GÉNESIS 8:1 - Enhlit Bible

¹ Inlhanvocmec nic nat apvalhoc Dios Apyimtalhnamo apmolhama Noé najan aclhamoclhojo asoc alyinatem congne barca yamit aysicsic. Aptimescasquic nic nat alhcajayam Dios Apyimtalhnamo. Invayventac nic nat netin yingmin.

GÉNESIS 8:1 Iomraidhean Croise

GÉNESIS 19:29

Eycaso ilhnic nat aptomjaclha Dios aptovascama tingma apvanyam najan yoclhilhma aptiyascamcaclha Lot. Inlhanvocmec nic nat apvalhoc Dios actemaclha aplhanma napatoc Abraham. Apquinyajasquic nic nat Lot yoyam emmoc tap yicpintama aptovascama Dios as tingma.

GÉNESIS 30:22

Am nic nat colvoncacmoc Dios moc quilvana acvisay Raquel. Apjalhnoc nic nat almalhnancama. Aptimescasquic nic nat acvitay ayitca.

GÉNESIS 9:10

Colquinatsejec sat najan aclhamoclhojo asoc apnaycamo lhama quellhip, alantiyapma alhta barca yamit aysicsic: aclhamoclhojo nata najan ninatoscama najan asoc navjac najan aclhamoclhojo asoc aleyvam lhalhma anco.

NEHEMÍAS 13:14

¡Lhip Dios Visqui ajac! Noncolvonquim nasa sictomjaclha coo, sicvascapma coo, yoyam emyovacpoc mataa tingma apponquinomap — alhta actomjac coo.

NEHEMÍAS 13:22

Altimnasquic alhta levitas, yoyam ellaniclhac apquilvalhoc, yoyam eltamilsic tingma apatnaoc acnim ninnayclha, cotnejic sat acnim acponquinomalhca. ¡Lhip Dios Visqui ajac. Noncolvonquim nasa sictomjaclha coo. Aptasi nac lhip aptomja mataa seyasicjayo! — alhta actomjac coo.

NEHEMÍAS 13:29

Dios Visqui ajac. Noncolvonquim nasa apquiltemaclha as enlhitaoc, apquilvennéycam pacto ningmiyovmalhca ayinyema Dios najan apquilvennéycam Dios apquilancam sacerdotes najan levitas — alhta actomjac coo.

NEHEMÍAS 13:31

Altimnasquic alhta actemaclha apquilyintilhvoyam mataa najan apquilansayclha acyilhna siclha apquilvitay amyip. Dios Visqui ajac. Noncolvonquim nasa sictomjaclha, yoyam omyovalhcac mataa — alhta actomjac coo — nic nat aptomjac Nehemías.

JOB 12:15

Apmiyovquic sat ancoc Dios yingmin, comacyejec sat, coymac sat asoc as nalhpop. Apcapajasquic sat ancoc yingmin acvanyam, cotvasalhcac sat asoc as nalhpop.

JOB 14:13

Jeyilhanimquis sat coo nipyesicsa apquilmasquingvaycmo, acvaycmo acmasca lhip aplom pac. Ilhen sat acnim yavamlha jeyasicjiclhojoc mocjam coo.

SALMOS 105:42

Inyasingveclhec nic nat apvalhoc Dios aplhanma nic nat actomja nasoc anco. Aplhanma napatavo apquilancam (apcasinancama) Abraham.

SALMOS 106:4

Visqui ajac. Coyasingvoclhojo apvalhoc coo sicvisay. Naysicsa apcamliyam lhip apnaymacoc (apquilyacyescama). Naysicsa appasmom lhip apnaymacoc, jepasim coo lha.

SALMOS 115:12

Inlhanvocmec apvalhoc Visqui ingac ningilvisay. Jingilpasmoc sat nincoo. Epasmoc sat enlhitaoc Israel. Epasmoc sat apquilancam sacerdotes.

SALMOS 132:1

Lhip Visqui ingac aptomja apyimtalhnamo nipyesicsa Jacob apquilmolhama. Coyit apatic apvisqui David, actemaclha alhta aplingaycamco. Actemaclha alhta aplhanma apvisqui David actomja nasoc anco:

SALMOS 136:23

Am nic nat colvoncacmoc singvita ninlingaycamco. Comasquejec mataa singasicjayo Visqui ingac.

SALMOS 137:7

Visqui ingac, iyanmongsiclha sat lhip apquiltemaclha cotnaja ingmoc edomitas. Naysicsa apquiltovascama tingma Jerusalén apquiltomjac mataa apquilpalhamaycam: —Elnatovas, elsavojo sat apnatovascama tingma — alhta apquiltomjac cotnaja ingmoc.

SALMOS 29:10

Dios Visqui ingac aptomja apyimtalhnamo tacjalhit yingmin acvanyam (mamay). Dios Visqui ingac aptomja apyimtalhnamo cotmongvoycamlha nelha.

SALMOS 36:6

Lhip aptemaclha appeyvomo, cotningvomeje nelha. Lhip singyicpilquemo, cotningvomeje nelha. Lhip aptamilquiscama enlhitaoc as nalhpop najan asoc navjac.

