GÉNESIS 5:1 - Enhlit Bible

¹ Eycaso acnatalhesomalhca ilhnic nat apquilvisay Adán aptovana niptamin. Lhama ilhnic nat apquillana Dios enlhit. Apnoc nic nat aptemaclha Dios.

GÉNESIS 5:1 Iomraidhean Croise

GÉNESIS 10:1

Noé apquitquic nic nat apvisay: Sem najan apyalhing Cam najan apyalhing Jafet. Apquilvitac nic nat apquitquic najan aptovana natamin yingmin acvanyam.

GÉNESIS 2:4

Eycaso actemaclha ilhnic nat apquilantipquiscama Dios netin najan nalhpop. Lhama ilhnic nat apquillana Dios netin najan nalhpop.

GÉNESIS 6:9

Eycaso amyaa aptemaclha ilhnic nat Noé. Appeyvomo ilhnic nat Noé. Am nic nat esilhnanacpoc napato Dios Apyimtalhnamo. Am nic nat elhnoc apquictingaycamco lhama. Apyiplovcasquic nic nat Noé apmayjayoclha Dios Apyimtalhnamo.

1 CRÓNICAS 1:1

Apquilvisay nic nat: Adán, Set, Enós,

ECLESIASTÉS 12:1

Lhip apquitcoc, noncolvonquim nasa naysicsa aptiyascam lhip Visqui ingac Dios, aptomja singilantipquiscama. Covac sat acnim aplingaycamco lhip acyimtalhnama meyisponcama lhip.

ECLESIASTÉS 7:29

Acyasingvocmec alhta actema nac jay: Dios nic nat apquillanay enlhit appeyvomo, eyca avanjec mataa alquitamsama ingilvalhoc naysicsa ningileyvam.

SAN MATEO 1:1

Eycaso acnatalhesomalhca apquilvisay apquictingaycaoc apmamyi apquinyemayaclha Jesucristo. Abraham najan David aptovana niptamin nic nat Jesucristo.

1 CORINTIOS 11:7

Apvanquic enlhit mepqui appocanma, ayinyemaclha Dios aptomja apnesomacpo enlhit, malha ningvitangvoyacmo tap gloria aptemaclha apyimtalhnamo. Quilvana eyca actomja malha ningvitangvoyacmo tap aptemaclha apyimtalhnamo enlhit.

2 CORINTIOS 3:18

Nincoo ninlhamoclhojo, am coyitnac ninglalascama ningaat apava. Yitnec mataa ningaat ayitsayolhma apanco Visqui ingac. Malha laneyo intalhamavo intomjac ningaat. Invitalhquic ningaat acyitna ayitsayolhma ayinyema Visqui ingac. Ongilinmalhingvoclhac sat nincoo aptemaclha Cristo. Inyangvocmec mataa ayitsayolhma apanco, inyangvocmec najan ayapongmatem ningaat. Eycaso aptimesquiscama Dios Visqui ingac ayinyema Espíritu apanco.

EFESIOS 4:24

Elyiplovquis actemaclha alhnancoc ayinyema apmayjayoclha Dios., Yoyam cotalhcac apquiltemaclha alhnancoc actomja nasoc anco najan actomja acpeyvomo najan actomja actamila.

COLOSENSES 3:10

Apquilmaclhec quellhip actemaclha apquilvalhoc alhnancoc. Apquiltamjoc Dios jingilaniclhac mataa yoyam sat ongilinmalhingvoclha aptemaclha apanco. Yoyam najan ongilyicpilcangvomoc acyovoclhojo aptemaclha apanco Dios.

HEBREOS 1:3

Apquitca aptomja malha laneyo intalhamavo yoyam ongvita gloria ayitsayolhma apanco Dios. Innoc moc aptemaclha Apquitca najan aptemaclha Dios. Acmovan innac appayvam Apquitca, aptomja apcanama aclhamoclhojo asoc netin najan nalhpop. Apquitca ayinyema yoyam colmascosalhca mongilyascalhma. Quilhvoc apna netin apnaclha Dios apyimtalhnamo, napocja actamilaclha.

HEBREOS 12:9

Aptomjac mataa ingilyap nincoo singilanem ongilyejiclhojo nintemaclha inquitcoc. Ningilyajaclhoc nincoo mataa. Incaymalhquic ongilyejiclhojoc mataa Ingyapam netin. Colhic sat mataa acyimnatem ingnenyic.