JEREMÍAS 11:10 - Enhlit Bible

¹⁰ Apquilvajanamquic mataa apquiltemaclha apquilyeyjamcaa apquiltamsomap melyascalhma. Am nic nat eliljalhnoc mataa sicpayvam. Apquiltimec mataa apquilayo quilaycmasquiscama acyitsomalhca dios. Apnatovasquic mataa pacto ningmiyovmalhca apquilmolhama Israel najan apquilmolhama Judá, siclhoc nat sillanay nipyesicsa apquilyeyjamcaa.

JEREMÍAS 11:10 Iomraidhean Croise

SALMOS 78:57

Apquilvatsamquic nic nat apquiljalhenmo appayvam ayinyema Dios. Apquilno ilhnic nat apquilyeyjamcaa apquiltemaclha apquilmapsomcaa.

ISAÍAS 24:5

Ayinyema alhta enlhit apquilsilhnanomap apanco, am alhta elyiplovcasac singanamaclha najan singascamaclha najan pacto ningmiyovmalhquilha ayinyema Dios Visqui ingac.

JEREMÍAS 13:10

Apquiltemaclha apancaoc mepqui selyajayquiclho as enlhitaoc, apquilyiplovquisa aclhanmaclha apquilvalhoc. Apquiltomja apquilayo quilaycmasquiscama acyitsomalhca dios. Apquilno as enlhitaoc cinturón ápac mepqui acmomalhca mocjam.

JEREMÍAS 17:23

Am nat elyajaclhoc apquilyeyjamcaa, am nat elyiplovcasoc siyanamaclha, am nat colmac apquilvalhoc, apquiltemaclha acyeyjamelhma.

JEREMÍAS 22:9

Elatingmojoc sat maa: Apquilyinyovquic alhta pacto ningmiyovmalhca ayinyema Visqui ingac. Apquiltomja apquilayo quilaycmasquiscama acyitsomalhca dios — sat eltimjic.

JEREMÍAS 31:32

Moc actemaclha sat cotnejic pacto ningmiyovmalhca. Am nat colhno nipyesicsa apquilyeyjamcaa sicyinyovquiscama nat yoclhilhma Egipto, sicnalayquinta maa. Am nat elyiplovcasac pacto ningmiyovmalhca, sictimem nat Visqui apancaoc. Nasoc sicpayvam sicvisay Dios.

JEREMÍAS 44:16

—Comejec ingilvalhoc amyaa singlingascama lhip ayinyema Dios.

JEREMÍAS 44:5

Am alhta eljalhnoc quellhip, am alhta elyinyavac apquiltemaclha acmasom. Apquilvatnec alhta talha asoc acmasis payjoc acyitnamaclha quilaycmasquiscama.

JEREMÍAS 7:28

Iltimnas sat amyaa: Mepqui apquilyajayquiclho quellhip Dios Apyimtalhnamo, mepqui mocjam apquiltamilcasomacpo apanco — alhta aptomjac Dios.

JEREMÍAS 9:6

mepqui apquilyanmonquiscama apquilvalhoc. Moclhama apquilyimtalhnesomap apanco, moclhama apquilyinimquiscama, colyacmoc enlhit ajancaoc jelyicpilcojo — alhta aptomjac.

EZEQUIEL 16:59

Aptomjac mocjam Visqui ingac: Yitnec alhta pacto ningmiyovmalhca, acvisay mepqui seyamasma etava, najan mepqui coo lha sicyamasma etava. Nasoc alhta etava seyamasma coo, actovascama pacto ningmiyovmalhca. Oyanmongsiclhac sat actemaclha anco etava co Jerusalén.

EZEQUIEL 44:7

Yitnec apquiltemaclha quellhip sictanoncama coo, sicmasma coo tingma apponquinomap. Apquilantalhnec mataa metnaja israelitas mepqui asoc monquinatquiscama apquilvalhoc, najan mepqui asoc monquinatquiscama apyimpeoc, ayinyema siclho pacto ningmiyovmalhca. Apquilpasmec alhta metnaja israelitas naysicsa apquilvatnama talha acpilhmoc najan ema ayinyema asoc acticyovam, colapvanquejec elpasmoc maa. Actanovquic coo apquiltemaclha quellhip apnatovascama pacto ningmiyovmalhca.

EZEQUIEL 5:6

Am alhta colcac apquilvalhoc, apquiltomja selinmelhaycam coo najan siyanamaclha. Inyangvocmec alhta apquilmapsomcaa, am alhta elhno enlhitaoc metnaja israelitas, mepqui mataa apquilyiplovquiscama siyanamaclha — alhta aptomjac.

OSEAS 6:4

Aptomjac alhta apquilanya Dios Apyimtalhnamo: ¿Jalhco sat oltimesquisic quellhip apquilmolhama Efraín? ¿Jalhco sat oltimesquisic quellhip apquilmolhama Judá? Acvitac coo selasicjayo quellhip, malha tiyam etin alhtoo, najan malha acyesalhma alhtoo, quilhvoc mataa yoyam comascoc.

