GÉNESIS 49:8 - Enhlit Bible

⁸ Judá, apquilayo eltimjic sat apquilyalhing. Apyimnatem sat etnejic, melhoyc sat cotnaja ingmoc. Eljalhec sat lhip apquilyalhinga eltimjic apquilayo.

GÉNESIS 49:8 Iomraidhean Croise

GÉNESIS 27:29

Aplhamaclhojo enlhitaoc sat eltimjic apquiltimesaycam. Elticlhic sat aptapnaoc napato lhip. Itne sat apvisqui nipyesicsa apquilyalhing. Elticlhic sat aptapnaoc napato lhip. Enatovasacpoc sat apquiltomja apquilinmelhaycam lhip. Elmiyovacpoc sat enlhitaoc apquiltomja apquilamliyam— nic nat aptomjac Isaac.,

GÉNESIS 29:35

Inlovsoc nic nat intomjac mocjam Lea. Aptiyacmec nic nat mocjam ayitca. Inquiltimec nic nat apvisay Judá, Ningayo. Intomjac nic nac avalhoc: —Siyayo actomjac coo Dios Apyimtalhnamo— nic nat intomjac avalhoc. Inmasquec nic nat acvitay ayitca Lea.

GÉNESIS 42:6

Yatapvisqui ilhnic nat José yoclhilhma Egipto. Aptomja apquilhacjam mataa nintom (motajap apactic) yoyam elmoc enlhitaoc apquilinyema lhalhma anco. Apquilvaac nic nat apquilpipma apnaclha José. Apquiljalhec nic nat. Apquilticlhiquic nic nat payjaclha napaat nalhpop.

GÉNESIS 46:12

Judá apquitquic nic nat apquilvisay: Er najan Onán najan Sela najan Fares najan Zara. Apquitsepquic nic nat apvisay Er najan Onán yoclhilhma Canaán. Fares apquitquic nic nat apquilvisay Hezrón najan Hamul.

2 SAMUEL 22:41

Apquinyajasquic lhip cotnaja ingmoc. Evanquic alhta otvacsic apquiltomja selinmelhaycam.

2 SAMUEL 24:9

Apquiltimnasquic nic nat Joab apquilvamlha enlhitaoc acma apquilmaycam yoclhilhma Israel. Ochocientos mil enlhitaoc Israel najan quinientos mil enlhitaoc Judá apquilmolhama.

2 SAMUEL 5:3

Apquilmiyaclhec nic nat tingma Hebrón aplhamoclhojo apquilimja apmamyi enlhitaoc Israel apnaclha apvisqui. Apquilpamejitsacpec nic nat maa apvisqui David actemaclha asoc monquinatquiscama apmayjayoclha napato Dios. Innec nic nat ayatsisquisa David yoyam etnejic apvisqui nipyesicsa enlhitaoc Israel.

1 CRÓNICAS 28:4

Eponquincasquic alhta Dios Visqui ingac nipyesicsa sicmolhama, otnejic visqui nipyesicsa enlhitaoc Israel. Dios alhta apquilyacyescama tribu apquilmolhama Judá, etingya apvisqui. Najan apquilyacyescama tata coo apquilmolhama Judá. Najan apquilyacyescama. Najan selyacyescama coo nipyesicsa elyalhinga, jetnesquisic apvisqui nipyesicsa enlhitaoc Israel.

2 CRÓNICAS 14:8

Appintalhnama ilhnic nat singilpilhtetemo apnaclha Asa, malha trescientos mil enlhitaoc co Judá, acma apquilmaycam ningajapsomalhca najan sovjeva. Poc nic nat mocjam singilpilhtetemo apquilmolhama Benjamín, malha doscientos ochenta mil enlhitaoc acma apquilmaycam pilhpaalh najan ningajapsomalhca. Apquilyimnatem nic nat apyovoclhojo singilpilhtetemo.

2 CRÓNICAS 15:9

Apcansaclhec nic nat apyovoclhojo enlhitaoc co Judá najan co Benjamín, najan maa apquilpalhaviyam apquilmolhama Efraín, najan Manasés, najan Simeón. Aplhamoc enlhitaoc Israel apquilpalhavocmo ilhnic nat nipyesicsa co Judá, apvisqui maa Asa, apquilvita inlhojo apyimnatescama Dios apvisqui Asa.

2 CRÓNICAS 17:2

Apquilapajasquic nic nat singilpilhtetemo eltamilsic tingma apquilyimnatem apquileyvomaclha co Judá, najan destacamentos apnamcaclha singilpilhtetemo yoclhilhma Judá najan tingma apquilvanyam co Efraín, apquilimpocjay siclho apyap ninga Asa.

