JEREMÍAS 1:18 - Enhlit Bible

¹⁸ Otnesquisic lhip quilhvo nac jay, malha tingma apyimnatem apanco, malha poste ayimja allanomalhca tava apac, malha tingma apjalhtam allanomalhca bronce. Elngamcojoc sat lhip apquilinmelhaycam apquilmolhama Judá, najan apquilviscaa najan apquilyimtalhnamo, najan sacerdotes najan apyovoclhojo enlhitaoc.

JEREMÍAS 1:18 Iomraidhean Croise

ISAÍAS 50:7

Epasmec mataa Visqui ajac naysicsa mepqui silvatescama. Otnesquisic acyimnatem najat malha mataymong. Molvaticsejec sat mataa sicyiplovquiscama.

JEREMÍAS 1:17

Ivascap sat lhip, ilngas sat amyaa yavamlha oltimnacsic lhip. Nocotyim nasa apvalhoc lhip. Am sat ancoc ingyajalhnoc lhip, otnesquisic sat lhip acyivey ayay apvalhoc.

JEREMÍAS 1:19

Ellhenic sat apquilimpocjay, yoyam elajic lhip. Apyimnatem sat etnejic lhip, ayinyema siclhalhma coo, yoyam omyoc lhip. Eycaso sicpayvam sicvisay Visqui Sicyimtalhnamo — alhta aptomjac — nic nat aptomjac profeta.

JEREMÍAS 15:10

Actomjac coo sicpayvam: ¡Coo layi! ¿So actomja yi setimquisa alhta meme coo? ¡Actanovalhquic coo lhalhma anco selinmelhaycam enlhit! Mepqui sicmaycaoc nasa solyayem coo. Mepqui apquilmaycaoc nasa solyayem ajanco enlhit. ¿Co laa ayinyema sictanovmalhca coo?

JEREMÍAS 15:20

Otnesquisic sat lhip etnejic malha muro apjalhtam allanomalhca bronce tava apac napatavo enlhitaoc. Apquililtamjoc elajic lhip, colapvanquejec sat, lhip sat etnejic apyimnatem, ayinyema coo sicmasma lhip najan sicvomquiscama tap. Eycaso sicpayvam sicvisay Visqui apancaoc.

JEREMÍAS 20:11

Lhip Visqui ingac aptomja siclhalhma, najan semasma coo. Mejelmejec sat enlhit selya'mascam coo, eticyoc sat maa. Elmancangvomoc sat mepqui apquilyimnatem najan mepqui ayaco cotningvoyam nelha.

JEREMÍAS 21:4

coo sicpayvam, sicvisay Dios Visqui apancaoc israelitas: Apquilnapacpe inyicje apnaymacoc najan co Babilonia nipyava tingma. Elnapacpoc sat nipyesicsa tingma, mepqui sicmasma coo.

JEREMÍAS 26:24

Apnec nic nat Ahicam, Safán apquitca, apmasma ilhnic Jeremías. Apmiyovquic nic nat Ahicam ematong profeta Jeremías nipyesicsa enlhitaoc.

JEREMÍAS 34:3

Copvanquejec sat lhip ingyinyejic. Emacpoc sat lhip, colhic sat acyantamayclha tingma Babilonia.

JEREMÍAS 37:7

napatavo apvisqui Sedequías apquilasinancama: Eliltimnas sat apvisqui rey apquilinyemayaclha quellhip: Apquiltajaclhec alhta mocjam co Egipto, apquilapajascama alhta apvisqui faraón, yoyam elpasingvota.

JEREMÍAS 38:18

Am sat ancoc etepac lhip tingma, yoyam emacpoc, colhic sat alvatna talha tingma apvanyam. Melvomsacpejec sat tap quellhip — nic nat aptomjac profeta.

JEREMÍAS 38:2

Aptomjac Dios Apyimtalhnamo apquilanya quellhip: Am sat ancoc eyinyavac tingma pac enlhit, ematong sat natingma. Ingyitsapoc sat poc ayinyema mayic ayajem, poc sat ayinyema ningmasquem ayajem. Emyovacpoc sat enlhit apquinyem tingma pac, yoyam emacpoc sat nipyesicsa caldeos. Mematnejec sat maa.

JEREMÍAS 42:22

Elyasamcojo quellhip: Elmasquingvomoc sat quellhip as yoclhilhma apquilyasaclha ayinyema apquilimpocjay cotnaja ingmoc, najan mayic ataoc, najan ningmasquem ataoc — nic nat aptomjac profeta.

JEREMÍAS 6:27

Aptomjac alhta Visqui ingac seyanya: Iyipcon sat lhip enlhit ajancaoc. Iyasamcojo sat lhip apquiltemaclha apancaoc — alhta aptomjac seyanya.

SAN JUAN 1:42

Yejemoc alhta apyantamaclho Andrés apyalhing apnaclha Jesús. Apquilanoc alhta Jesús, aptomja apcanya: —Lhip nac Simón, Jonás apquitca. Iltamjacpoc sat apvisay Cefas, apquiltimem Pedro, ningiltimem nincoo mataymong —alhta aptomjac.

EL APOCALIPSIS 3:12

Apyiplovcasquic sat ancoc enlhit, otnimsic sat congne Dios tingma apponquinomap as enlhit, malha ninginimquiscama yamit sat etnejic. Metyepejec sat mataa. Otalhocsic sat nicja yamit apvisay Dios najan apvisay tingma pac Dios. Apvisay Jerusalén tingma apjalhnancoc apquinyema netin, apquinyema apnaclha Dios. Otalhocsic sat alhnancoc sicvisay.