JEREMÍAS 12:9 - Enhlit Bible

⁹ Apquilyitsomacpo enlhit ajancaoc nata actamila, acyitna ava actamila anco. Nata aclom acyivey cajic sat maa. Ayevam coo aclhamoclhojo asoc navjac: ¡Noc, colpasmiclha nintom acyivey! — alhta actomjac coo.

JEREMÍAS 12:9 Iomraidhean Croise

2 REYES 24:2

Pilapcasquic nic nat Joacim apvita cotnaja ingmoc, Dios Visqui ignac apquilapajascama, apquiltomja apquilminyilhma: caldeos, najan sirios, najan moabitas najan amonitas. Apquilanyacpec nic nat elinmelham (enatovacsic), acno ilhnic nat Dios appayvam, apquillingascama profetas.

ISAÍAS 2:11

Comascoc sat apquiltemaclha apancaoc apquilyimtalhnesomap, comascoc sat ayajamalhco apquilvalhoc. Apvamlha pac lhama Visqui ingac etnejic apyimtalhnamo apanco, acvocmo sat acnim.

ISAÍAS 2:12

Covac sat acnim apyicpilquemo Dios Visqui ingac, elyicpilcacpoc sat apyovoclhojo apquilyimtalhnesomap apanco, najan ayajamalhco apquilvalhoc.

ISAÍAS 56:9

¡Collhing jilip acyovoclhojo asoc navjac aclom aleyvam nalhma najan lhalhma ano! ¡Colpasmiclha alyamonquilhma!

JEREMÍAS 15:3

Eycaso sicpayvam sicvisay Dios Visqui apancaoc: Ongvapajacsic sat cuatro actemaclha sicyanmongsayclha apquiltemaclha apancaoc enlhitaoc: Ongvapajacsic sat sovo acvinatem, yoyam colnapoc. Ongvapajacsic sat simjing, yoyam colyinyovacsic apquilitsepma. Ongvapajacsic sat mama, yoyam eltovamcoc apjapaoc. Ongvapajacsic sat asoc navjac, yoyam elsavojo actoycaoc apjapaoc.

JEREMÍAS 2:15

¿Co laa ayinyema apquilimpocjay cotnaja ingmoc, malha yamacmeyva acyimnatem alnapma quellhip? Apnatovasquic alhta cotnaja ingmoc quellhip tingma apquilvanyam apancaoc, tingma apquilmeta, yoclhilhma mepqui enlhit apquileyvam.

JEREMÍAS 34:20

Otnesquisic sat coo, yoyam eticyoc nipyesicsa cotnaja ingmoc, elpasmacpoc sat mama aptoycaoc apjapaoc, najan moc asoc navjac aclom.

JEREMÍAS 7:33

Eltovcacpoc sat apjapaoc, alpasmayclha nata navjac najan asoc navjac, mepqui aptamilquiscama lhama enlhit.

LAMENTACIÓNES 1:17

Apquilpeyvaseclhec apectengaoc co Jerusalén, yoyam elpasingvota. Paj mataa enlhit yoyam etamilquiscomoc apquilvalhoc. Apquilanyacpec enlhit vecinos, yoyam elnapoc israelitas, elvenacpoc sat nipyesicsa cotnaja ingmoc.

EZEQUIEL 34:5

Apquileyvec sicnatoscama mepqui apquiltamilquiscama, apquilhpanec alhta, asoc navjac aclom alhta alnapma najan altovcamco.

EL APOCALIPSIS 17:16

Apvitac lhac lhip diez inquipitaoc. Collovc sat as inquipitaoc najan asoc navjac aclom, coltanova sat quilvana alanatama. Colhic sat aljalhyovasa aclhamoclhojo asoc najan alantalhnama. Cotovalhcac sat apitic as quilvana najan colhic sat acvatna acyovoclhojo.