GÉNESIS 6:11 - Enhlit Bible

¹¹ Apquilmapsomcaa ilhnic nat enlhitaoc lhalhma anco. Avanjec nic nat melyascalhma napato Dios Apyimtalhnamo.

GÉNESIS 6:11 Iomraidhean Croise

GÉNESIS 10:9

Apmopvan emompavomoc nic nat Nimrod napato Dios. Intomjac nic nat mataa aplhenacpo: “Apnoc Nimrod apmopvan emompavomoc napato Dios”— nic nat intomjac amyaa aplhenacpo.

GÉNESIS 13:13

Apquilmapsomcaa ilhnic nat enlhitaoc tingma Sodoma. Avanjec nic nat melyascalhma napato Dios Apyimtalhnamo.

GÉNESIS 6:10

Apnatqui ilhnic nat apquitquic Noé: lhama apvisay Sem, apyalhing apvisay Cam, poc apyalhing apvisay Jafet.

GÉNESIS 7:1

Aptomjac nic nat Dios Apyimtalhnamo apcanya Noé: —Itilh sat barca yamit aysicsic lhip najan apmolhama. Acvitac coo aptemaclha mataa appeyvomo lhip nipyesicsa enlhitaoc lhalhma anco.

2 CRÓNICAS 34:27

Apquillaneclhec alhta apvalhoc lhip aplinga asoc acyimtalhnama, yoyam ongvapajacsic ellingamcojoc sat enlhitaoc. Apyaptec alhta apava aptalhnama lhip, apvinec alhta najato, acjalhnoc lhac lhip apquilmalhnancama. Naso coo sicpayvam sicvisay Dios.

SALMOS 11:5

Apyicpilcoc Visqui ingac apquilpeyvomo najan apquilmapsomcaa. Avanjec aptanoncama Visqui ingac apquiltemaclha apquilmapsomcaa.

SALMOS 140:11

Ilane sat elantipsacpoc yoclhilhma apquilmopvancaa amyaa. Ellingamcojoc sat acyanmongayclha apquiltemaclha apancaoc apquilmapsomcaa.

SALMOS 55:9

Visqui ajac. Ingyilhpanquis apquilpayvam selinmelhaycam. Apquiltemalcha apancaoc apquilatingmomap najan apquilnapomap.

ÉXODO 32:7

Aptomjac nic nat Dios Apyimtalhnamo apcanya Moisés: —¡Ingyapaja ityip! Apquiltemaclha lhip apnaymacoc, apnalovsingvoyclha lhip yoclhilhma Egipto. Apquilsilhnanacpec apanco.

ISAÍAS 60:18

Colngalhquejec sat mataa apquilimpocjay cotnaja ingmoc nipyesicsa quellhip, mepqui apquilmomap najan mepqui macnatovascama tingma najan yoclhilhma. Cotnejic sat acvisay mataymong tingma apjalhtam: Ningilvomsomalhca tap. Cotnejic sat alvisay tingma apatnaoc: Ningayo Visqui ingac — sat cotnejic.

JEREMÍAS 6:7

Inyangvocmec mataa apquiltemaclha apancaoc, acno yingmin congne yamilquit, mepqui ninsovjomo. Apquiltemaclha apancaoc apquilnapma, najan apquilyicpilhqueteycaoc. Avanjec maa apquilyimsem najan apquilasquiscama apyimpeoc poc.

EZEQUIEL 28:16

Apsilhnanacpec apanco lhip ayinyema aptemaclha lhip apquilyanmongsomap asoc apquilhacjam najan apquilmam. Actovasquic alhta lhip etipsacpoc inquilhe apanco Dios. Aptipsacpec alhta lhip nipyesicsa apyová, ayinyema enlhit acma aplhimpancoc aptamilquiscama.

EZEQUIEL 8:17

Aptomjac alhta seyanya: ¿Apvita ya lhquip? Apquiltemaclha apancaoc enlhit apquilayo quilaycmasquiscama lhalhma anco yoclhilhma Judá. Avanjec sictanoncama sicvita apquiltemaclha apancaoc as congne tingma apponquinomap.

HABACUC 1:2

Dios Apyimtalhnamo, ajolhec mataa silmalhnaycam lhip, yoyam epasingvota lhip. ¿Am ya ingyajalhnoc lhip? Ajolhec mataa sicpalhamaycam, elanojoc lhip apquiltemaclha apquilmapsomcaa. ¿Mejingilmiyoveje ya lhquip?

HABACUC 2:17

Ellingamcojoc sat acyanmongayclha quellhip, apnatovascama alhta netin inquilhe Líbano. Ellingamcojoc sat acyanmongayclha quellhip apquilnapma alhta maa asoc navjac. Ellingamcojoc sat acyanmongayclha quellhip apquilnapma alhta apnaycam natingma najan yoclhilhma lhalhma anco.

HABACUC 2:8

Elinmelham sat apyovoclhojo enlhitaoc lhalhma anco. Elnatamacpoc sat quellhip, acno siclho apquiltemaclha quellhip. Colhic sat acyanmongseclho apquiltemaclha quellhip apquilnapma, apquiltemaclha quellhip apnatovascama apquileyvam yoclhilhma najan apnaycam tingma apquilvanyam.

SAN LUCAS 1:6

Appeyvomo alhta as enlhit najan aptava napato Dios Ingyapam. Am alhta esilhnanacpoc. Am alhta cosilhnanalhcac najan aptava. Apquilyajaclhoc alhta mataa Zacarías najan aptava actemaclha apcanamaclha najan singanamaclha Visqui ingac.

ROMANOS 2:13

Jave ayinyema aplingay enlhit singanamaclha yoyam etnejic appeyvomo napato Dios. Apvamlha apquiltomja apquilyiplovquiscama singanamaclha eltimjic sat apquilpeyvomo napato Dios.

ROMANOS 3:19

Ningyasamcoc nincoo, inpeyvoc aclhanma singanamaclha actalhesomalhca. Apquillhenacpec enlhitaoc acyitna singanamaclha. Copvanquejec lhama etnejic appayvam: “Mepqui sicsilhnanomalhca coo”. Ayinyemaclha aplhamoclhojo enlhitaoc lhalhma anco apquiltomja apquilsilhnanomap napato Dios.

DEUTERONOMIO 31:29

Acyasamcoc coo, yavamlha eltimjic netamin coo. Elnatovacsic sat, elvatsamcoc sat apquilyiplovquiscama singanamaclha, siltimnascama mataa coo. Acyasamcoc coo, ellingamcojoc sat acyimtalhnama quellhip acyanmongayclha apquiltemaclha apancaoc quellhip, ayinyema aplom pac Dios — nic nat aptomjac Moisés.

JUECES 2:19

Apquilvatsamquic nic nat mataa niptamin enlhit mayayo. Inyangvocmec nic nat apquiltemaclha acmasom, am nic nat colhno apquiltemaclha apquilyeyjamcaa. Apquiltomjac nic nat apquilayo quilaycmasquiscama. Am nic nat elvatsamcoc apquiltemaclha apancaoc acmasom.