JEREMÍAS 12:1 - Enhlit Bible

¹ Lhip Visqui ajac, impeyvoc mataa lhip appayvam. Altamjo inyicje olmalhnac lhip yoyam oyasamcojo. Mepqui mataa apquillingaycamco acmasom enlhit apquilmapsomcaa, ¿so actomja yi? Mepqui apquillingaycamco acmasom enlhit apquilyinimquiscama, ¿so actomja yi?

JEREMÍAS 12:1 Iomraidhean Croise

GÉNESIS 18:25

Copvanquejec lhip etvacsojoc lhama enlhit apquilpeyvomo enlhitaoc apquilmapsomcaa. Copvanquejec lhip eyipitcasiclhojo enlhit apquilpeyvomo enlhitaoc apquilmapsomcaa. Lhip aptomja singyicpilquemo apyimtalhnamo as nalhpop. ¿Impeyvo ya mataa apyicpilquemo lhip?— nic nat aptomjac Abraham.

ESDRAS 9:15

Lhip Dios Visqui ingac ningilvisay Israel. Peyvoc mataa lhip aplhanma mepqui apyeycajascaoc, yoyam ongmiyovalhcac sat ningilvamlha nincoo. Naso, ningilsilhnanomalhca inganco napato lhip. Mongvanqueje ongileyo napato lhip naysicsa nintemaclha inganco — alhta intomjac silmalhnancama — nic nat aptomjac Esdras.

NEHEMÍAS 9:33

Naso, appeyvomo apanco nac lhip najan mepqui apsilhnanomap apanco naysicsa ninlingaycamco acyimtalhnama. Nincoo eyca ningilsilhnanomalhca inganco naysicsa nintemaclha inganco acmasom.

JOB 12:6

Mepqui mataa apquilay apquilmapsomcaa natingma, mepqui apquilay naysicsa apquilvenéycam Dios, apquilanem apvisay apmomap Visqui ingac.

JOB 13:3

Altamjo inyicje opamejitsic Dios Visqui ingac apyimtalhnamo quilhvo nac jay.

JOB 24:12

Avanjec apquiliclhangveycam natingma naysicsa apquillingaycamco acyimtalhnama, am eyca ingyajalhnoc Dios apquilmalhnancama maa.

JOB 24:23

Elmiyovacpoc sat apquiltomja melyasquiyam, apquilanoc mataa Dios apquiltomjaclha enlhit.

JOB 8:17

Yitnec ayquipmenaoc congne lhopactic, acvaycmo congne alyitnamaclha mataymong.

SALMOS 116:5

Singasicjayo aptomja Visqui ingac najan appeyvomo. Singimlaycmo aptomja Visqui ingac.

SALMOS 119:137

Visqui ajac, impeyvoc anco lhip appayvam singanama. Appeyvomo apanco lhip.

SALMOS 119:75

Visqui ajac. Acyasamcoc coo actomja acpeyvomo apcanamaclha lhip. Appeyvomo nac lhip, aptimesquiscama alhta siclingaycamco acyimtalhnama.

SALMOS 145:17

Inpeyvoc anco aptemaclha Visqui ingac. Najan aptemaclha mataa singasicjayo.

SALMOS 37:1

Noncolov nasa apvalhoc apvita sat apquiltemaclha apquilmapsomcaa. Noyasipquis nasa apvita sat apquilsilhnanomap apanco.

SALMOS 37:35

Acvitac alhta aptemaclha enlhit apmapsom. Malha yamit acyivey anco intomjac actemaclha apyimtalhnesomacpo apanco.

SALMOS 51:4

Actovasquic coo lhip, actovasquic coo lhip aptemaclha. Acyiplovcasquic coo actemaclha lhip aptanoncama. Nasoc anco mataa lhip appayvam. Inpeyvoc anco lhip singyicpilquemo.,

SALMOS 51:6

Apyispaquic lhip actomja nasoc anco ingvalhoc. Lhip aptomja apyascasingvoyam evalhoc coo.

SALMOS 92:7

Apquilyitsomacpo apquilmapsomcaa, malha paat alyimseleycaoc najan ilhnamoc. Enatovasacpoc sat cotmongvoycamlha nelha.

PROVERBIOS 1:32

Acyeyjamelhma incajac mataa enlhit melyascamco. Etvasacpoc sat acyeyjamelhma ayinyema mepqui aclheneycam apvalhoc.

ECLESIASTÉS 8:14

Alhto inyicje as nintemaclha. Apquillingamcoc acyimtalhnama enlhit apquilpeyvomo, naysicsa mepqui apquiltemaclha acmasom. Innec mataa ayaco enlhit apquilmapsomcaa, malha apquiltomja apquilpeyvomo. Alhto inyicje apquiltemaclha maa.

ISAÍAS 41:21

Eycaso sicpayvam Dios: —Jelyota yoyam opeyvascasiclha apquiltemaclha quellhip. Eycaso sicpayvam sictomja Visqui nipyesicsa Jacob apmolhama: —Jeltimnas sat apquiltemaclha quellhip yoyam opeyvescasiclha coo.

ISAÍAS 48:8

Am ellingayac mataa quellhip, am nat elyasamcoc quellhip ayinyema mepqui apjaycaoc. Am cotnajac acpeyvomo apquilvalhoc quellhip. Apquiltamjamacpoc quellhip enlhit apquilinmelhaycam mataa.

