JEREMÍAS 10:10 - Enhlit Bible

¹⁰ Apnec nincoo Dios Visqui ingac mengyitsepma, aptomja nasoc anco, aptomja Visqui apyimtalhnamo cotmongvoycamlha nelha. Copilhyinamoc sat as nalhpop, acyitna inlhojo aplom pac Dios, elmasquingvomoc sat apyovoclhojo enlhit.

JEREMÍAS 10:10 Iomraidhean Croise

GÉNESIS 21:33

Apquinaclhec nic nat Abraham amyip Beerseba lhama yamit ayitcoc acvisay tamarisco. Apquilmalhnaquic nic nat maa Abraham Dios Visqui ingac Apyimtalhnamo.

1 REYES 18:39

Pilapcasquic nic nat enlhitaoc apquilvita. Apquilpolintac nic nat nalhpop apquilpalhamamcaa: —¡Dios aptomja Visqui ingac! ¡Dios aptomja Visqui ingac! — nic nat apquiltomjac.

1 REYES 8:60

Elyicpilcangvomoc sat aplhamoclhojo enlhitaoc lhalhma anco aptemaclha lhip aptomja Dios Visqui ingac, mepqui poc Visqui ingac.

1 CRÓNICAS 29:11

¡Lhip nac apyimtalhnamo, najan apmopvan, najan mayayo, najan apyimnatem apanco Visqui ingac! Lhip apanco aclhamoclhojo asoc netin najan as nalhpop. Lhip apanco apcanamaclha lhalhma anco, aptomja apyimtalhnamo apanco, am elhno poc.

2 CRÓNICAS 15:3

Aclhamoclhojo años alhta mepqui Dios Visqui apancaoc enlhitaoc Israel, najan mepqui sacerdotes najan mepqui apquillhicmoscama sacerdotes.

JOB 9:6

Inyovjam as nalhpop, ayinyema apyovjescama Visqui ingac, colpilhyinamoc sat avjaoc as nalhpop.

SALMOS 10:16

Dios apvisay Visqui ingac cotmongvoycamlha nelha. Apquinyajamquic apquilaoclha cotnaja ingmoc (cotnaja nimpayvomó lhama).

SALMOS 100:3

Elyasingvom sat quellhip, apvamlha pac lhama aptomja Visqui ingac Dios. Aptomja singilantipquiscama nincoo, ningiltomja enlhit apancaoc. Ningiltomja enlhit apancaoc, malha apnatoscama apquileyvam actamilaclha paat.

SALMOS 100:5

Aptasic apanco Visqui ingac. Aptomja singilasicjayo mataa cotningvoyam nelha. Aptomja nasoc anco mataa cotmongvoycamlha nelha.

SALMOS 104:32

Inyovjam mataa as nalhpop naysicsa apquilaneyo Visqui ingac. Intipquic etin inquilhe acvinatem naysicsa apmongvoyam Visqui ingac.

SALMOS 114:7

Coyovjam sat as nalhpop napato Visqui ingac. Napato Visqui apancaoc Jacob apquilmolhama.

SALMOS 145:13

Comasquingvomejec sat mataa lhip apcanamaclha. Lhip aptomja Apvisqui cotmongvoycamlha nelha.

SALMOS 146:6

Aptomja apquillanay netin najan nalhpop najan yingmin acvanyam, najan aclhamoclhojo asoc acnaycaoc maa. Aptomja meyeycajascama aplhenaclha.

SALMOS 18:7

Inyovjam alhta nalhpop (lhop). Inquilyovjam alhta mataymong alvinatem. Inquilpilhyinimquic alhta ayinyema aplom Visqui ingac.

SALMOS 29:10

Dios Visqui ingac aptomja apyimtalhnamo tacjalhit yingmin acvanyam (mamay). Dios Visqui ingac aptomja apyimtalhnamo cotmongvoycamlha nelha.

SALMOS 31:5

Ima sat sicvanmoncama, etamilsic sat lhip. Lhip aptomja nasoc anco Visqui ingac. Lhip aptomja sevomquiscama tap.

SALMOS 42:2

Avanjec aclhanma evalhoc Visqui ingac aptomja apyimnatescama ingnenyaoc. ¿Co sat acvam ovoclhac apnaclha Visqui ingac?

