GÉNESIS 8:21 - Enhlit Bible

²¹ Inticjancasquic nic nat Dios Apyimtalhnamo actemaclha acmasis. Intomjac nic nat apvalhoc Dios Apyimtalhnamo: —Motvacsejec sat mataa as nalhpop ayinyema apquilsilhnanomap apanco enlhitaoc. Asomcoc mataa alquitamsama apquilvalhoc enlhitaoc ayenmo aptemaclha apquitcoc. Motvacsejec sat mataa aclhamoclhojo asoc aleyvam lhalhma anco. Motniclhejec sat mocjam sictomjaclha alhta.

GÉNESIS 8:21 Iomraidhean Croise

GÉNESIS 3:17

Aptomjac nic nat Dios Apyimtalhnamo apcanya enlhit: —Apquilyajaclhoc lhac lhip acpayvam aptava. Aptovquic lhac yamit acyilhna siyascama etoc. Actanovmalhca sat cotnejic as amyip ayinyema lhip apsilhnanomap. Coyimtilhojoc sat aptamjaycam, yoyam etingyac aptom aclhamoclhojo acnim aptiyascamcaclha.

GÉNESIS 4:12

Elcaoc sat mataa lhip moc amyip. Metejec sat mataa acyilhna. Colhejec sat lhip apmaclha as nalhpop, mepqui aplovquiscama apyampay— nic nat aptomjac Dios.

GÉNESIS 5:29

Apquiltimec nic nat apvisay Noé. Aptomjac nic nat Lamec: Aptimescasquic nic nat Dios Apyimtalhnamo acmasom as nalhpop. Inyimtilhec mataa yoyam ongilcaoc amyip. Noé sat etnejic apquillovquiscama ningilyampay— nic nat aptomjac Lamec.

GÉNESIS 6:13

Aptomjac nic nat Dios Apyimtalhnamo apcanya Noé: —Pac sat osavojo otvacsic enlhitaoc lhalhma anco. Apquilsilhnanomap apanco najato ayinyema apquiltemaclha apancaoc. Pac sat osavojo otvacsic enlhitaoc najan acyovoclhojo as nalhpop.

GÉNESIS 6:17

Pac ongvapajacsic sat acmamay acvanyam as nalhpop. Cosavojoc sat ayapma as nalhpop. Pac sat osavojoc otvacsic enlhitaoc najan aclhamoclhojo asoc aleyvam lhalhma anco. Colitsapoc sat aclhamoclhojo aleyvam as nalhpop.

GÉNESIS 6:5

Apvitac nic nat Dios Apyimtalhnamo apquiltemaclha apquilmapsomcaa enlhitaoc lhalhma anco. Inquilquitamquic nic nat mataa apquilvalhoc asoc almasomcaa.

GÉNESIS 6:7

Aptomjac nic nat Dios Apyimtalhnamo: —Pac sat osavojo otvacsic aplhamoclhojo enlhitaoc silanay coo. Otvacsic sat aclhamoclhojo ninnatoscama najan asoc alpilhyevaycam nalhpop najan aclhamoclhojo nata. Am colcac evalhoc silanay siclhoc anco aclhamoclhojo asoc— nic nat aptomjac.

JOB 14:4

Mepqui ayalhnayo mataa apvalhoc enlhit, mepqui mataa aptemaclha appeyvomo.

SALMOS 51:5

Naso, sicmasom coo ayenmo sictiyaycamlha. Sicmasom nac coo ayenmo motyaycamlha coo.

SALMOS 58:3

Altamay apquilvalhoc ellanac acmasom ayenmo aptiyaycamlha (cotyaycamlha mocjam). Altamay apquilvalhoc apquilmopvancaa amyaa ayenmo apquiltemaclha apquitcoc.

SALMOS 58:4

Apquilpayvam acyitsomalhca veneno acyeyva singiltaclhama (amaoc). Apquilyitsomacpo yamacyeyva mepqui ajaycaoc, mepqui aclingay olhma.

ÉXODO 29:18

Itne sat ofrenda as nipquesic netin altar, acvisay holocausto malvatnama talha acyanmongam melyascalhma, yoyam colhic ayaco Dios, acvisay ofrenda apyisponcama Dios, acticjanquiscama actamila.

ÉXODO 29:25

Ilic sat mocjam ofrenda apmaycam apmic Aarón najan apquitquic, colhic sat alvatna talha netin altar. Acno malvatnama talha holocausto acyanmongam melyascalhma acticjanquiscama actamila napato Dios. Acvisay ofrenda malvatnama talha, yoyam colhic ayaco Dios.

