GÉNESIS 6:5 - Enhlit Bible

⁵ Apvitac nic nat Dios Apyimtalhnamo apquiltemaclha apquilmapsomcaa enlhitaoc lhalhma anco. Inquilquitamquic nic nat mataa apquilvalhoc asoc almasomcaa.

GÉNESIS 6:5 Iomraidhean Croise

GÉNESIS 13:13

Apquilmapsomcaa ilhnic nat enlhitaoc tingma Sodoma. Avanjec nic nat melyascalhma napato Dios Apyimtalhnamo.

GÉNESIS 8:21

Inticjancasquic nic nat Dios Apyimtalhnamo actemaclha acmasis. Intomjac nic nat apvalhoc Dios Apyimtalhnamo: —Motvacsejec sat mataa as nalhpop ayinyema apquilsilhnanomap apanco enlhitaoc. Asomcoc mataa alquitamsama apquilvalhoc enlhitaoc ayenmo aptemaclha apquitcoc. Motvacsejec sat mataa aclhamoclhojo asoc aleyvam lhalhma anco. Motniclhejec sat mocjam sictomjaclha alhta.

JOB 15:16

Apquiltanovacpec enlhit napato Dios, ayinyema aptemaclha apanco aclhamoclhojo acnim, acno ningyam yingmin aclhamoclhojo acnim.

JOB 22:15

¿Apquiltamjo ya lhquip eyiplaclha amay apancaoc ningilyeyjamcaa apquilmapsomcaa?

SALMOS 53:2

Apquilanoc mataa Dios apna netin. Apvitac apquiltemaclha enlhitaoc. Apquiltamjoc etac nipyesicsa aptomja apyascamco. Actomja aclhanma apvalhoc etingya Dios Visqui ingac.

PROVERBIOS 6:18

Actemaclha alquitamsama ingvalhoc, ayinyema nintemaclha inganco acmasom. Actemaclha acpecjeycam ingvalhoc, ayinyema ingmancoc altingyasquiscama acmasom.

ECLESIASTÉS 7:29

Acyasingvocmec alhta actema nac jay: Dios nic nat apquillanay enlhit appeyvomo, eyca avanjec mataa alquitamsama ingilvalhoc naysicsa ningileyvam.

ECLESIASTÉS 9:3

Acno moc mataa actamongvamlha nelha, actomja coliclama ingvalhoc. Inyangvocmec mataa apquiltemaclha apancaoc enlhit apquilmapsomcaa. Nelha sat cotnejic ningitsepma.

JEREMÍAS 17:9

Yitnec mataa actemaclha anco ingilvalhoc, acmasom najan singyinimquiscama. Paj lhama enlhit apyascamco actemaclha anco ingilvalhoc.

JEREMÍAS 4:14

Quellhip co Jerusalén, eljalhyovas acmasom acyitna apquilvalhoc quellhip, yoyam elvomsacpoc sat tap. Yitnec quellhip alquitamsama apquilvalhoc almasomcaa, ¿co sat acvam elvatsamcoc?

EZEQUIEL 8:12

Aptomjac alhta seyanya Visqui ingac: ¿Apvita ya lhquip apquiltemaclha apquilvanyam israelitas payjoc acyitnamaclha quilaycmasquiscama? Apquiltemaclha apquilyilhanmeycam naysicsa apquilayo quilaycmasquiscama. Apquilvajanamquic mataa poc enlhitaoc natingma, apquilanem: Metay mataa Visqui ingac nintemaclha nincoo. Nasoc alhta singyamasma Visqui ingac — intomjac mataa apquilvalhoc.

EZEQUIEL 8:9

Aptomjac alhta seyanya: Itilh congne, etac sat lhip apquiltemaclha enlhit sictanoncama coo — alhta aptomjac.

SAN MATEO 15:19

Eyca ayinyema ingvalhoc alquitamsama ingvalhoc almasomcaa, ningajem ingmoc, nintovascama singilyimjapma, ningilanatama, ayajemo nintipquiscama apvisay ingmoc, ningmovan amyaa (ningyinimquiscama).

SAN MATEO 24:37

‘Innoc actema ilhnic nat apmaclha Noé, sat cotnejic sicvactamo sat sicvisay Sictiyam Sictomja Enlhit.

SAN LUCAS 17:26

Colhojoc sat actema ilhnic nat apmaclha Noé, sat cotnejic sicvactamo sat sicvisay Sictiyam Sictomja Enlhit.

DEUTERONOMIO 29:19

Aptomjac nic nat mocjam Moisés: —Apquiljalhno inyicje quellhip apquilanyacpo elavojo. Noncolhen nasa apquilvalhoc apquiltamila apancavo quellhip, coymalhquejec mataa elavojoc quellhip, ellingamcojoc sat macnatovascama.

TITO 3:3

Yitnec nat nincoo lha nintemaclha inganco, actemaclha mongilyascamco najan actemaclha mongilyajayquiclho Dios. Ningillhinganacmec nat ninlhamoclhojo. Ningyiplovcasquic nat actemaclha ayitsepma ingnenyaoc asoc almasomcaa. Najan actemaclha ningyasipquiscama ingmoc. Najan actemaclha ningiltanoncama ingnaymacoc najan actemaclha ningiltanovmalhca ningyesicsa.

1 SAN PEDRO 3:20

Ayinyemaclha am nic nat elilyajaclhoc Dios appayvam enlhitaoc melitsepmaclha mocjam. Apquiljalhnec nic nat Dios yoyam melyascamejec enlhitaoc apquilictingaycamco lhama Noé. Apquillanac nic nat Noé barco yamit aysicsic acyiviy yoyam elantilhic ocho enlhit, yoyam elvomsacpoc tap yingmin acvanyam.