JEREMÍAS 14:3 - Enhlit Bible

³ Apquilapajasquic enlhit acma apquilnatam elyajangvomoc apquilancam. Apquilvita eyca mepqui avalhaoc yamyamilquit. Apquilvoctac mocjam mepqui yingmin naysicsa apquilmancactama. Apquilajapcasquic napataa apquilvactama.

JEREMÍAS 14:3 Iomraidhean Croise

2 SAMUEL 15:30

Apquinamtec nic nat apvisqui David inquilhe Olivos. Mepqui ilhnic nat tiyayipeoc, apquiliclhangvec nic nat naysicsa aplhingam. Apcalasquic nic nat apcatic ayinyema acmayovsa apvalhoc. Najan apyovoclhojo apquillhalhmaa apquilalasa apcatic naysicsa apyapcalhem.

2 SAMUEL 19:4

Apcalasquic nic nat napaat apvisqui, apyimnatesa appayvam: ¡Sictamongvoyam Absalón! ¡Sictamongvoyam! ¡Sictamongvoyam Absalón! — nic nat aptomjac.

1 REYES 17:7

Inyamacac nic nat yingmin alvata nalhit acnim. Acvoncaclho ilhnic nat mepqui acmamay as nalhpop.

2 REYES 18:31

¡Noelaylhojo nasa appayvam Ezequías! Pac oltimnacsic mocjam apvisqui co Asiria appayvam: ¡Elvatsaoc sat singinmelhaycam! ¡Elpamejitsacpojo actemaclha apquilmiyovmacpilha! ¡Enanteyip tingma, eljalhaoc sicnaclha coo! Eltajiclhac sat quellhip, eltovamcoc uva acyilhna tingma apancaoc, najan higo yamit acyilhna. Elyinamcoc sat yingmin apancaoc.

ESTER 6:12

Vamlha ilhnic nat intomjac. Aptajavoc nic nat mocjam Mardoqueo, elhic mocjam payjoc atong acyivey. Appecjasquic nic nat Amán aptajaclho naysicsa acmayovsa apvalhoc najan apmancactama.

JOB 6:20

Am alhta elvitac yingmin, apquilyinimsomacpo enlhit, acyascacmo apquilvalhoc.

SALMOS 109:29

Elmancangvomoc sat cotnaja ingmoc. Malha apcalomap cotnejic apquilmancactama.

SALMOS 40:14

Ilane sat elmancangvomoc selinmelhaycam. Enatovasacpoc sat maa. Elinyajamcoc sat acyiplomo apquilmancactama apquiltomja selinmelhaycam.

JEREMÍAS 14:4

Apquilajapcasquic napataa enlhit apnaycam amyip, ayinyema mepqui yingmin acmamay, acyivey anco acyamay olhma.

JEREMÍAS 15:18

Am comascac mocjam siclingaycamco acmasca, ¿So actomja yi? Am cotamalvocmoc seyimsem coo, ¿so actomja yi? Lhip aptomja seyamasma, malha alvata mepqui yingmin naysicsa acyamay olhma — alhta actomjac coo.

JEREMÍAS 2:13

Yitnec apquilsilhnanomap apanco enlhitaoc ajanco: lhama acvisay selyamasma coo, sicyitsomalhca actiyapmaclha yingmin. Moc acvisay yamyamilquit apquillanay alhta quellhip, actomja acpalhama, mepqui mataa yingmin avalhoc — alhta aptomjac.

JEREMÍAS 2:37

Elyinyoc sat quellhip yoclhilhma Egipto, elvotac sat naysicsa apquilmancactama. Acnatovasquic alhta coo, yoyam melpasingvotayc sat mataa. Comalhquejec sat mataa apquilasicjayo quellhip (cotnaja ingmoc) metnaja israelitas — alhta aptomjac Visqui ingac — nic nat aptomjac profeta.

JEREMÍAS 20:11

Lhip Visqui ingac aptomja siclhalhma, najan semasma coo. Mejelmejec sat enlhit selya'mascam coo, eticyoc sat maa. Elmancangvomoc sat mepqui apquilyimnatem najan mepqui ayaco cotningvoyam nelha.

JEREMÍAS 3:3

Eycaso ayinyema melvitay quellhip yingmin acmamay, acvaa inlhojo mocjitma, najan apvaa inlhojo piyam. Am colhenac alhta quilvana alanatama actemaclha anco, am elmancac mocjam quellhip apquilyitsomacpo as quilvana alanatama.

LAMENTACIÓNES 4:4

Avanjec allingaycamco sicaa, ayinyema acnim alnapma, alyamay anco avalhaoc sicaa. Inquililjalhnec colhic acmesa nintom, paj colvitac mataa actoycaoc.

OSEAS 2:3

Am sat ancoc caylhojoc, evanquic opquiniclha ayalhnaclhojo quilvana, colhojoc sat ayalhnayo actiyaycamlha siclho. Otniclhac sat yoclhilhma actamopeycaoc acyamayolhma lhopactic, mepqui yingmin. Cotsapoc sat ayinyema acnim ayajem.

JOEL 1:20

Inquilpayvec najan asoc navjac alevoycam lhip Dios Apyimtalhnamo. Inquilyamasalhquic acyitnamaclha yingmin lhalhma anco. Insovjoc alhta talha ayimjaclha paat — nic nat aptomjac profeta.

AMÓS 4:7

Acmiyovquic alhta yingmin acmamay, tres piltin alhta yicpintama acnaclhamalhquilha acyilhna. Am alhta omyavac yingmin acmamay poc tingma. Inmamecac alhta lhama amyip, mepqui alhta acmamay moc amyip, inyamamquic alhta ninganma.

AMÓS 4:8

Apquilyamyeclhec alhta lhama tingma, eltingya yingmin poc tingma. Am alhta colhno yingmin yoyam elyipcanmojo. Am alhta elyanmoncasac moc apquilvalhoc, am jeltomjac selayo — alhta aptomjac Dios Apyimtalhnamo.

ZACARÍAS 14:17

Am sat anco elmiyaclhac enlhit tingma Jerusalén, mepqui apcayo Visqui apyimtalhnamo, comacyejec sat mataa apcaoclha.