OSEAS 6:7

Apnatovasquic alhta mataa pacto ningmiyovmalhca. Apquilvatsamquic enlhit ajancaoc, apno ilhnic nat Adán (natingma Adán).

OSEAS 7:16

Apquiltingyac mataa quilaycmasquiscama Baal. Apquilyitsomacpo pilhpaalh ápac, actaticponga yanca. Eticyoc sat apquilyimtalhnamo, ayinyema sovo acvinatem, ayinyema apquilantipquiscama sicvisay. Elasmesacpoc sat maa yoclhilhma Egipto — alhta aptomjac Dios Apyimtalhnamo.

LEVÍTICO 26:15

Yitnec sat ancoc apquilvennéycam siyanamaclha najan siyascamaclha. Acyiplomo apquiltanoncama, mepqui apquilyiplovquiscama quellhip. Apquiltovasqui nac quellhip sicpayvam actemaclha sicmayjayoclha.

SOFONÍAS 1:6

Onatovacsic sat apquilvatseycaoc selyamasma coo, najan mejeltingyey coo yoyam oyascasingvomoc.

ZACARÍAS 1:4

Noelvajaniclhojo nasa quellhip apquiltemaclha apancaoc apquilyeyjamcaa. Apquillingasquic nat profetas sicpayvam, apquiltomja apquilanya: Elpayquim sat quellhip, elvatsaoc sat apquiltemaclha apancaoc - nat apquiltomjac. Am nat eljalhnoc apquilyeyjamcaa sicpayvam. Naso coo sicpayvam sicvisay Dios.

ZACARÍAS 7:11

Am nic nat elilyajaclhoc apquilyeyjamcaa quellhip. Apquiltomjac nic nat mepqui apaycaoc, mepqui apquilyiplovquiscama.

ZACARÍAS 7:13

Mepqui selyajayquiclho siclho sictomja siyevoycam. Mongvaylhojoc sat apquiltomja inlhojo seyevoycam.

DEUTERONOMIO 31:16

Aptomjac nic nat Dios apcanya Moisés: —Ningatoc lhip apquitsepma. Jelyinyoc sat enlhitaoc niptamin lhip. Eltimjic sat apquilayo quilaycmasquiscama ayinyema as yoclhilhma apquilvoycamlha sat quellhip. Eltovacsic sat ningmiyovmalhca, sillanay alhta nipyesicsa enlhitaoc.

DEUTERONOMIO 9:7

Aptomjac nic nat mocjam: —Coyitnam apatic quellhip apquiltemaclha apancaoc yoclhilhma actamopeycaoc. Aplovquic nic nat Dios Apyimtalhnamo apvita apquiltemaclha apancaoc quellhip. Avanjec alhta apquilinmelhaycam mataa quellhip, siclhoc alhta apquilantiyapma yoclhilhma Egipto acvaycmo apquilvoycamlha as yoclhilhma.

HEBREOS 8:9

Am colhnoc sictimesquiscama alhta monquinatquiscama sicmayjayoclha siclhanma siclhoc anco nipyesicsa apquilyeyjamcaa. Nalhit acnim alhta sicnalovsingveclho yoclhilhma Egipto. Am alhta elilyajaclhoc monquinatquiscama sicmayjayoclha siclhanma coo. Acyinyovquic alhta enlhitaoc Israel, alhta aptomjac Dios Visqui ingac.

JUECES 2:11

Acmasom nic nat apquiltemaclha apancaoc israelitas napato Dios Apyimtalhnamo. Apquiltomjac nic nat apquilayo quilaycmasquiscama acyitsomalhca dios acvisay Baal.

JUECES 2:17

Am nic nat elilyajaclhoc mataa apcanamaclha enlhit mayayo. Apquilvatsamquic nic nat apquilayo Dios Apyimtalhnamo, apquiltomja apquilayo quilaycmasquiscama acyitsomalhca dios. Apquilyiplovcasquic nic nat apquilyeyjamcaa singanamaclha Dios, am nic nat elyiplovcasac as enlhitaoc apquilvisay aptovana niptamin.

JUECES 2:19

Apquilvatsamquic nic nat mataa niptamin enlhit mayayo. Inyangvocmec nic nat apquiltemaclha acmasom, am nic nat colhno apquiltemaclha apquilyeyjamcaa. Apquiltomjac nic nat apquilayo quilaycmasquiscama. Am nic nat elvatsamcoc apquiltemaclha apancaoc acmasom.

1 SAMUEL 15:11

—Am colcac evalhoc sictimesquiscama alhta apvisqui Saúl nipyesicsa enlhitaoc. Apquilvatasquic selyajayquiclho Saúl, am eyiplovcasac actemaclha siyanamaclha — nic nat aptomjac Dios. Avanjec nic nat actamjaycam apvalhoc profeta Samuel. Malha apquilpalhamaycam nic nat intomjac apquilmalhnancama acyovoclhojo alhtaa.