JEREMÍAS 10:12 - Enhlit Bible

¹² Dios Visqui ingac nic nat apquillanay as nalhpop, ayinyema apmopvan apanco. Apquillanac nic nat netin ayinyema apyascamco apanco.

JEREMÍAS 10:12 Iomraidhean Croise

GÉNESIS 1:1

Apquillanac nic nat siclhoc anco Dios netin najan nalhpop.

GÉNESIS 2:5

Am nic nat cotamalhca paat najan moc yamit. Am nic nat elanac siclho acmamay Dios Apyimtalhnamo. Am nic nat etamacpoc enlhit yoyam etnajam amyip.

1 CRÓNICAS 16:26

Mepqui acmovan mataa quilaycmasquiscama acyitsomalhca dios. Apmopvan innac Visqui ignac, aptomja apquillanay nic nat netin.

JOB 26:7

Malha appaclhanma acyivey apquillanay Dios nitnoc anco, mepqui ningileyvomaclha. Apquinimcasquic Dios ningileyvomaclha as nalhpop, malha nipyesicsa apyová.

JOB 37:18

Apvanqui ya lhquip epasmoc epaclhenic netin, actomja acyimnatem, malha tava apac.

JOB 9:8

Apvamlha pac Dios apquillanay nic nat netin, elhong apanco netin yingmin.

SALMOS 104:2

Ayitsayolhma acvanyam intomjac apcalomap lhip. Malha carpa appayescama aptomjac lhip netin.

SALMOS 104:24

Lhip Visqui ingac, cascama anco asoc apquillanay lhip. Aptomja apyascamco apanco apquillanay as asoc. Yitnec lhalhma anco asoc apquillanay lhip.

SALMOS 119:90

Cotningvomejec sat nelha lhip aplhanma mepqui apyeycajascaoc. Cotningvomejec sat nelha as nalhpop, acno aplhanma lhip siclho.

SALMOS 24:2

Apquillanac nic nat as nalhpop. Nicja yingmin nic nat appiquenac lhop najan nicja vatsam.

SALMOS 33:6

Dios appayvam nic nat actipquiscama netin. Dios apvatipnapma nic nat alantipquiscama aclhamoclhojo asoc lhalhma anco.

SALMOS 65:7

Aptimescasquic lhip alvinamalhma yingmin acvanyam. Apnovcasquic lhip acyinamamolhma enlhitaoc.

SALMOS 78:69

Innec nic nat alana tingma apponquinomap nitnoc anco. Mepqui nic nat apyovjeycam as tingma apponquinomap apyimnatem.

SALMOS 93:1

Visqui ingac aptomja Dios. Visqui ingac aptomja apyimtalhnamo. Pilapcasquic ningvita actemaclha apyimtalhnamo najan actemaclha apmopvan. Malha apquilantalhnayclha alyinmom intomjac. Apquillanac nic nat as nalhpop mepqui acyovjeycam.

PROVERBIOS 3:19

Apquillanac nic nat Dios netin najan nalhpop, ayinyema acyascamco apvalhoc.

PROVERBIOS 30:4

¿Apmiyaclhe ya netin enlhit? ¿Apvayventa ya mocjam apyascamco enlhit? ¿Soc enlhit apmaycam apmic alhcajayam najan piyam? ¿Soc enlhit aptalhnama actomja ayalomalhca yingmin acvanyam? ¿Soc enlhit aptimesquiscama acvamlha navayc as nalhpop? ¿Apyasamco ya lhquip apvisay apanco, najan apvisay apquitca?

ISAÍAS 37:16

Lhip Dios Visqui ingac. Yitnec lhip aptajanem pac tacjaplhit ángeles querubines. Lhip apvamlha pac lhama Dios, apvisqui lhalhma anco. Lhip nic nat apquilantipquiscama netin najan nalhpop.

ISAÍAS 40:22

Apnec netin Apvisqui aptajanem Dios. Aptomja Apvisqui apancaoc enlhitaoc as nalhpop. Apquitcoc mataa enlhitaoc napato Dios malha sova. Malha apava appayjem aptomja appayescama Dios netin. Aptomja appayescama netin malha carpa macpayescama apmaclha.

ISAÍAS 42:5

Eycaso sicpayvam sicvisay Dios: —Coo alhta silantipquiscama netin najan sicpayescama netin. Sillanay alhta as nalhpop najan asoc alimja lhalhma anco. Sictomja sicyimnatescama apnenyaoc enlhitaoc lhalhma anco. Sicmescama apvalhoc enlhitaoc apquileyvam lhalhma anco.

