JEREMÍAS 10:16 - Enhlit Bible

¹⁶ Moc aptemaclha Dios Visqui apancaoc Israel, Jacob aptovana. Apquillanay nic nat aclhamoclhojo asoc, aptomja apquilyacyescama israelitas eltimjic apquitquic. Apvisay apanco: Dios Visqui apyimtalhnamo.

JEREMÍAS 10:16 Iomraidhean Croise

SALMOS 119:57

Lhip aptomja Visqui ingac, am colhenac evalhoc moc asoc. Nasoc anco pac oyiplovcasojo lhip appayvam.

SALMOS 135:4

Aptomja apquilyacyescama nic nat Jacob apquilmolhama, apquilvisay Israel. Eltimjic sat apquilmolhama apquilponquinomap.

SALMOS 142:5

Avanjec sicyimatescama sicpayvam Visqui ajac. Actomjac siyanya lhip: —Lhip nac semasma coo (sicyilhanmeycam). Lhip nac setingyasquiscama asoc naysicsa sictiyascam.

SALMOS 33:6

Dios appayvam nic nat actipquiscama netin. Dios apvatipnapma nic nat alantipquiscama aclhamoclhojo asoc lhalhma anco.

SALMOS 73:26

Comascoc sat sicyovoclhojo najan actemaclha evalhoc. Comasquejec sat mataa aptemaclha Visqui ingac, aptomja apyimnatescama evalhoc, aptomja semasma cotmongvoycamlha nelha.

SALMOS 74:2

Coyit apatic lhip singilyacyescama nano. Ontimjic sat lhip apnaymacoc. Coyit apatic lhip inquilhe Sión, apmaclha lhip nano.

ÉXODO 19:5

Quip elaylhojo. Altamjoc coo yoyam elilyejiclhojo sicpayvam, yoyam eltamilsic asoc monquinatquiscama sicmayjayoclha coo. Otnejic sat enlhitaoc ajancaoc quellhip silyacyescama nipyesicsa enlhitaoc lhalhma anco. Coo sictomja ajanco as nalhpop.

ÉXODO 34:9

Aptomjac nic nat appayvam Moisés: —¡Visqui ingac! ¡Visqui ingac! Nasoc sat ancoc seyasicjayo coo, itne sat ninlhalhma. Yitnec apquiltemaclha apancaoc acmasom as enlhitaoc. Jingilasicjiclhojo sat mocjam ningiltomja ningilinmelhaycam lhip. Jingilpalhaquis sat lhip apmolhama (ongiltimjic ningilmolhama) — nic nat aptomjac Moisés.

PROVERBIOS 16:4

Apquilantipcasquic nic nat Dios aclhamoclhojo asoc, apyasamcoc yavamlha etnejic. Eyanmongsiclhac sat apquiltemaclha apancaoc apquilmapsomcaa, acvoya inlhojo acnim apanco.

ISAÍAS 19:25

Conyemac sat Dios Visqui ingac apvaticjapquiscama, etnejic sat ingyanic: Ovaticjapsic sat co Egipto enlhit ajancaoc, najan co Asiria sillanay alhta siclho, najan co Israel silyacyescama coo otnejic enlhit ajancaoc — sat etnejic Dios — nic nat aptomjac profeta.

ISAÍAS 45:7

Eycaso sicpayvam Dios: —Coo sictipquiscama ayitsayolhma najan yatescamalhma. Coo ayinyema sicvomquiscama tap najan ayinyema apquillingaycamco acyimtalhnama. Coo ayinyema aclhamoclhojo asoc sicvisay Dios.

ISAÍAS 47:4

Dios Visqui ingac apyimtalhnamo aptomja mayayo nipyesicsa israelitas. Innec mataa ayaco apvisay apanco, aptomja apyimtalhnamo. Aptomjac alhta Visqui:

ISAÍAS 47:6

Actanovquic alhta coo enlhit ajancaoc, mepqui sicmasma alhta, apquilmec alhta quellhip. Mepqui alhta quellhip apquilimlayquiclho, apquiltimescasqui inyicje quellhip ellingamcojoc acyimtalhnama apquilmomap apquilvanyam.