2 CRÓNICAS 30:11

Inmancaquic nic nat apquilvalhoc napato Dios napocja apquilmolhama Aser, najan apquilmolhama Manasés najan apquilmolhama Zabulón, apquilmiyaclho tingma Jerusalén.

SALMOS 76:1

Innec ayaco Dios Visqui ingac nipyesicsa Judá apquilmolhama. Innec ayaco apvisay apanco nipyesicsa enlhitaoc Israel apquilmolhama.

ISAÍAS 9:7

Cotningvomejec sat nelha actemaclha apcanamaclha najan actemaclha apquilvinsayclho olhma. Elhic sat mataa netin apvisqui aptajanem. Aptajanem apanco ilhnic nat apyeyjamcaa David najan apcanamaclha apanco. Aptomja apyimnatescama apcanamaclha quilhvo nac jay najan cotmongvoycamlha nelha. Apyimnatescama apcanamaclha ayinyema actemaclha apyicpilquemo najan actemaclha acpeyvomo. Evascapoc sat Dios Visqui Apyimtalhnamo esavojoc sat as asoc— nic nat aptomjac profeta.

EZEQUIEL 21:29

Acmovan amyaa actomja apquilmaycam sicas, coyascamco yavamlha cotnejic. Sovo acvinatem actomja alnapma quilhvo nac jay nipyesicsa quellhip apquilmapsomcaa. Quilhvoc acvaa acyanmongayclha apquiltemaclha apancaoc quellhip — alhta aptomjac.

NÚMEROS 10:14

Apquilmamyi apquillhingam nic nat enlhitaoc apquilsoycam bandera apquilmolhama Judá. Apvisqui apancaoc nic nat Naasón, Aminadab apquitca.

NÚMEROS 26:20

Apquilvisay clanes apquilmolhama Sela, najan Fares, najan Zara.

NÚMEROS 26:22

Innatalhesalhquic nic nat apyovoclhojo Judá aptovana setenta y seis mil quinientos enlhitaoc.

DEUTERONOMIO 33:7

Aptomjac nic nat Moisés apquilanyacpo apquilmolhama Judá: ¡Visqui ingac, ingyeylhojo sat apquilpayvam apquilmolhama Judá! Itajicsojo sat apnaymacoc, ipasingvoclha sat lhip elnapoc cotnaja ingmoc — nic nat aptomjac.

HEBREOS 10:13

Apquiljalhnec maa Cristo yoyam elmacpoc cotnaja apnaymacoc. Colhic sat apnincanvactamo apnaclha, malha apquiltoyam sat etnejic.

HEBREOS 7:14

Ningyasamcoc nincoo, Visqui ingac apquinyema Judá apmolhama. Am nic nat elhenac Moisés yoyam eltimjic Dios apquilancam Judá apmolhama.

JOSUÉ 10:24

Apnalantac nic nat apnaclha Josué. Apcansaclhec nic nat Josué apyovoclhojo enlhitaoc Israel. Aptomjac nic nat Josué apquilanya singilpilhtetemo apquilviscaa: ¡Elmiyama jilip! Eltam sat apminic napinyetic apquilviscaa apquilmomap — nic nat aptomjac. Apquilyajaclhoc nic nat maa.

JOSUÉ 15:20

Apquillhocac nic nat yoclhilhma tribu apquilmolhama Judá, moclhama clanes apquilmolhama.

EL APOCALIPSIS 11:15

Appayvasquic alhta poc ángel trompeta appayvascama, siete alhta apvocmoc. Yejemoc alhta siclinga netin appayvam alyimnatem, intomjac alhta: Apvisqui as nalhpop aptomja Dios Visqui ingac najan Cristo. Etnejic sat Apvisqui cotmongvoyam nelha —alhta inquiltomjac.

EL APOCALIPSIS 5:5

Aptomjac alhta seyanya lhama apquimja apmamyi: —Novin nasa lhip. Lhama aptomja apyimtalhnamo apvisay Yamacmeyva, apmolhama alhta Judá. Apvisqui David aptavin niptamin. Emayesiclhac sat vaycajac macpilhyamcameycaoc, elcoc sat siete malyipitquiscama vaycajac —alhta aptomjac.

JUECES 20:18

Apquilmiyaclhec nic nat tingma Betel israelitas. Elyasamcojoc sat napato Dios Visqui ingac apquilvisay apquilmolhama, yavamlha elimpocjac siclho apquilmamyi nipyesicsa apquilmolhama Benjamín. Aptomjac nic nat Dios Visqui ingac apquilanya: —Elimpocjac sat apquilmamyi apquilmolhama Judá.