SALMOS 68:11

Aplingasquic nic nat Visqui ingac lhama amyaa. Inlingalhquic nic nat amyaa quilvanaa alpayescama:

SALMOS 68:8

Inyovjam nic nat as nalhpop. Inmamecac nic nat yingmin acpaliyam. Inyovjam nic nat mataymong acvinatem acvisay Sinaí. Apvisay Dios Visqui apancaoc Israel apquilmolhama.,

SALMOS 74:12

Lhip Visqui ajac nanoc nat. Aptamjaycam simpilapquiscama lhip as nalhpop.

SALMOS 76:7

Cayjec appayvam apanco lhip, apvisay apyimtalhnamo. Ongilmasquingvomoc sat ningvita inlhojo lhip aplom (apyanmongsayclha).

SALMOS 76:8

Lhip apna netin ayinyema apyanmonsayclha apquiltemaclha apancaoc enlhit. Avanjec apquilay enlhitaoc. Elvanmac sat apyovoclhojo.

SALMOS 77:18

Inlingalhquic nic nat ayilhtingyavoyam nipyesicsa piyam. Invitalhquic nic nat alyinmayam (tacja) najan acyovjeycam nalhpop.

SALMOS 84:2

Inquilipvocmec mataa evalhoc. Avanjec mataa aclhanma evalhoc tingma apponquinomap apmaclha lhip. Actimec coo siyayo lhip ayinyema evalhoc coo. Siyayo lhip aptomja apyimnatescama ingnenyaoc.

SALMOS 9:8

Aptomja apyicpilquemo appeyvomo nipyesicsa apyovoclhojo enlhitaoc. Aptomja appeyvescasquiclha appeyvomo mepqui apyeycajascaoc.

SALMOS 90:11

¿Soc enlhit apyasamcoc acvamlha aplom lhip? ¿Soc enlhit apcaca actemaclha aclom apvalhoc lhip?

SALMOS 90:2

Apnec nic nat mataa lhip Visqui ingac cotmongvoycamlha nelha. Apnec nic nat lhip cotyapmaclha mocjam inquilhe najan cotyapmaclha as nalhpop najan aclhamoclhojo asoc lhalhma anco.

SALMOS 93:2

Lhip Visqui ingac, mepqui acyovjeycam mataa lhip aptajanem. Apnec nic nat mataa lhip cotmongvoycamlha nelha.

SALMOS 97:4

Avanjec mataa alyinmayam najan tacja, alapongmatem as nalhpop. Impilhyinimquic mataa as nalhpop acvitalhco tacja (tacja ayajem).

ISAÍAS 37:17

Lhip Dios Visqui ingac. Ingyeylhojo sicpayvam. Ilanojo sat apquiltomjaclha ningyava. Ingyeylhojo appayvam apvisqui Senaquerib siclingay coo. Aptomja apquinmelhaycam lhip Dios apyimtalhnamo memasquingvoyam.

ISAÍAS 37:4

Aplingac alhta Dios Apyimtalhnamo amyaa aplhanma co Asiria, apvisqui apcasinancama. Aptomjac alhta apvenneycam Dios Apyimtalhnamo. Aplingac alhta, eyanmongsiclhac sat aptemaclha appayvam Dios Apyimtalhnamo. Lhip Isaías, ilmalhnesquis ingnaymacoc apquilaymomap — alhta aptomjac Visqui ingac — nic nat apquiltomjac apquilapajasomap.

ISAÍAS 40:15

Quip elanojo. Melyoy apquiltomja aplhamoclhojo enlhitaoc, malha yingmin macsipquinquiscama najan malha lhopactic anic acyipitcay balanza ningiljanma. Malha lhopactic anic intomjac inquilhe acvinatem napato Dios.

ISAÍAS 40:28

¿Am ya elyasamcoc quellhip? ¿Am ya ellingac quellhip? Dios aptomja apquilmilaneycaoc, aptomja memasquingvoyam mataa. Aptomja apquilantipquiscama as nalhpop. Mepqui apyampay mataa Dios. Aptomja apyascamco apanco, paj lhama enlhit apno.