PROVERBIOS 20:9

Mongvanquejec onlhenic: Etasi nac coo, mepqui sicsilhnanomalhca coo — sat ontimjic.

ECLESIASTÉS 7:20

Naso, paj lhama enlhit as nalhpop aptomja appeyvomo apanco, mepqui inlhojo meyascalhma napato Dios.

ISAÍAS 47:12

¡Quellhip co Babilonia, elyiplovcasojo sat mocjam apquiltemaclha apancaoc apquilavnama apquilyojolhma, apquilyasingvoyam quellhip apquiltemaclha apquilyimnanic! Nasoc lhaja, melmiyovacpejec sat quellhip, cotlapsic sat acvaa.

ISAÍAS 47:15

Apquiltemaclha apancaoc apquilyojolhma, quellhip apquilmasma najan apquilayo naysicsa apquileyvam. Apquilyitnocjasquic mataa apquilyojolhma, lhama nicja najan moc nicja apquilyinimquiscama. Paj lhama, yoyam elpasingvota — alhta aptomjac Visqui ingac — nic nat aptomjac profeta.

ISAÍAS 48:8

Am ellingayac mataa quellhip, am nat elyasamcoc quellhip ayinyema mepqui apjaycaoc. Am cotnajac acpeyvomo apquilvalhoc quellhip. Apquiltamjamacpoc quellhip enlhit apquilinmelhaycam mataa.

ISAÍAS 53:6

Ningillhinganyam innac ninlhamoclhojo, malha nipquesic apquillhinganyam. Ningilyasquic mataa ningilyasaclha inganco. Aplingamcoc acmasca Dios apquilancam ayinyema nincoo mongilyascalhma, malha appatimquiscama acyimtalhnama Dios.

ISAÍAS 65:6

Yitnec acnatalhesomalhca apquiltemaclha apancaoc, mepqui selvoncayam. Oyanmongsiclhac sat apquiltemaclha apancaoc.

JEREMÍAS 17:9

Yitnec mataa actemaclha anco ingilvalhoc, acmasom najan singyinimquiscama. Paj lhama enlhit apyascamco actemaclha anco ingilvalhoc.

JEREMÍAS 18:12

Elatingmojoc sat enlhitaoc, apquillinga inlhojo lhip appayvam: ¡Vamlha itne! Intasi nac nintemaclha inganco acyisponcama ingvalhoc. Ongyiplovcasojoc sat mataa alquitamsama ingvalhoc inganco — eltimjic sat elatingmojo — alhta aptomjac Dios Apyimtalhnamo.

JEREMÍAS 8:6

Aljalhnoc alhta inyicje, paj alhta olngac apquilyanmonquiscama moc apquilvalhoc enlhit apquilmapsomcaa. Mepqui aclhanma apquilvalhoc: ¿Yitne ya sictemaclha ajanco? - paj. Apquilyiplovcasquic mataa apquiltemaclha apancaoc, apno nolhing apquinyem mepqui apatong ninlhinquiscama.

EZEQUIEL 20:41

Cotnejic sat mocjam sicyisponcama coo, sicvita inlhojo asoc selmescama coo payjoc apquilvatnamaclha altar. Apquilhpaneycam mocjam quellhip, onalovsingvoclhac sat quellhip sicvisay Dios Visqui sicyimtalhnamo, elvitac sat aplhamoclhojo metnaja israelitas sictemaclha sicmasma quellhip.

LEVÍTICO 1:13

Incaymalhquic enlhit elcoc siclho yingmin nipquesic apvalhoc najan apilhquipcoc. Comyetic sat acyovoclhojo naysicsa talha netin altar. Cotnejic sat acvisay ofrenda macmescama Dios, actomja apyisponcama.

LEVÍTICO 1:17

Eyaptic sat aplhimpancoc mepqui apliclama (mepqui appalhcatma) sat cotnejic. Natamin epquinic sat apyovoclhojo valhaay netin talha, emyetic sat maa. Cotnejic sat ofrenda macmescama Dios, actomja apyisponcama.

LEVÍTICO 1:9

Incaymalhquic enlhit elcoc siclho yingmin vayqui avalhoc (ayi) najan vayqui alhquipcoc. Comyetic sat acyovoclhojo naysicsa talha netin altar apquilvatnamaclha. Cotnejic sat acvisay ofrenda macmescama Dios, actomja apyisponcama.

