JEREMÍAS 10:5 - Enhlit Bible

⁵ Alyitsomalhca as quilaycmasquiscama apava apminascama nata ayitcoc, ningilquilhanma nitno payjoc ayimjaclha ninganma ayitcoc, mepqui acpayvam as quilaycmasquiscama, mepqui aleyvam, enlhit aptomjac apsayclha. Noelavojo nasa quellhip, covanquejec jingiltimesquisic acmasom, paj najan actamila yoyam jingilmeyvoc — alhta aptomjac Visqui ingac, aplingascama profeta.

JEREMÍAS 10:5 Iomraidhean Croise

1 REYES 18:26

Apquilyantavoclhec nic nat lhama vayqui yamquilvana. Apquilajac nic nat. Yejemoc nic nat apquilevamcaa quilaycmasquiscama Baal, ayenmo alhtoo acvocmo actalhnam. Apquililpalhamam nic nat aplhamoclhojo: ¡Baal, jingilpasim nincoo! — nic nat apquiltomjac. Am nic nat ellingac acpayvam. Am nic nat catingmavoc quilaycmasquiscama. Apquililtam nic nat niyava apquilvatnamaclha.

2 CRÓNICAS 25:15

Aplovquic nic nat Dios Visqui ingac apvita aptemaclha Amasías. Apcapajasquic nic nat profeta, colhic altimnasa Amasías: —¿So actomja yi? Lhip aptomja apcayo quilaycmasquiscama comovan colvomsic tap enlhitaoc naysicsa apquilimpocjay quellhip — nic nat aptomjac.

ISAÍAS 16:12

Elmiyaclhac sat co Moab netin inquilhe, elvascapoc sat apquililmalhnancama payjoc acyitnamaclha quilaycmasquiscama, alhtoc sat cotnejic — nic nat aptomjac profeta.

ISAÍAS 45:20

Ingyaniclhac sat quellhip. Jelyota sat aplhamoclhojo quellhip apquinyajaycaoc nipyesicsa enlhitaoc lhalhma anco. Malha ayanem aptomja enlhit acyitna quilaycmasquiscama acyitsomalhca dios yoyam epayicsojo. Covanquejec mataa covomsic tap enlhitaoc.

ISAÍAS 46:1

Quilaycmasquiscama acyitsomalhca dios acvisay Bel, moc quilaycmasquiscama acvisay Nebo, mepqui mataa alyimnatem, altomja eyca acnatovasomalhca. Inquilpatmalhquic apnatoscama acpoc. Inquilyampavoc apnatoscama co Babilonia.

ISAÍAS 46:7

Apquilsovquic mataa acyavataclhojo as quilaycmasquiscama, apquilpiquenaclhec mocjam acyitnamaclha, mepqui aclhingam, mepqui acmovan as quilaycmasquiscama. Inquilmalhnalhquic maa, yoyam copasingvota enlhit, - paj, mepqui acpayvam. Covanquejec quilaycmasquiscama covomsic tap enlhit naysicsa aplingaycamco acmasom.

JEREMÍAS 10:14

Acyeyjamelhma mataa enlhit, am elyasingvocmoc mataa. Elmancangvomoc sat enlhit apquillanay quilaycmasquiscama mepqui acmovan, mepqui aleyvam, actomja eyca singyinimquiscama.

HABACUC 2:19

Quellhip layi apquiltomja apquilanya quilaycmasquiscama yamit: ¡Colhaticja! — alhta apquiltomjac. Quellhip layi apquiltomja apquilanya quilaycmasquiscama mataymong: Cotnimiclha netin — alhta apquiltomjac. ¿Avanqui ya quilaycmasquiscama colngacsic amyaa? Paj inyicje, ayinyema mepqui acyimnatem. Actomja allanomalhca oro najan plata quilaycmasquiscama.

1 CORINTIOS 12:2

Apquilyasamcoc mocjam quellhip apquiltemaclha alhta mepqui lha apquilyanmonquiscama apquilvalhoc. Apquilyasquic alhta mataa quellhip acnaycamcolha quilaycmasquiscama mepqui acpayvam acyitsomalhca Dios, malha macnalayclha alhta quellhip.

1 CORINTIOS 8:4

Inlhenalhquic apitic macmescama quilaycmasquiscama acyitsomalhca Dios. Paj nincoo lhalhma anco lhama quilaycmasquiscama acyitsomalhca Dios. Paj poc, apvamlha lhama apanco Dios.

DEUTERONOMIO 4:28

Eltimjic sat apquilayo quellhip quilaycmasquiscama ayinyema enlhit apquillanay. Alvisay quilaycmasquiscama allanomalhca yamit, moc allanomalhca mataymong. Mepqui ataoc quilaycmasquiscama, mepqui ajaycaoc, mepqui atong yoyam cotoc, mepqui ayinamam.