JEREMÍAS 12:13 - Enhlit Bible

¹³ Apquilquinaclhec siclho trigo apactic, apquilvitac acyilhna yammeyac, alhtoc alhta apquiltamjaycam enlhit. Apquilyinimsacpec apanco enlhitaoc, ayinyema acyivey siclom coo, actomja malha talha — alhta aptomjac Visqui ingac.

JEREMÍAS 12:13 Iomraidhean Croise

SALMOS 78:62

Yiplovcoc nic nat acyivey aplom Dios aptanoncama enlhitaoc. Am nic nat elmiyavac Dios, apvita inlhojo apticyovam enlhitaoc.

ISAÍAS 55:2

¿Soctomja apquilha solyayem acyanmongam asoc cotnaja nintom? ¿Najan acyanmongam apquiltamjaycam elmoc asoc cotnaja nintom? Quip elaylhojo sicpayvam. Elvitac sat quellhip asoc actamila yoyam eltovamcoc. Colpayjiclhac sat apquilvalhoc, malha ningvitay asoc acmilay.

JEREMÍAS 17:10

Coo sicvisay Visqui sicyascamco actemaclha anco apquilvalhoc enlhit, najan alquitamsama apquilvalhoc enlhit. Oyanmongsiclhac sat mataa apquiltemaclha apancaoc enlhit, apquiltomja inlhojo apquilmapsomcaa. Ellhovamcoc sat acyanmongam enlhit apquiltamila.

JEREMÍAS 4:26

Alyajam alhta mocjam, sicvita ninganma siclho actomjayclho actamopeycaoc. Acvitac coo tingma apquilvanyam apnatovasomap, ayinyema alhta acyivey aplom pac Visqui ingac.

JEREMÍAS 9:5

Moclhama apquiltomja apquilinmelhaycam poc actemaclha apquilasmescama, paj lhama aptomja nasoc anco appayvam, apquiltemaclha apancaoc apquilmopvancaa amyaa, apquiltemaclha apquilmapsomcaa,

OSEAS 8:7

Apquilquinaclhec alhta alhcajayam, elvitac sat yatepiyam, mepqui acyilhna intomjac amyip. Mepqui motajap, ayinyema mepqui apactic acyilhna. Yitnec sat ancoc apyilhna, eltovamcoc sat metnaja apquiltemolhama.

LEVÍTICO 26:16

Oyanmongsiclhac sat apquiltemaclha apancaoc quellhip. Ongvapajacsic sat acyimtalhnama, yoyam ellingamcojoc quellhip. Acvisay ningapnaclhoncama najan ningilpilhyinamam. Acvisay acmasca ingataoc mongvitay olhma najan ningmasquem. Alhto inyicje elquiniclha actic amyip. Elsavojoc sat acyilhna cotnaja ingmoc.

LEVÍTICO 26:20

Alhto inyicje apquiltamjaycam quellhip. Melvityejec sat acyilhna ayimjaclha ninganma. Melvityejec sat acyilhna ayimjaclha yamit.

MIQUEAS 6:15

Elquiniclhac sat actic amyip, melvityejec sat acyilhna. Ellanac sat olivo ayingmenic, comalhqueje eyca olivo ayingmenic. Ellanac sat uva ayingmenic, melyinamquejec sat mataa.

HABACUC 2:13

Alhto sat cotnejic apquilvascapma apquiltamjaycam quellhip. Dios Visqui Apyimtalhnamo etvacsic sat apquillanay quellhip, cosavojoc sat talha acyovoclhojo maa.

HAGEO 1:6

Avanjec alhta quellhip apquilquinayclha actic, asilhtec apquilvitay acyilhna. Avanjec mataa aptoycaoc quellhip, mepqui mataa ayastingam. Avanjec mataa apyinaycaoc quellhip, mepqui mataa ayastingam. Yitnec quellhip apquilalomap, eyquey mataa apyimpeoc. Apquilvita inyicje acyanmongam apquiltimesaycam, quilhvoc mataa colhnanmoc solyayem (covonquepoc solyayem).

HAGEO 1:9

Avanjec mataa apquilquitamsama asoc quellhip, asilhtec mataa apquilvitay. Apquilansaclhec mataa asoc tingma apancaoc quellhip, coo eyca sicvonquipquiscama as asoc. ¿So actomja yi? Ayinyema aptovasomap coo tingma ajac apponquinomap, quellhip eyca apnam tingma apquiltamila apanco. Eycaso sicpayvam sicvisay Dios.

ROMANOS 6:21

¿Soc alhta acyanmongam apquiltemaclha nano? Apquilmancaqui inyicje quellhip quilhvo nac jay. Ayinyemaclha ningitsepma alhta acvamlha acyanmongam.

DEUTERONOMIO 28:38

Elquiniclhac sat quellhip cotlaycaoc actic, elvitac sat anit acyilhna, ayinyema sova apnatovascama ninganma.