GÉNESIS 6:7 - Enhlit Bible

⁷ Aptomjac nic nat Dios Apyimtalhnamo: —Pac sat osavojo otvacsic aplhamoclhojo enlhitaoc silanay coo. Otvacsic sat aclhamoclhojo ninnatoscama najan asoc alpilhyevaycam nalhpop najan aclhamoclhojo nata. Am colcac evalhoc silanay siclhoc anco aclhamoclhojo asoc— nic nat aptomjac.

GÉNESIS 6:7 Iomraidhean Croise

GÉNESIS 6:6

Am nic nat colcac apvalhoc Dios Apyimtalhnamo aptemaclha apquillanay nic nat siclho enlhit. Inyitnocjavoc nic nat apvalhoc.

GÉNESIS 7:21

Apsovjacpoc nic nat apquilitsepma enlhitaoc lhalhma anco. Inquilitsepquic nic nat nata najan asoc navjac najan ninatoscama najan asoc alpilhyevaycam nalhpop.

GÉNESIS 7:4

Natamin siete acnim sat ongvapajacsic acmamay acvanyam. Comamac sat acvaycmo 40 acnim najan 40 alhtaa. Pac sat osavojo otvacsic aclhamoclhojo aleyvam asoc silantipquiscama alhta— nic nat aptomjac Dios Apyimtalhnamo.

GÉNESIS 8:21

Inticjancasquic nic nat Dios Apyimtalhnamo actemaclha acmasis. Intomjac nic nat apvalhoc Dios Apyimtalhnamo: —Motvacsejec sat mataa as nalhpop ayinyema apquilsilhnanomap apanco enlhitaoc. Asomcoc mataa alquitamsama apquilvalhoc enlhitaoc ayenmo aptemaclha apquitcoc. Motvacsejec sat mataa aclhamoclhojo asoc aleyvam lhalhma anco. Motniclhejec sat mocjam sictomjaclha alhta.

SALMOS 37:20

Elingamcojoc sat acyimtalhnama apquilmapsomcaa, malha paat acmeyasma sat eltimjic. Elmasquingvomoc sat cotnaja ingmoc, malha etin acvonquepma sat eltimjic.

PROVERBIOS 10:27

Ajolhec mataa ningileyvam, ningiltomja inlhojo ningilayo Visqui ingac. Colhic sat acyavatesa apquileyvam enlhit apquilmapsomcaa.

PROVERBIOS 16:4

Apquilantipcasquic nic nat Dios aclhamoclhojo asoc, apyasamcoc yavamlha etnejic. Eyanmongsiclhac sat apquiltemaclha apancaoc apquilmapsomcaa, acvoya inlhojo acnim apanco.

ISAÍAS 27:11

Alyamay maa actingaoc yamtaa, colyintilhvomoc sat quilvanaa, colvitic sat talha tingma. Mepqui apquilyascamco apyovoclhojo enlhitaoc. Dios nic nat apquilantipquiscama as enlhitaoc, Mengyasicjiclhejec sat mocjam as enlhitaoc.

OSEAS 4:3

Ayovsec yoclhilhma mepqui yingmin. Inquilitsepquic asoc navjac, najan nata navjac, najan quilasma — nic nat aptomjac profeta.

AMÓS 7:3

Apquilvatasquic alhta Dios Apyimtalhnamo, aptomja seyanya: —Cotnalhquejec sat maa — alhta aptomjac.

AMÓS 7:6

Apquilvatasquic alhta Dios Apyimtalhnamo, aptomja seyanya: —Cotnalhquejec sat maa — alhta aptomjac seyanya.

SOFONÍAS 1:18

Incovac sat acnim apanco Dios Visqui ingac. Comalhquejec sat maa plata, comalhquejec sat oro alyinmom, yoyam elvomsacpoc tap. Esovjacpoc sat apticyovam apyovoclhojo ayinyema aplom pac Dios, malha talha. Enatovasacpoc sat apyovoclhojo enlhitaoc as nalhpop.

SOFONÍAS 1:2

Eycaso appayvam ayinyema Dios Visqui ingac: Otvacsic sat apyovoclhojo enlhit najan acyovoclhojo asoc as nalhpop.

SOFONÍAS 1:3

Onatovacsic sat enlhitaoc, najan apnatoscama, asoc navjac, nata, quilasma. Osavojoc sat sicnatovascama enlhit apquilmapsomcaa as nalhpop. Eycaso appayvam Dios Visqui ingac:

DEUTERONOMIO 28:63

Inlhenquic alhta siclho apvalhoc Dios ingyimlimojoc mataa quellhip najan elhamasiclhac quellhip. Quilhvo eyca aclhanma apvalhoc Dios enatovacsic quellhip, eyinyovsic sat yoclhilhma apquilvoycamlha sat quellhip.

DEUTERONOMIO 29:20

Mengyasicjiclhejec sat mocjam Dios, eyanmongsiclhac sat aptemaclha apanco enlhit apmapsom, elngamcojoc sat acyimtalhnama aclhanma as vaycajac, elmasquingvomoc sat aptovana as enlhit apmapsom, ayinyema Dios.

1 SAMUEL 15:11

—Am colcac evalhoc sictimesquiscama alhta apvisqui Saúl nipyesicsa enlhitaoc. Apquilvatasquic selyajayquiclho Saúl, am eyiplovcasac actemaclha siyanamaclha — nic nat aptomjac Dios. Avanjec nic nat actamjaycam apvalhoc profeta Samuel. Malha apquilpalhamaycam nic nat intomjac apquilmalhnancama acyovoclhojo alhtaa.