha apposomap. Lhip aptomja Apvisqui apancaoc enlhitaoc Israel, aptomja apquilvomquiscama tap.

ISAÍAS 45:21

Jelyota, jeltimnasquita quellhip. Elpamejitsacpojo aplhamoclhojo. ¿Jalhco ayinyema apquilyasingvoyam nano quellhip? ¿Soc alhta aplingascama as asoc? Coo ayinyema sicvisay Dios, paj poc Dios, sicvamlha coo. Paj poc apquilvomquiscama tap enlhitaoc, sicvamlha coo.

ISAÍAS 63:8

Aptomjac alhta mocjam Dios Apyimtalhnamo: Enlhit ajancaoc, eyitquic mepqui selyinimquiscama — alhta aptomjac. Aptomjac alhta apquilvomquiscama tap.

JEREMÍAS 16:19

Actomjac alhta sicpayvam: Lhip Visqui ingac aptomja semasma coo najan seyimnatescama, sicvita inlhojo acmasom. Elvac sat enlhitaoc apquilinyema nelha as nalhpop, eltimjic sat maa: Apquillanac nat ningilyeyjamcaa quilaycmasquiscama mepqui acmovan, mepqui singyimnatescama najan singmasma.

JEREMÍAS 17:13

Lhip Visqui apancaoc israelitas najan apquilmasma. Elmancangvomoc sat apquiltomja apquilyamasma lhip. Apquilyitsomacpo as enlhit, acyitna acnatalhesomalhca apquilvisay lhopactic, yoyam colmascosalhca. Ayinyema apquiltemaclha apquilyamasma lhip, apvisay actiyapmaclha yingmin actamila, aptomja singmasma.

JEREMÍAS 30:7

Incamquitvaac acnim acyimtalhnama, am colhno moc acnim mataa. Ellingamcojoc sat acyimtalhnama apquilmolhama Jacob, coo eyca olvomsic sat tap.

JEREMÍAS 50:7

Apquilimpocjac maa cotnaja ingmoc, apquilpamejitsa: Jave ningilsilhnanomalhca inganco. Yitnec maa apquilsilhnanomap apanco, apquilyamasma Visqui apancaoc aptomja apquilmasma, apquillhanma nic nat apquilyeyjamcaa apvisay apquilmasma apancaoc — alhta apquiltomjac — alhta aptomjac Visqui ingac.

JOEL 3:16

Colngalhcac sat appayvam apanco Dios Apyimtalhnamo naysicsa ayilhtingyavoyam. Ayinyema inquilhe Sión, tingma Jerusalén. Colpilhyinamcoc sat netin najan as nalhpop. Eyca Dios Apyimtalhnamo aptomja apquilyilhanmeycam. Aptomja apquilmasma enlhitaoc Israel, apquiltomja Dios apquilyacyescama.

ZACARÍAS 9:12

Quellhip apquilmomap nano, eltajiclha sat tingma apyimnatem, acno aclhanma mataa apquilvalhoc. Elvitac sat acyanmongam acyivey anco, am alhta colhno apquillingaycamco acyimtalhnama.

LOS HECHOS 28:20

Eycaso ayinyemaclha silanyamcaa quellhip. Altamjoc olvita quellhip, yoyam olpamejitsic. Quilhvoc sictomja silpilhtetomalhca cadenas, eyca ayinyemaclha acyitna ningiljalhanma (Visqui ingac) ningilvisay israelitas.

1 TIMOTEO 1:1

Coo nac Pablo, sictimem apóstol siyapajasomalhca ayinyema Jesucristo. Eyasinaquic alhta Dios aptomja singvomquiscama tap najan Jesucristo ayinyema aljalhneycam ingvalhoc.

JUECES 19:17

Pilapcasquic nic nat enlhit apvanyam apvita maycaa. Aptomjac nic nat apcanya: —¿Co laa apquimpaa, co laa apyasa? — nic nat aptomjac.