GÉNESIS 9:5 - Enhlit Bible

⁵ Apmatnec sat ancoc lhama nipyesicsa quellhip, oyanmongsiclhac sat aptomja apcajem. Oyanmongsiclhac sat najan actemaclha ayajem moc asoc aclom. Apmatnec sat ancoc poc enlhit, oyanmongsiclhac sat najan aptomja apcajem.

GÉNESIS 9:5 Iomraidhean Croise

GÉNESIS 42:22

Apcatingmavoc nic nat Rubén: —Actomjac alhta inyicje silanya quellhip: Elsilhnanacpoc sat elajic ingyalhing — alhta actomjac inyicje. Am alhta elilyajaclhoc quellhip. Apquitsepquic alhta ingyalhing. Quilhvoc ningvitac nincoo lha acyanmongayclha nintomjaclha alhta— nic nat aptomjac Rubén.

2 SAMUEL 4:11

Inyangvocmec apquilsilhnanomap apanco quellhip. Olhnasojoc sat sicyanmongsayclha apquiltemaclha quellhip apquilmapsomcaa. Apquilajac alhta quellhip enlhit appeyvomo naysicsa aptiyanma tingma pac. Omascoscomoc sat quellhip as nalhpop — nic nat aptomjac David.

1 REYES 2:6

Coyit acyascamco apvalhoc lhip actemaclha yoyam ematong.,

2 REYES 11:1

Inlingac nic nat quilvana Atalía, Ocozías inquin, amyaa apmatnam ayitca. Incapajasquic nic nat eticyoc apyovoclhojo apquilmolhama apvisqui.

2 CRÓNICAS 24:22

Inquilvoncacmec nic nat apvisqui Joás aptemaclha aptamila siclho Joiada, Zacarías apyap. Apcanama alhta yoyam ematong Zacarías, apyimnatesa appayvam naysicsa apmatnam: ¡Apvita inyicje Dios apquiltemaclha quellhip, ellingamcojoc sat quellhip apyanmongsayclha apquiltemaclha — nic nat aptomjac!

2 CRÓNICAS 33:24

Apquilinmelham nic nat napocja apquilviscaa apquiltamjaycamó lhama siclho, apquilajac nic nat, apmatnec nic nat Amón apvisqui tingma pac.

2 CRÓNICAS 33:25

Apticyovquic nic nat najan as apticyovam yapmayc apquilinmelhaycam siclho apvisqui Amón, enlhit nic nat apquilajem. Aptimesacpec nic nat apquitca Josías, etnejic apvisqui apya'monquiscama apyap ninga.

SALMOS 9:12

Dios Visqui ingac aptomja apyanmongsayclha apquiltemaclha ticyovam yapmayc. Am colvoncacmoc mataa apquillingaycamco acyimtalhnama actemaclha apquilpalhamaycam.

ÉXODO 20:13

Mongvanquic ongajic ingmoc.

ÉXODO 21:12

Incaymalhquic ematong enlhit aptomjac apcajem poc.

LEVÍTICO 19:16

Noelantipquis nasa apvisay poc nipyesicsa apnaymacoc. Noeltimesquis nasa apmapsom poc yoyam ematong. Coo sicvisay Dios Sicyimtalhnamo, apancaoc quellhip.

LEVÍTICO 24:17

Apcajac sat ancoc poc enlhit, ematong sat aptomja apcajem.

LEVÍTICO 24:21

Apcajac sat ancoc enlhit aptoscama poc enlhit, incaymalhquic etajicsojoc aptoscama alhnancoc acyanmongam apcajem. Enlhit aptomja apcajem poc, ematong sat.

NÚMEROS 35:16

Apyimsasquic sat ancoc poc apmaycam tava apac, elhojoc sat ticyovam inyap, apvita inlhojo apquitsepma. Incaymalhquic ematong aptomja ticyovam inyap.

NÚMEROS 35:17

Apyimsasquic sat ancoc poc apmaycam mataymong, elhojoc sat ticyovam inyap apvita inlhojo apquitsepma. Incaymalhquic ematong aptomja ticyovam inyap.

NÚMEROS 35:18

Apyimsasquic sat ancoc poc apmaycam palo yamit, elhojoc sat ticyovam inyap, apvita inlhojo apquitsepma. Incaymalhquic ematong aptomja ticyovam inyap.

NÚMEROS 35:21

Apticpamquic sat ancoc apmic poc, ayinyema aplom, apvita inlhojo apquitsepma. Incaymalhquic ematong aptomja apcajem, ayinyema apsilhnanomap apanco. Apcanyacpec apmolhama apquitsepma eyanmongsiclha aptemaclha ticyovam inyap, yoyam ingyajic.

SAN MATEO 23:35

Elsilhnanacpoc sat quellhip. Coyanmomentac sat acyanmongayclha apticyovam enlhit apquilpeyvomo as nalhpop. Siclhoc nic nat apmatnam Abel appeyvomo najan poc aplhamoclhojo, acvocmo apmatnam nic nat Zacarías, Berequías apquitca. Apmatnec nic nat napocja tingma apponquinomap acpayjo acvatnamalhquilha.

LOS HECHOS 17:26

Aplhamoclhojo enlhit apquilmolhama lhalhma anco apquilinyema Dios Ingyapam aptomja apquillanay lhama enlhit apmolhama siclhoc anco. Apquilyipsatamquic mataa Dios Ingyapam acvamlha acnim apquileyvam enlhitaoc as nalhpop. Apquilyipsatamquic mataa acvamlha yoclhilhma apquileyvam enlhitaoc.

DEUTERONOMIO 19:11

Apnec sat ancoc enlhit aplom aptanoncama poc, aptomja apya'mascam yoyam ingyajic. Apcajac sat ancoc, ingyinyejic sat tingma apmiyovmacpilha enlhit.

DEUTERONOMIO 19:12

Elanic sat apquilyicpilquemo mayayo emacpoc sat enlhit, eyantamacpoc sat nipyesicsa apquilmolhama aptomja apcajem, yoyam etvasacpoc mataa, ematong sat maa.

JUECES 9:56

Aplingamcoc nic nat Abimelec apyanmongsayclha Dios aptemaclha apanco. Ayinyema ilhnic nat siclho apsilhnanomap apanco napato apyap ninga, apquilnapma setenta apquilyalhinga.