ISAÍAS 57:15

Eycaso appayvam apanco apvisay Apyimtalhnamo najan Mengyitsepma najan Mayayo: Sicmaclha coo nitno najan mayayo. Acpasmec coo mataa conjamalhca apquilvalhoc enlhit najan apquilmapyovseca. Oltamilquiscomoc apquilvalhoc, olvascapquisic sat apquilvalhoc.

ISAÍAS 65:16

Apquiltamjoc sat ancoc enlhit apma amyip elmalhnesquisic asoc altamila. Incaymalhquic elhenic apvisay Dios aptomja nasoc anco. Apquiltamjoc sat ancoc enlhit colhejec acyascacmo aplhanma. Incaymalhquic elhenic colhejec acyascacmo aplhanma. Incaymalhquic elhenic apvisay Dios aptomja nasoc anco. Elvoncacmec coo siclingaycamco nano, inquilvonquipquic alhta — alhta aptomjac Dios

JEREMÍAS 23:36

Elvatsaoc sat quellhip apquilpayvam: asoc acyimtalhnama ayinyema Visqui ingac. Elngamcojoc sat quellhip acyimtalhnama, acyitna inlhojo mocjam apquilpayvam quellhip. Apquillhinganimcasquic quellhip appayvam ayinyema Dios apyimtalhnamo, aptomja Dios Visqui apancaoc apyimtalhnamo — alhta aptomjac.

JEREMÍAS 4:2

Eltimjic sat apquillhanma mepqui apquilyeycajascaoc, ellhenic sicvisay, najan actomja nasoc anco, najan actomja acpeyvomo. Colngalhcac sat sicvisay nipyesicsa enlhitaoc lhalhma anco, colhic sat mataa ayaco sicvisay — alhta aptomjac Dios.

JEREMÍAS 4:24

Acvitac alhta inquilhe, inquilpilhyinimquic alhta acyovoclhojo, najan maa colinas inquilhe.

JEREMÍAS 50:46

Elilpalhamam sat coo Babilonia, copilhyinamoc sat nalhpop, elilmalhnac sat, yoyam elpasingvota apnaymacoc, colngalhcac sat mocjay nipyesicsa enlhitaoc lhalhma anco — alhta aptomjac — nic nat aptomjac profeta.

JEREMÍAS 51:29

Impilhyinimquic as nalhpop, ayinyema acvaa aclhanmaclha apvalhoc Visqui ingac cotvasalhcac sat yoclhilhma Babilonia najan tingma apvanyam, cotnejic sat mepqui apquileyvam enlhit.

DANIEL 4:3

¡Avanjec anco apmopvan najan aptamjaycam simpilapquiscama Dios! ¡Cotningvomejec sat nelha apcanamaclha Dios najan aptemaclha apmopvan!

DANIEL 4:34

Coo sicvisay Nabucodonosor. Invocmec alhta nelha siete años allhenamalhca. Acsicjaclhec alhta netin, inmasquec alhta sictemaclha ayanem. Actomjac alhta siyayo Dios Apyimtalhnamo apna netin cotmongvoycamlha nelha. Apmopvan innac Dios Visqui Apyimtalhnamo, cotningvoyam nelha apcanamaclha.

DANIEL 6:26

Actomjac coo siyanya elyiplovcasojoc sat quellhip singanamaclha Dios, aptomja apcayo Daniel. Dios aptomja Apvisqui Apyimtalhnamo cotmongvoycamlha nelha, aptomja memasquingvoyam. Comasquejec sat mataa apcanamaclha, comasquejec sat mataa apmopvan apanco.

DANIEL 6:27

Dios aptomja singvomquiscama tap najan singmasma. Yitnec aptamjaycam simpilapquiscama netin najan as nalhpop. Aptomja apvomquiscama tap congne malhic Daniel, naysicsa asoc navjac aclom yamacmeyva — nic nat intomjac amyaa actalhesomalhca.

DANIEL 7:14

Aplhocac alhta apmopvan, najan mayayo, najan aptimem apvisqui, yoyam elanic enlhitaoc. Apyovoclhojo enlhitaoc as nalhpop apquiltomja apquiltimesaycam. Comasquejec sat mataa apmopvan apanco, cotningvomejec sat nelha apcanamaclha apanco.