JEREMÍAS 11:20

Lhip Visqui ingac apyimtalhnamo, aptomja singyicpilquemo appeyvomo. Lhip apyasamcoc actemaclha ingvalhoc nincoo. Apvanquic lhip jemyoc coo, apvanquic lhip jelhicmocsic aptemaclha apyanmongsayclha apquiltemaclha apancaoc selinmelhaycam.

JEREMÍAS 12:6

Lhip apquilyalhing najan apquilmolhama familia apquiltomja apquilinmelhaycam lhip, apquilantipquiscama lhip apvisay. Iyasquim sat lhip apquilpayvam, aplinga inlhojo lhip actamila apquilpayvam — alhta aptomjac seyanya.

JEREMÍAS 3:20

Apquilyitsomacpo quellhip quilvana acyamasma atava, acmayclha poc enlhit. Quellhip apquiltomja selyamasma coo. Eycaso sicpayvam Visqui apancaoc — alhta aptomjac.

JEREMÍAS 3:7

Aljalhne inyicje coo jelyavotac mocjam israelitas, malha quilvana alanatama actajayclha mocjam apnaclha atava. Apquilvitac alhta apnaymacoc co Judá, malha apquilyalhing apquiltomjac.

JEREMÍAS 32:16

Acmesquic alhta vaycajac Baruc, Nerías apquitca. Acpamejitcasquic coo Visqui ingac:

JEREMÍAS 5:11

¡Selyinimquiscama quellhip co Israel najan co Judá! — alhta aptomjac Visqui ingac.

JEREMÍAS 9:2

Altamjo inyicje otac yoclhilhma actamopeycaoc amyip actamila, yoyam olhic. Altamjo inyicje oyinyoc enaymacoc olhic mocjay, ayinyema apquiltemaclha enaymacoc apquilyamasma Visqui ingac.

LAMENTACIÓNES 1:18

Peyvoc aptemaclha Visqui ingac, aptomja apyanmongsayclha nintemaclha inganco, ayinyema alhta mepqui ningilyajayquiclho appayvam. ¡Quip elaylhojo quellhip actemaclha ninlingaycamco acmasca! Apquilmacpec alhta apquilyimnanic, najan maa quilvana ayitcavoc, macnalayclha cotnajaclha alaoclha.

EZEQUIEL 18:25

Apquilanayquic quellhip motnaja sicpeyvescasquiclha acpeyvomo. Quip elaylhojo quellhip enlhitaoc Israel. ¿Apquilanayqui ya quellhip motnajac sicpeyvomo? Jave coo sicmasom, quellhip eyca apquilmapsomcaa.

DANIEL 9:14

Lhip Dios aclhanma apvalhoc, yoyam onlingamcojoc acyimtalhnama nincoo. Lhip aptomja appeyvomo mataa, nincoo eyca mepqui aclhanma ingvalhoc, yoyam ongilaylhojo mataa lhip.

DANIEL 9:7

Lhip Dios aptomja appeyvomo. Avanjec nincoo ningilmancactama napato lhip ningilvisay judíos. Apyovoclhojo apnaycam tingma Jerusalén, najan apyovoclhojo israelitas ningyava nincoo, najan poc ingnaymacoc apquilmomap cotnajaclha apquilaoclha, apquiltomja alhta apquilinmelhaycam lhip.

OSEAS 6:7

Apnatovasquic alhta mataa pacto ningmiyovmalhca. Apquilvatsamquic enlhit ajancaoc, apno ilhnic nat Adán (natingma Adán).

HABACUC 1:4

Am elyiplovcasac mataa singanamaclha najan nintemaclha acpeyvomo, malha apquiltoyam apquiltomjac. Enlhit apmapsom aptomja apyamascam enlhit appeyvomo. Innec actovasa nintemaclha acpeyvomo — nic nat aptomjac profeta.

SOFONÍAS 3:5

Apnec tingma apvanyam Dios Visqui ingac, apquillanay asoc altamila, jave asoc acmasom. Aptemaclha mataa appeyvomo moclhama secaseclha. Enlhitaoc eyca mepqui mataa apquilmancactama.

MALAQUÍAS 2:17

Aptomjac nic nat profeta: Incastinquic Dios Apyimtalhnamo apjalhenmo quellhip apquilpayvam. Apquiltomjac mataa quellhip: ¿Co laa ayinyema ayastingam Dios Apyimtalhnamo ninlhanma? — apquiltomjac mataa. Yitnec aclhanma apquilvalhoc quellhip: Apyispaquic mataa Dios nintemaclha acmasom. Payjeclhec mataa apvalhoc apvita nintemaclha inganco — intomjac mataa apquilvalhoc. ¿Apquilanayqui ya quellhip metnaja appeyvomo Dios Apyimtalhnamo? — nic nat aptomjac profeta.

MALAQUÍAS 3:15

Ningvitac mataa apquilitsovascama enlhit ayajamalhco apquilvalhoc. Apquillhocac mataa asoc altamila enlhit apquilmapsomcaa. Apquilyipconquic mataa Dios, elyasamcojo yavamlha etnejic. Am ellingamcoc mataa acyanmongayclha apquiltemaclha apancaoc — alhta aptomjac.

DEUTERONOMIO 32:4

Singmasma aptomja Dios, aptemaclha mataa appeyvomo. Aptemaclha mataa nasoc anco, mepqui singyinimquiscama. Aptemaclha mataa nasoc anco, aplhanma mataa mepqui apyeycajascaoc.