ISAÍAS 44:24

Eycaso sicpayvam Dios, sicvomquiscama tap quellhip. Malha sicaa sictimesquiscama avalhoc inquin. Coo sicvisay Dios, silanay nat netin najan nalhpop. Coo sicvamlha silanay.

ISAÍAS 45:12

Coo alhta silanay as nalhpop najan enlhitaoc apquileyvam as nalhpop. Coo alhta silanay netin najan aplhamoclhojo apyová.

ISAÍAS 45:18

Eycaso sicpayvam Dios: —Sicvamlha coo Dios. Silantipquiscama alhta netin. Silantipquiscama alhta as nalhpop najan sicyimnatescama. Apquileyvomaclha enlhitaoc as nalhpop silanay coo. Jave yoyam cotnejic actamopeycaoc. Coo sicvamlha Dios. Paj poc lhalhma anco.

ISAÍAS 48:13

Coo sillanay siclhoc anco as nalhpop, najan sillanay siclhoc anco netin, ayinyema coo sicpayvam silantipquiscama maa.

ISAÍAS 49:8

Aptomjac alhta appayvam Visqui ingac: —Ongvaylhojoc sat selmalhnaycam quellhip, acvaa inlhojo acnim siyasicjayquiclha quellhip. Olpasmoc sat quellhip, acvaa inlhojo acnim apquilvomsomap tap quellhip. Ollanac sat pacto ningmiyovmalhca nipyesicsa enlhitaoc lhalhma anco, ayinyema quellhip apquilmiyovmap. Ellhnam sat mocjam quellhip apquilaoclha nano, elmilascoc sat yoclhilhma, ellhovamcoc sat apnaymacoc.

JEREMÍAS 10:13

Inquilhtingyovquic yingmin ayinyema appayvam acyitsomalhco ayilhtingyavoyam. Aptimescasquic nic nat yipjopay payjoc nelha lhapop (nalhpop). Inquilyinmacmec nic nat naysicsa acmamay, apquilhcajacmec piyam, inquilhcajacmec alhcajayam.

JEREMÍAS 10:16

Moc aptemaclha Dios Visqui apancaoc Israel, Jacob aptovana. Apquillanay nic nat aclhamoclhojo asoc, aptomja apquilyacyescama israelitas eltimjic apquitquic. Apvisay apanco: Dios Visqui apyimtalhnamo.

JEREMÍAS 14:22

Paj coyitnac lhama quilaycmasquiscama acmovan cotnesquisic acmamay. Paj covanac netin cotnesquisic acmamay mepqui lhip. Lhip Dios Visqui ingac. Apmopvan innac lhip ellanac aclhamoclhojo asoc, yoyam jingilmecsic nincoo. Ningiljalhnec mataa lhip, yoyam jingilmeyvoc nincoo — nic nat aptomjac profeta.

JEREMÍAS 27:5

Coo sicmovan ayinyema sillanay as nalhpop, najan enlhit, najan apnatoscama, najan asoc navjac, najan aclhamoclhojo asoc. Evanquic omquecsic siltamjoclha omquecsic, otnesquisic apvisqui, siltamjoclha otnesquisic.

JEREMÍAS 32:17

Lhip Visqui ingac, apmopvan innac lhip elana aclhamoclhojo asoc. Lhip apmopvan ayinyema ilhnic nat apquillanay netin najan as nalhpop.

ZACARÍAS 12:1

Eycaso appayvam ayinyema Dios Visqui ingac apquillhenacpo enlhitaoc Israel. Aptomjac nic nat Dios apquillanay netin najan nalhpop, aptomja singmescama ingvalhoc ningilvisay enlhit. Aptomjac nic nat maa:

SAN JUAN 1:3

Apquillanac nic nat Dios Ingyapam aclhamoclhojo asoc, ayinyema apquillanescama apvisay Appayvam. Am nic nat collanalhcac lhama asoc mepqui apvisay Appayvam.

COLOSENSES 1:16

Apquillanac nic nat Dios aclhamoclhojo asoc netin najan as nalhpop ayinyema apquillanescama Apquitca. Apquillanac nic nat aclhamoclhojo asoc ningvitay najan asoc mongvitay nincoo. Najan actemaclha apquilmopvancaa apnaycam netin. Najan asoc alyimnatem acnaycaoc netin. Najan actemaclha apquilyimtalhnamo apnaycam lhalhma anco. Najan actemaclha almovancaa alinyema Espíritu. Apquitca ilhnic nat apquillanescama aclhamoclhojo asoc acnaycaoc netin najan nalhpop.