JOEL 2:11

Aplhingam apmamyi aptomjac Dios Apyimtalhnamo apnalayclha apquilasinancama. Inlingalhquic appayvam ayilhtingyavoyam. Appintalhnama apquilasinancama apquilyiplovquiscama appayvam apcanama Dios ¡Avanjec ningilay ningvita as acnim acyimtalhnama! Mongvanquejec ongmiyovalhcac napato Dios Apyimtalhnamo — nic nat aptomjac profeta.

MIQUEAS 1:4

Colvayvamcoc sat inquilhe alvinatem, acno appayjayclha pápac naysicsa talha. Cotniclhac sat alvata acpatyapma congno, colhojoc sat yingmin ayinyem.

NAHÚM 1:5

Inquilyovjam inquilhe alvinatem napato Dios, najan maa inquilhe alyavatem. Avanjec apquilay as nalhpop nipyesicsa enlhitaoc apquileyvam lhalhma anco.

NAHÚM 1:6

¿Apvanqui ya enlhit etnamam napato Dios naysicsa aplom? ¿Apvanqui ya enlhit emyovacpoc naysicsa aplom pac Dios? Malha talha apmaycam Dios, yoyam emascoscomoc enlhit. Inquilpalhec napato Dios mataymong alvinatem.

HABACUC 3:10

Inquilyovjam mataymong alvinatem, apvitacpo inlhojo lhip. Comamac yingmin acvanyam. Colngalhcac sat ayilhtingyovam yingmin acvanyam, ayinyema alyayajayam alyivey anco.

HABACUC 3:6

Inyovjam as nalhpop, aptacmo inlhojo Dios. Elangvomoc sat enlhitaoc, apquilano inlhojo Dios. Colpalhic sat mataymong alvinatem. Colvayvamcoc sat inquilhe alvinatem alimja nano. Cotningvomejec sat nelha ongvita amay pac Dios.

MALAQUÍAS 3:2

Aptomjac nic nat profeta: ¿Ingvanqui ya ongvita apvoycamlha Dios Visqui ingac mepqui ninticyovam? ¿Ingvanqui ya ongvita mepqui ayay ingvalhoc? Evac sat malha talha, yoyam ingyalhnacsic ingvalhoc acmasom. Apyitsomacpo jabón quiltilhnaycaoc, actomja ayalhnascama ingvalhoc acpaysacmo.

SAN MATEO 16:16

Apcatingmavoc alhta Simón Pedro: —Lhip nac Cristo, Dios apquilmilaneycaoc Apquitca —alhta aptomjac.

SAN MATEO 26:63

Apvanmaquic alhta Jesús. Am alhta ingyatingmavo. Aptomjac alhta apvisqui sacerdote apcanya Jesús: —Altamjoc coo, yoyam elhenic lhip napato Dios apquilmilaneycaoc. Jingiltimnas sat appayvam actomja nasoc anco: ¿Naso ya lhquip Cristo Dios Apquitca? —alhta aptomjac.

SAN JUAN 17:3

Apquiltamjoc lhip, yoyam elyicpilcangvomoc enlhitaoc, lhip aptomja Dios Ingyapam apvamlha pac lhama aptomja nasoc anco. Yoyam elyicpilcangvomoc sicvisay Jesús sictomja Cristo aptomja lhip apcapajascama. Eyca as acvisay acyimnatem ingnenyic cotmongvoycamlha nelha.

LOS HECHOS 14:15

—¡Quip elanojo enlhitaoc! ¿Soctomja apquiltomja nac as asoc quellhip? —alhta apquiltomjac. Enlhit nincoo lha ningno quellhip. Ningvaac nincoo, yoyam ongiltimnacsic amyaa. Elvatsaoc as asoc apquilyitquiscama dios. Elyiplaclha sat Dios Ingyapam apjalhnancoc aptomja apquillanay netin najan nalhpop najan yingmin acvanyam najan aclhamoclhojo asoc acnamco maa.

DEUTERONOMIO 32:4

Singmasma aptomja Dios, aptemaclha mataa appeyvomo. Aptemaclha mataa nasoc anco, mepqui singyinimquiscama. Aptemaclha mataa nasoc anco, aplhanma mataa mepqui apyeycajascaoc.

