GÉNESIS 6:13 - Enhlit Bible

¹³ Aptomjac nic nat Dios Apyimtalhnamo apcanya Noé: —Pac sat osavojo otvacsic enlhitaoc lhalhma anco. Apquilsilhnanomap apanco najato ayinyema apquiltemaclha apancaoc. Pac sat osavojo otvacsic enlhitaoc najan acyovoclhojo as nalhpop.

GÉNESIS 6:13 Iomraidhean Croise

GÉNESIS 49:5

Simeón najan apyalhing Leví. Yitnec apquilmaycam yoyam ellanac quimpocjacme.

GÉNESIS 6:14

Ilaná sat lhip memong nicjaa yamit aysicsic actiyascam nayingmin. Ilaná sat aclhamoclhojo avalhoc congne. Ilapaoc sat yamit anyi aclhamoclhojo alyancalhcaoc. Ilapaoc sat ayimpejic najan avalhoc barca yamit aysicsic yoyam cotlhejec yingmin.

GÉNESIS 6:4

Apquilvitacpec nic nat siclho enlhit apquilvinatem apanco as nalhpop. Ayinyemaclha inquilyimjapamquic nic nat Dios apquitquic quilvanaa enlhit apquitquic. Apquiltamongvocmec nic nat apquitquic. Natamin apquilvitacpec nic nat mocjam enlhit apquilvinatem apanco. Apquilyimnatem apanco ihlnic nat siclho, am nic nat elhnoc poc enlhitaoc.

GÉNESIS 7:21

Apsovjacpoc nic nat apquilitsepma enlhitaoc lhalhma anco. Inquilitsepquic nic nat nata najan asoc navjac najan ninatoscama najan asoc alpilhyevaycam nalhpop.

GÉNESIS 7:23

Apquilvocmec nic nat tap apquilvamlha apmolhama Noé najan asoc alyinatem congne barca yamit aysicsic. Apsovjacpoc nic nat apquilitsepma aplhamoclhojo enlhitaoc najan aclhamoclhojo ninatoscama najan aclhamoclhojo nata najan asoc alpilhyevaycam nalhpop.

GÉNESIS 7:4

Natamin siete acnim sat ongvapajacsic acmamay acvanyam. Comamac sat acvaycmo 40 acnim najan 40 alhtaa. Pac sat osavojo otvacsic aclhamoclhojo aleyvam asoc silantipquiscama alhta— nic nat aptomjac Dios Apyimtalhnamo.

GÉNESIS 8:21

Inticjancasquic nic nat Dios Apyimtalhnamo actemaclha acmasis. Intomjac nic nat apvalhoc Dios Apyimtalhnamo: —Motvacsejec sat mataa as nalhpop ayinyema apquilsilhnanomap apanco enlhitaoc. Asomcoc mataa alquitamsama apquilvalhoc enlhitaoc ayenmo aptemaclha apquitcoc. Motvacsejec sat mataa aclhamoclhojo asoc aleyvam lhalhma anco. Motniclhejec sat mocjam sictomjaclha alhta.

ISAÍAS 34:1

¡Quellhip enlhitaoc apnaycam lhalhma anco, ellhingma jilip yoyam elaylhojo! Incaymalhquic elaylhojoc apyovoclhojo enlhitaoc as nalhpop, najan acyovoclhojo asoc aleyvam as nalhpop.

JEREMÍAS 51:13

Quellhip co Babilonia, apquileyvomaclha quellhip payjoc vatsam alyivey, cascama apquilnatam quellhip. ¡Vocmec nelha apquileyvam quellhip!

AMÓS 3:7

Aptomjaclha Dios Apyimtalhnamo, aplingascama siclho profeta, yoyam covac sat.

AMÓS 8:2

Aptomjac alhta seyanya Dios Apyimtalhnamo: —¿Soc lha asoc apvita lhip? — alhta aptomjac. Ayatingmavoc alhta: Acvitac lhama alhancoc acyilhna acmocjitmo — alhta actomjac coo. Aptomjac alhta seyanya Dios Apyimtalhnamo: —Apquilyitsomacpo enlhitaoc Israel acyilhna acmocjitmo. Mongvasicjiclhejec sat mocjam.

HEBREOS 11:7

Meyasquiyam nic nat innac Noé. Apyasingvocmec nic nat Noé amyaa ayinyema Dios yoyam colvac sat asoc actomja cotamalhca nic nat mocjam. Apquilyajaclhoc nic nat Noé. Apquillanac nic nat barco yamit aysicsic acyiviy yoyam elvomsic tap apmolhama. Am nic nat cotnatsalhcac aptomjaclha Noé yoyam elnatovasacpoc enlhitaoc lhalhma anco. Aptimesacpec nic nat appeyvomo Noé napato Dios ayinyema actemaclha meyasquiyam.

1 SAN PEDRO 4:7

Camquitvocmec acnim yoyam colmasquingvomoc aclhamoclhojo asoc. Eltamilsacpojo apanco mataa quellhip. Noelyeyesacpojo nasa olhma yoyam comasqueje apquililmalhnancama quellhip.