ISAÍAS 51:15

Coo sicvisay Dios Visqui sicyimtalhnamo, mepqui poc. Coo sictomja sicpatipquiscama yingmin acvanyam, colvitalhcac sat alyayajayam.

ISAÍAS 54:5

Etnejic sat aptava lhiya Dios, aptomja apquillanay lhiya. Apvisay Dios Apyimtalhnamo. Apvomquiscama tap lhiya apvisay Dios Mayayo nipyesicsa enlhitaoc Israel. Dios Visqui apancaoc lhalhma anco as nalhpop.

JEREMÍAS 10:12

Dios Visqui ingac nic nat apquillanay as nalhpop, ayinyema apmopvan apanco. Apquillanac nic nat netin ayinyema apyascamco apanco.

JEREMÍAS 10:6

Lhip Visqui ingac, apmopvan innac lhip najan apyimtalhnamo, am elhno poc.

JEREMÍAS 31:35

Apquillanac nic nat Dios acnim actomja ayitsasquiscama olhma. Najan piltin najan apyová apquilapongmatem alhtaa. Apquillanac nic nat yingmin acvanyam najan alyayajayam ayilhtingyovam. Apvisay Dios Apyimtalhnamo aptomja singilanya:

JEREMÍAS 32:18

Lhip aptomja apcasicjayo enlhitaoc najan aptovana cotmongvoycamlha nelha. Najan aptomja apyanmongsayclha apquiltemaclha apancaoc enlhit ayinyema apquiltemaclha apquilyapmayc. Lhip Dios Visqui ingac apyimtalhnamo, acmovan innac lhip apvisay.

JEREMÍAS 33:2

Coo sicvisay Visqui silanay nat as nalhpop, sicmovan olanac aclhamoclhojo asoc. Ingyeylhojo sicpayvam:

JEREMÍAS 46:18

Coo sicvisay Visqui sicyimtalhnamo, eycaso sicpayvam siclhanma: Acvinatem anco inquilhe Tabor, am colhno moc. Acvinatem anco inquilhe Carmelo nicja yingmin acvanyam. Apquilno cotnaja ingmoc apquilyimnatem, elimpocjac nipyesicsa co Egipto.

JEREMÍAS 50:34

Apyimnatem apanco apquilvomquiscama tap, apvisay Visqui apyimtalhnamo, aptemaclha appeyvomo. Olmeyvoc sat enlhit ajancaoc ontovacsic sat coo Babilonia — alhta aptomjac.

JEREMÍAS 51:19

Moc aptemaclha Dios Visqui apancaoc Israel, Jacob aptovana. Apquillanay nic nat aclhamoclhojo asoc, aptomja apquilyacyescama israelitas eltimjic apquitquic. Apvisay apanco: Dios Visqui apyimtalhnamo.

LAMENTACIÓNES 3:24

Intomjac evalhoc coo: Moyascacmoc coo Visqui ingac aptomja semasma coo — intomjac evalhoc.

AMÓS 4:13

Aptomjac nic nat profeta: Dios Apyimtalhnamo aptomja apquilantipquiscama mataymong alvinatem najan alhcajayam. Aptomjac apyascasingvoyam apmayjayoclha nipyesicsa enlhitaoc. Aptimesquiscama ayitsay olhma cotniclhac yatescamalhma. Aptomjac aplhingam apyitsicsaoc inquilhe alvinatem. Apvisay apanco Dios Visqui Apyimtalhnamo — nic nat aptomjac profeta.

ZACARÍAS 2:12

Etnejic sat apquilmolhama co Juda as yoclhilhma acponquinomalhca. Jerusalén etnejic sat tingma malyacyescama Visqui ingac.

DEUTERONOMIO 32:9

Apquilyacyesquic nat enlhitaoc, etnejic apquitquic apancaoc. Apyovoclhojo Jacob apquitquic najan aptovana.