GÉNESIS 6:8 - Enhlit Bible

⁸ Inlicavoc nic nat apvalhoc Dios Apyimtalhnamo aptemaclha Noé.

GÉNESIS 6:8 Iomraidhean Croise

GÉNESIS 19:19

Aptasic alhta lhip. Emyovquic alhta mataa lhip. Evomcasquic alhta tap. Movanquejec coo oyacsic ongvinyejic netin inquilhe alvinatem. Jetjanyiclhac sat asoc yoyam jetvacsic. Ongvitsapoc sat nalhit amay.

SALMOS 145:20

Singmasma aptomja Visqui ingac ningiltomja ningilasicjayo. Enatovasacpoc sat enlhitaoc apquilmapsomcaa.

SALMOS 84:11

Dios Visqui ingac aptomja apquitsasquiscama'lhma najan sintamilquiscama (ningyilhanmom). Visqui ingac aptomja apcasicjayo najan apcayo apquiltomja apquiltamilcasomacpo apanco. Am emyavac mataa asoc altamila.

PROVERBIOS 12:2

Innec singaco napato Dios, apvita inlhojo actamilaycam ingvalhoc. Ingiltanovquic mataa Dios, apvita inlhojo acyeyjamelhma ingvalhoc.

PROVERBIOS 3:4

Lhip sictamongvoyam: Coyispalhcac sat lhip aptemaclha napato Dios najan nipyesicsa apnaymacoc enlhit.

PROVERBIOS 8:35

Enlhit setayquiclha coo, colhic sat acyimnatem apnenyic, apyisponcama Dios.

JEREMÍAS 31:2

Aptomjac mocjam Visqui ingac: Ongvasicjiclhojoc sat mocjam enlhit ajancaoc. Ongvansiclhac sat payjoc yoclhilhma actamopeycaoc mepqui alhta apticyovam. Eltajiclhac sat mocjam israelitas, yoyam elhnam sat mataa — alhta aptomjac.

EZEQUIEL 14:14

Apnam sat ancoc apnatqui apquilpeyvomo nipyesicsa maa, apvisay Noé, najan Daniel, najan Job. Elvomsacpoc sat tap apquilvamlha as apnatqui. Eycaso sicpayvam sicvisay Dios.

SAN MATEO 24:37

‘Innoc actema ilhnic nat apmaclha Noé, sat cotnejic sicvactamo sat sicvisay Sictiyam Sictomja Enlhit.

SAN LUCAS 1:30

Aptomjac alhta apcanya ángel: —María, nojeya nasa. Apquimlaycmoc lhiya Dios —alhta aptomjac.

SAN LUCAS 17:26

Colhojoc sat actema ilhnic nat apmaclha Noé, sat cotnejic sicvactamo sat sicvisay Sictiyam Sictomja Enlhit.

LOS HECHOS 7:46

Apyispaquic nic nat Dios Ingyapam aptemaclha David. Apquiltamjoc nic nat elana David tingma apponquinomap, yoyam elhic Dios Ingyapam. Apquiltimec nic nat apvisay Jacob Dios apvisqui pac.

ROMANOS 11:6

Jave ayinyema nintemaclha inganco yoyam jingilyacyecsic Dios eyca ayinyema aptemaclha singamliyam. Nasoc sat ancoc singilyacyescama Dios ayinyema nintemaclha inganco, alhtoc sat cotmongvomoc singamliyam.

ROMANOS 4:4

Ningyasamcoc nincoo: Ningiltamjam sat ancoc nincoo, ongillhovac sat acyanmongam. Jave singmescama nasa. Actomja eyca acyanmongam nintamjaycam.

1 CORINTIOS 15:10

Cotnejic ac maa actemaclha sicvisay lha. Dios aptomja seyimlaycmo coo. Cotnaja alhto seyimlaycmo alhta Dios. Avanjec alhta sictamjaycam, am colhno apquiltamjaycam enaymacoc apóstoles. Jave coo ayinyema sicmovan ajanco, Dios eyca ayinyema seyimlaycmo aptomja semquescama apmopvan.

GALATAS 1:15

Dios aptomja seponquinquiscama amamyi sictiyam, seyanem yoyam otnejic apquilancam ayinyema singasicjayo.

2 TIMOTEO 1:18

Altamjoc coo yoyam elimliclhojo Visqui ingac napato Dios actamongvomlha nelha acnim. Ingilpasmec nincoo mataa tingma Efeso ingyalhing Onesíforo. Apyasamcoc lhip lha aptemaclha alhta ingyalhing.

TITO 2:11

Ingillhicmosquic Dios aptemaclha singasicjayo yoyam elvomsacpoc tap aplhamoclhojo enlhitaoc lhalhma anco. Eycaso actomja ayimja amamyi yoyam ongilyiplovcasojo.

TITO 3:7

Ingiltimescasquic ningilpeyvomo ayinyema singamliyam apanco. Ongillhovac sat acyimnatem ingnenyaoc cotmongvoycamlha nelha, actemaclha aljalhneycam ingvalhoc.

HEBREOS 4:16

Eycaso ayinyema ningmovan ongilyoclhojo apmaclha Dios aptomja Visqui apna netin aptajanem. Incaymalhquic ongilyoclhojo naysicsa mongyasquiyam acyiplom acpayjayclha ingvalhoc. Apquiltamjoc Dios jingimlimojo nincoo najan jingilpasmoc naysicsa ayaymomalhca asoc.

1 SAN PEDRO 3:20

Ayinyemaclha am nic nat elilyajaclhoc Dios appayvam enlhitaoc melitsepmaclha mocjam. Apquiljalhnec nic nat Dios yoyam melyascamejec enlhitaoc apquilictingaycamco lhama Noé. Apquillanac nic nat Noé barco yamit aysicsic acyiviy yoyam elantilhic ocho enlhit, yoyam elvomsacpoc tap yingmin acvanyam.

2 SAN PEDRO 2:5

Yitnec nic nat najan melyascalhma enlhit lhalhma anco. Am nic nat elmascosac Dios Ingyapam. Apcapajasquic nic nat yingmin acvanyam. Apsovjomacpoc nic nat apquilitsepma enlhitaoc apquilmapsomcaa. Apvocmec nic nat tap apvamlha Noé, aptomja apquiltimnascama actemaclha acpeyvomo. Apquilvocmec nic nat najan tap siete apmolhama.