LEVÍTICO 26:31

Osavojoc sat sicnatovascama tingma apquilvanyam quellhip. Onatovacsic sat apquilmalhnancamaclha. Otanovac sat asoc selmescama quellhip.

LEVÍTICO 4:31

Comyetic sat netin altar acyovoclhojo aptipilhmoc, colhojoc sat malvatnama talha macmescama Dios actemaclha singasicjayquiclha, Dios apyisponcama. Colhic sat acmascosa meyascalhma enlhit mepqui apyimtalhnamo.

LEVÍTICO 8:28

Apcansaclhec nic nat mocjam Moisés asoc aplhoy Aarón najan apquitquic, yoyam eyinyoc naysicsa talha netin altar, comyetic sat maa alvatnamó lhama talha holocausto acyanmongam melyascalhma. Cotnejic sat ofrenda actemaclha nimponquinquiscama apyisponcama Dios. Acvisay ofrenda malvatnama talha, yoyam colhic ayaco Dios.

NÚMEROS 15:3

Apquilajac sat ancoc aptoscama vayqui, tasic najan nipquesic, cotnejic sat selmescama coo naysicsa apquilvatnama talha acticyovam sacrificio, najan seticjanquiscama holocausto aptoscama acmatnam macmescama acyanmongam melyascalhma. Cotnejic sat ayinyemayaclha apquillhanma mepqui apquilyeycajascaoc, najan ayinyemayaclha apquilmescama nasa, najan ayinyemayaclha fiesta apquilmescama nasa aptoscama acmatnam.

SAN MATEO 15:19

Eyca ayinyema ingvalhoc alquitamsama ingvalhoc almasomcaa, ningajem ingmoc, nintovascama singilyimjapma, ningilanatama, ayajemo nintipquiscama apvisay ingmoc, ningmovan amyaa (ningyinimquiscama).

SAN JUAN 3:6

Acno lhama apitic incanayc najan ayitquic. Acno lhama ingjangaoc najan ayitquic. Acno lhama Espíritu najan ayitquic.

ROMANOS 1:21

Apquilyasamco inyicje as enlhitaoc apna netin Dios. Am eyca eltomjac apquilayo, am najan eltomjac gracias Dios ayinyema apcaycaoc. Inquilquitamquic mataa apquilvalhoc asoc almasomcaa. Am colmac apquilvalhoc actamila ayinyema Dios, malha yatescamalhma intomjac apquilvalhoc.

ROMANOS 3:23

Apquilanomacpo apquiltomja apquilsilhnanomap ayinyema melyascalhma. Colapvanquejec apanco eltimjic apquilpeyvomo napato Dios.

2 CORINTIOS 2:15

Nincoo ningiltomja napato Cristo malha asoc masis macmescama Dios. Inticjancasquic mataa enlhitaoc yoyam elvomsacpoc tap najan enlhitaoc yoyam enatovasacpoc sat.

EFESIOS 5:2

Elyiplovcasojo actemaclha ningasicjayo. Ayinyemaclha ingilasicjavoc nincoo Cristo. Apyinyovsomacpo apanco singyanmongam nincoo, malha macmescama Dios actemaclha apyisponcama.

FILIPENSES 4:18

Am coyitnac lhama asoc ayaymomalhca quilhvo. Yitnec coo aclhamoclhojo asoc malha acyeycajangvaycmo. Yitnec coo asoc sesantimquiscama alhta ingyalhing Epafrodito, selapajasquiscama alhta quellhip. Asoc selmescama alhta actomja malha apquilaycaoc acmasis napato Dios Ingyapam. Apyispaquic Dios actemaclha apquilaycaoc quellhip.

1 SAN JUAN 5:19

Ningyasamcoc nincoo ningiltomja Dios apquitquic. Yitnec acmovan somquic quilyicjamo actomja avisqui nipyesicsa enlhitaoc lhalhma anco.

1 SAMUEL 26:19

Lhip visqui ingac, ingyeylhojo sicpayvam sicvisay silancam lhip: ¿Naso ya Dios apsilhnanimquiscama lhip yoyam jeyajic coo? Incaymalhquic ontingya asoc macmescama Dios. ¿Naso ya enlhit ayinyema apsilhnanomap lhip? Elngamcojoc sat acyimtalhnama apyanmongsayclha Dios. Actanovalhquic coo sictiyascam yoclhilhma actomja Dios apanco. Ayanyalhquic coo otnejic siyayo quilaycmasquiscama acyitsomalhca Dios.