ÉXODO 14:21

Apyascasquic nic nat netin apmic Moisés tacjalhit yingmin acvanyam. Yejemoc nic nat apcapajasa alhcajayam Dios Apyimtalhnamo ayinyema actiyapmaclha acnim. Inquilhcajacmec nic nat acyovoclhojo alhtaa actomja acyaptama yingmin. Inyamacac nic nat nalhit.

ÉXODO 15:10

Malha alhcajayam alhta intomjac lhip apvatipnapma. Insovjoc alhta apquilvayveycaoc, yingmin ayapma. Apquilvayvamquic alhta, malha yinmongam actic actomja acvayveycaoc.

ÉXODO 2:24

Aplingac nic nat Dios actemaclha apquiliclhangvoycam. Apyasingveclhoc nic nat Dios asoc monquinatquiscama actemaclha apmayjayoclha apvitay nic nat Abraham najan Isaac najan Jacob.

PROVERBIOS 25:23

Ongvitac sat acmamay, apquilhcajacmo inlhojo piyam. Ongvitac sat aclom apquilvalhoc ingnaymacoc, ningilantipquisa inlhojo apquilvisay.

ISAÍAS 44:27

Actomjac coo siyanya vatsam: —Coyma — actomjac coo. Yejemoc sat coyma vatsam — alhta aptomjac Dios.

JEREMÍAS 50:38

¡Coymac sat vatsam, mepqui yingmin ayinyem sat cotnejic! Cotlaycaoc quilaycmasquiscama acnaycaoc as yoclhilhma Babilonia, altomja allhinganimquiscama apquilvalhoc enlhitaoc — alhta aptomjac.

AMÓS 8:7

Mayayo nac Dios Apyimtalhnamo. Aptomjac alhta aplhanma mepqui apyeycajascaoc: Jelvoncamejec sat mataa apquiltemaclha apancaoc cotmongvoycamlha nelha — alhta aptomjac Dios Apyimtalhnamo.

JONÁS 4:11

Avanjec acmayovsa evalhoc coo sicvita inlhojo apyovoclhojo tingma Nínive, tingma apvanyam apanco. Apnam as tingma ciento veinte mil apquitcavoc (sicaa) najan aplhamoclhojo apnatoscama — nic nat aptomjac Dios Apyimtalhnamo.

NAHÚM 1:4

Aptomja apyimnatescama appayvam, yoyam coymac sat yingmin acvanyam. Aptomja apyamascama yingmin vatsam. Inquilyamamquic ayimjaclha paat amyip Basán najan inquilhe Carmelo, najan maa ilhnamoc payjoc Líbano.

HABACUC 3:2

Dios Apyimtalhnamo. Aclingac coo amyaa ayinyema lhip, acvitac coo lhip aptamjaycam acyovoclhojo. Actimec coo siyayo lhip. Jingvitasquis sat lhip aptamjaycam mocjam as ningvamlha nac jay, pac ongilyasingvomoc nincoo. Jingilasicjiclhojo sat mocjam, acvaa inlhojo apyanmongsayclha lhip apquilsilhnanomap apanco enlhitaoc.

ZACARÍAS 10:11

Elmilanic sat yingmin acvanyam Egipto, omascoscomoc sat yingmin alyayajayam. Oyamacsic sat vatsam Nilo, mepqui yingmin sat cotnejic. Omascoscomoc sat apquilyimtalhnesomap co Asiria, omascoscomoc sat apquilmopvan co Egipto.

NÚMEROS 10:9

Apquilvitac sat ancoc quellhip, yoyam elimpocjac cotnaja ingmoc nipyesicsa quellhip. Elpayvas sat trompetas acyiplomo apquilpalhamaycam acyimnatem naysicsa apquilnapomap quellhip. Olngac sat coo sicvisay Dios olvomsic sat tap quellhip.

NÚMEROS 22:32

Aptomjac nic nat ángel Dios apcasinancama apcanya: —¿So actomja yi apquilyicpilhquetamcaa lhip apquinamtem? Coo nac sicmasma amay. Am colcac evalhoc lhip aplhingam.

EL APOCALIPSIS 16:19

Apyaptacpec alhta tingma apyiviy, malha tres partes napocja alhta intomjac apyaptomap. Apquilvayvamquic alhta aplhamoclhojo tingma apancaoc enlhitaoc lhalhma anco. Invaac alhta acnim yoyam eyanmongsiclha Dios apquiltemaclha enlhitaoc apnaycam tingma Babilonia. Apquilmesacpec alhta enlhitaoc ingjaycoc aclaneyo Dios aplom. Apquilanyacpec alhta elyamacsojo as uva yingmenic acyimtalhnamo.

EL APOCALIPSIS 18:5

Inyangvocmec apquiltemaclha melyascalhma as tingma, malha acticlhicvaycmo netin intomjac. Am colvoncacmoc Dios apquiltemaclha almasomcaa.

1 SAMUEL 1:19

Secaseclha ilhnic nat intomjac. Apquilpenasquic nic nat apquilmalhnancama napato Dios. Apquiltajaclhec nic nat tingma Ramá. Natamin apyitnamolhama aptava Elcana, actomjayclho inlovso. Apjalhnoc nic nat Dios almalhnancama siclho Ana.