GÉNESIS 49:6 - Enhlit Bible

⁶ Mopasmejec sat mataa apquilpamejitsomap. Apquilnapquic alhta enlhitaoc naysicsa apquillom. Alyateyaycam apquiltimescasac vayqui inquinavo naysicsa apquilnayvom.

GÉNESIS 49:6 Iomraidhean Croise

GÉNESIS 34:30

Aptomjac nic nat Jacob apcanya Simeón najan Leví: —Ayovsec evalhoc coo sicvita apquiltemaclha quellhip. Jeltanmovac sat coo enlhitaoc cananeos najan ferezeos apquiltomja apquilaoclha. Ingyaniclhac sat yoyam jingilnapoc nincoo. Paj nincoo ingmoc. Omatong sat coo, eticyoc sat najan sicmolhama— nic nat aptomjac Jacob.

2 SAMUEL 8:4

Apquilmacpec nic nat cotnaja ingmoc mil setecientos nolhing apcapaoc najan veinte mil enlhitaoc nalhapaoc. Apquilmiyovcacpec nic nat nolhing apquilyinyovascama cien carros. Inquilyatemenalhquic nic nat apjajac poc nolhing apquilaymomap.

1 CRÓNICAS 18:4

Apquilmec nic nat mil carros apancaoc cotnaja ingmoc. Apquilmacpec nic nat siete mil nolhing apcapaoc, najan veinte mil cotnaja ingmoc nalhapaoc. Apmiyovquic nic nat apvisqui David cien nolhing apquilmomap apquilyinyovascama carros. Apquilyatemenquic nic nat apjajac nolhing apmancoc, comopvan mocjam elhong.

SALMOS 1:1

Apquilinyejemoc anco enlhit aptomja aptamilcasomacpo apanco. Aptomja mevjaneycaoc apquiltemaclha enlhit apquilmapsomcaa. Aptomja meyiplovquiscama apquiltemaclha enlhit melyascalhma. Aptomja mepalhaviyam apnaymacoc apquilvennéycam nintemaclha actamila.

SALMOS 103:1

Otnejic sat siyayo Visqui ingac ayinyema evalhoc coo. Cotnejic sat evalhoc ayayo apvisay acponquinomalhca.

SALMOS 139:19

Lhip Dios Visqui ingac. Ingyane sat elitsapoc apquilmapsomcaa. Jeyas anco ticyovam yapmayc.

SALMOS 16:9

Inpayjeclhec evalhoc, inquitsovasoc evalhoc. Comyovalhcac sat sicyovoclhojo.

SALMOS 26:9

Jemyov sat coo apquilnapma lhip apquilmapsomcaa. Jemyov sat coo apquilnapma lhip ticyovam yapmayc.

SALMOS 28:3

Nojetvas nasa lhip naysicsa apquilnapma lhip apquilmapsomcaa. Nojetvas nasa lhip naysicsa apquilnapma lhip apquilyinimquiscama. Apquiltemaclha apancaoc ellhenic acmasis apquilpayvam. Acmasom anco apquilvalhoc as enlhitaoc.

SALMOS 30:12

Otnejic sat siyayo lhip Dios Visqui ajac, siclingascama lhip apvisay. Otnejic sat siyayo lhip naysicsa sicminaycmascama. Sictomja gracias lhip cotmongvoycamlha nelha.

SALMOS 42:11

¿So actema acmayovsa mataa evalhoc coo? ¿So actema aliclhangveycam mataa evalhoc? Pac olinlhanmojoc sat, otnejic siyayo Dios, aptomja Visqui ajac najan sevomquiscama tap.

SALMOS 42:5

¿So actema acmayovsa mataa evalhoc coo? ¿So actema aliclhanveycam mataa evalhoc? Pac olinlhanmojoc sat, otnejic sat siyayo Dios aptomja Visqui ajac najan sevomquiscama tap.

SALMOS 43:5

¿So actema acmayovsa mataa evalhoc coo? ¿So actema aliclhangveycam mataa evalhoc? Pac olinlhanmojoc sat, otnejic siyayo Dios, aptomja Visqui ajac najan sevomquiscama tap.

SALMOS 5:10

Lhip Dios Visqui ingac. ¡Iyanmongsiclha apquiltemaclha apancaoc! Enatovasacpoc sat apancavo. ¡Inatovas sat lhip (ilantipquis)! Ayinyema apquiltemaclha apancaoc apquilsilhnanomap apanco. Apquilinmelham mataa lhip.

SALMOS 57:8

Covascap sat evalhoc, elvascap sat apquilpayvascama arpa najan yatalhpong. Olhaticjac sat alhtoc anco.

SALMOS 64:2

Apquilpasmacpec mataa apquilmapsomcaa yoyam jelajic. Jetamilquis coo. Apquilpamejitsacpec mataa apquilmapsomcaa yavamlha eltimjic.

PROVERBIOS 1:11

Apquiltomjac as apnaymacoc apquilanya lhip: Noc, ontimjic nimpasmeyquiclha. Ongilsilhnanac sat poc enlhit mepqui apsilhnanomap apanco, yoyam ematong mepqui acvisay.

PROVERBIOS 12:5

Peyvoc mataa alquitamsama ingvalhoc, acyitna inlhojo nintemaclha acpeyvomo. Acmasom mataa alquitamsama ingvalhoc, acyitna inlhojo nintemaclha acmasom.

JEREMÍAS 15:17

Movanquejec coo ongvitsovacsojoc lhama enaymacoc. Elhapco coo, ayinyema selyacyescama lhip. Aclingamcoc coo lhip aplom pac, ayinyema enaymacoc.

JEREMÍAS 4:19

Aptomjac nic nat profeta: ¡Asquejec evalhoc coo! ¡Avanjec aclingaycamco evalhoc! ¡Intamjam evalhoc coo, movanquejec mepqui siclingascama amyaa simpilapquiscama! Aclingac coo apquilpayvascama trompeta, najan apquilpalhamaycam naysicsa apquilimpocjay.

SAN LUCAS 12:19

Colhenam sat mataa evalhoc sicnincanmaclha silnatam. Mosovjec sat aplhamoclhojo piyam. Oytic sat mataa, otoc sat, oynic sat, ongvitsovacsojoc sat” —ilhnic nat intomjac apvalhoc.

2 CORINTIOS 6:14

Actomjac coo silanya quellhip: Noeltime nasa apquilpasmeyquiclha metnaja Jesucristo apmolhama. Ayinyemaclha actemaclha acpeyvomo cotnaja acpasmeyquiclha actemaclha acmasom. Najan lha ayitsayolhma cotnaja acpasmeyquiclha yatescamalhma.

DEUTERONOMIO 27:24

Etvasacpoc sat enlhit apyilhacpo ingyajic poc. Elatingmojoc sat apyovoclhojo enlhit: ¡Naso! — sat eltimjic.

JOSUÉ 11:9

Apquilyajaclhoc nic nat Josué apcanamaclha Visqui ingac, innec nic nat alintasa apmancoc nolhing, innec nic nat alvatna talha carros apancaoc.

JUECES 5:21

Ingilpasmec alhta vatsam ayitcoc Cisón, ayinyema yingmin alhta alnapma cotnaja ingmoc. ¡Noc, ongilvascapoc sat, ontimjic ningilyimnatem!