DEUTERONOMIO 5:26

Paj lhama enlhit comopvan ingyeylhojo appayvam apanco Dios apyimnatem, ayinyema naysicsa talha acvanyam, acno ninlingay alhta nincoo. Aplingac sat ancoc enlhit, quilhvoc sat ingyitsapoc.

1 TESALONICENSES 1:9

Ningillhenalhquic nincoo nipyesicsa enlhitaoc maa actemaclha alhta singilmam tacja quellhip. Inlhenalhquic actemaclha apquilhaycaoc quellhip quilaycmasquiscama apquilyitquiscama Dios. Najan actemaclha apquilyanmonquiscama apquilvalhoc quellhip yoyam elanam Dios aptomja apquilmilaneycaoc najan aptomja nasoc anco.

1 TIMOTEO 1:17

Pac ongilavojo mataa Dios Visqui netin aptomja mengyitsepma, aptomja mongvitay, aptomja apvamlha pac lhama cotmongvoycamlha nelha. Amén.

1 TIMOTEO 6:17

Ilane sat lhip enlhitaoc acma apquilnatam yoyam melyimtalhnesacpejec apanco. Noelane nasa collhenic apquilvalhoc apquilnatam yoyam colvomsic tap. Ayinyemaclha comascoc sat apquilnatam. Ilane sat collhenic apquilvalhoc Dios aptomja singmescama aclhamoclhojo asoc naysicsa ayaymomalhca asoc.

HEBREOS 10:31

Acyiviy anco sat cotnejic apquilay enlhitaoc naysicsa yoyam elmoc Dios aptomja apquilmilaneycaoc yoyam eyanmongsiclha apquiltemaclha apancaoc.

JOSUÉ 3:10

Aptomjac nic nat mocjam: Elyasamcojo quellhip. Dios Apyimtalhnamo apna nipyesicsa quellhip. Elantipsic sat yoclhilhma enlhitaoc cananeos apquilvocmo sat quellhip, najan enlhitaoc heteos, najan heveos, najan ferezeos, najan gergeseos, najan amorreos najan jebuseos.

1 SAN JUAN 5:20

Ningyasamcoc najan: Apvaac nat Dios Apquitca yoyam jingilyascasingvomoc nincoo. Apquiltamjoc ongilyicpilcangvomoc Dios aptomja nasoc anco. Ningilpasmec mataa aptomja nasoc anco apvisay Jesucristo Dios Apquitca. Eyca as apvisay Dios aptomja nasoc anco najan apvisay apyimnatescama ingnenyaoc cotmongvoycamlha nelha.

EL APOCALIPSIS 20:11

Natamin acvitac alhta Dios aptajanem apanco acyiviy acmopoy. Acvitac alhta Dios apma netin aptajanem acyiviy. Malha ayinyem alhta intomjac as nalhpop najan netin napato Dios apma netin aptajanem. Am alhta colvitalhcac mocjam.

JUECES 5:4

Lhip Dios Apyimtalhnamo aptiyapma alhta yoclhilhma Seir. Apquinyectac alhta yoclhilhma Edom. Yiplovcoc alhta acyovjeycam lhop (nalhpop) najan ayilhtingyavoyam netin. Inmamecac alhta yingmin acvanyam.

1 SAMUEL 17:26

Aptomjac nic nat David apquilanya apnaymacoc: —¿Jalhco sat cotnejic enlhit aptomja apcajem as enlhit filisteo apvinatem? Yoyam emascocsic actemaclha singilvenneycam ningilvisay israelitas. ¿Soc lha enlhit aptema nac lha filisteo mepqui asoc monquinatquiscama apyimpejic? ¿Soctomja singilvennamcaa ningiltomja singilpilhtetemo apancaoc Dios apquilmilaneycaoc? — nic nat aptomjac David.

1 SAMUEL 17:36

Ayajac alhta yamacmeyva najan oso asoc navjac aclom. Apnoc as enlhit apvinatem filisteo, malha asoc navjac aclom. Mepqui asoc monquinatquiscama apyimpejic aptomjac. Apquilvennam lhac singilpilhtetemo apancaoc Dios Apyimtalhnamo.