JEREMÍAS 10:11 - Enhlit Bible

¹¹ (Quellhip israelitas, eltime sat elanic enlhitaoc metnaja israelitas: Am nic nat collanac quilaycmasquiscama netin najan nalhpop. Conatovasalhcac sat quilaycmasquiscama as nalhpop, comyovalhquejec sat lhama — sat eltime.)

JEREMÍAS 10:11 Iomraidhean Croise

SALMOS 96:5

Mepqui acmovan mataa quilaycmasquiscama acyitsomalhca dios. Apmopvan innac Visqui ingac aptomja apquillanay nic nat netin.

ISAÍAS 2:18

Elsavojoc sat apnatovascama acyovoclhojo quilaycmasquiscama lhalhma anco.

ISAÍAS 57:12

Olngacsic sat quellhip apquiltemaclha apancaoc. Copasmejec mataa quilaycmasquiscama.

JEREMÍAS 10:15

Comalhquejec mataa as asoc, conatovasalhcac sat naysicsa apyicpilquemo Dios.

JEREMÍAS 43:12

Colhic sat alvatna talha acyitnamaclha quilaycmasquiscama apancaoc co Egipto. Colhic sat acpatmaoclha quilaycmasquiscama. Esavojoc sat apvisqui Nabucodonosor acyovoclhojo quilaycmasquiscama acnaycaoc yoclhilhma Egipto, colhojoc sat aptemaclha apquilancam apnatoscama, esavojoc sat petim apquilyipitcaycam apquilantalhnama. Natamin etajiclhac sat mocjam apcaoclha Babilonia, mepqui apquinmelhaycam enlhit.

JEREMÍAS 43:13

Etvacsic siclho ayimjaclha mataymong alvinatem (poste), payjoc Helipolis yoclhilhma Egipto. Colhic sat alvatna talha tingma alyitnamaclha quilaycmasquiscama acyitsomalhca dios, co Egipto apancaoc.

JEREMÍAS 50:2

¡Ellingas sat amyaa nipyesicsa enlhitaoc lhalhma anco! ¡Noelmiyov nasa amyaa, elyascasingvom sat enlhitaoc, yoyam melquinatsejec sat! Eltime sat elanic: ¡Apquilmacpec apyovoclhojo co Babilonia! Mepqui acmovan quilaycmasquiscama Bel, najan moc quilaycmasquiscama acyitsomalhca dios Marduc actomja actovasomalhca. ¡Inatovasalhquic quilaycmasquiscama acyovoclhojo!

JEREMÍAS 51:18

Comalhquejec mataa as asoc, conatovasalhcac sat naysicsa apyicpilquemo Dios.

LAMENTACIÓNES 3:66

Iminlhinam sat (iyamasam) lhip cotnaja ingmoc naysicsa aplom pac lhip. Imascos sat lhip apquileyvam as nalhpop cotnaja ingmoc.

EZEQUIEL 30:13

Eycaso sicpayvam sicvisay Visqui: Onatovacsic sat acyovoclhojo quilaycmasquiscama acyitsomalhca dios nipyesicsa co Menfis. Mepqui apvisqui eltimjic sat co Egipto, ellingamcoc sat acyivey apquilay.

SOFONÍAS 2:11

Ellingamcojoc sat acyimtalhnama, conatovasalhcac sat acyovoclhojo quilaycmasquiscama lhalhma anco. Colhic sat ayaco Dios lhalhma anco, najan payjoc acyayem lhop.

ZACARÍAS 13:2

Omascoscomoc sat lhalhma anco acvisay quilaycmasquiscama, colhejec sat ayaco mataa. Omascoscomoc sat profetas apancaoc najan apquiltemaclha apancaoc acmasom. Naso coo sicpayvam sicvisay Visqui sicyimtalhnamo.

EL APOCALIPSIS 20:2

Appatjitquic alhta ángel sinavocpo actomja acvisay nano nimisma, moc acvisay yavey diablo najan yavey Satanás. Apquilpilhtitquic alhta cadena acvaycmo mil años.

1 SAMUEL 5:4

Moc acnim nic nat intomjac. Apquilvitac nic nat acyanina nalhpop quilaycmasquiscama, payjoc acyitnaclha yamit aysicsic. Apquilvitac nic nat ayintem ayispoc quilaycmasquiscama najan anit ameoc, acnaycaoc coning apatong tingma. Mepqui ilhnic nat moc asoc ayintem.