GÉNESIS 48:21 - Enhlit Bible

²¹ Aptomjac nic nat apyap apcanya José: —Quip ilanojo. Ongvitsapoc sat coo. Aplhalhma sat mataa etnejic Dios Apyimtalhnamo. Eltajicsojoc sat quellhip apcaoclha apquilyeyjamcaa.

GÉNESIS 48:21 Iomraidhean Croise

GÉNESIS 12:5

Aplhalhma ilhnic nat aptava Sarai najan apipjenim apvisay Lot. Apquilsovquic nic nat aclhamoclhojo apquilnatam. Apnalaclhec nic nat enlhitaoc apquiltomja apquiltimesaycam tingma Harán. Apquilvoclhec nic nat yoclhilhma Canaán.

GÉNESIS 15:14

Coo sat najan oyanmongsiclha apquiltemaclha enlhitaoc apquiltomja apquilasquiscama apyimpeoc lhip aptovana. Elvomoc sat tap, colhic sat cascama apquilnatam.

GÉNESIS 15:16

Apquilvanacmec sat ancoc lhip aptovana apquiltimesaycam poc, elvotac sat mocjam as yoclhilhma. Ayinyemaclha am coyov'ac mocjam apquiltemaclha apancaoc melyascalhma enlhitaoc amorreos— nic nat aptomjac Dios.

GÉNESIS 26:3

Ilinlhanmojo sat mocjam aptiyascam as yoclhilhma. Coo sat mataa opasmoc najan ongvimlimojo. Lhip sat elhcac aclhamoclhojo yoclhilhma najan aptovana niptamin. Osavojoc sat siclhanma alhta actomja nasoc anco napatoc lhip apyap Abraham.

GÉNESIS 28:15

Moyinyovejec sat mataa lhip. Coo sat otamilsic apyasaclha. Otajicsojoc sat lhip as yoclhilhma. Moyeycajacsejec sat actemaclha siclhanma actomja nasoc anco. Moyinyovejec sat mataa lhip— nic nat intomjac aclingay apvanmoncama.

GÉNESIS 37:1

Apnec nic nat mataa Jacob yoclhilhma Canaán. Actomja ilhnic nat aptiyascamcaclha apyap cotnajaclha apcaoclha apanco.

GÉNESIS 46:4

Siclhalhma sat otnejic apyascama yoclhilhma Egipto. Commoc sat acnim yoyam onalovsingvoclha lhip aptovana apnaycam Egipto. Elhic sat José apyitnaclha lhip naysicsa apquitsepma— nic nat aptomjac Dios.

GÉNESIS 47:29

Camquitvaac nic nat nelha acnim aptiyascam Jacob, moc apvisay Israel. Apcanyam nic nat apquitca apvisay José. Aptomjac nic nat apyap apcanya: —Altamjoc coo elyejiclhojo coo sicpayvam. Ipquin sat lhip apmic avjac eyvoc yoyam colhejec acyascacmo actemaclha aplhanma. Nongyane nasa ongvatoynalhca as yoclhilhma Egipto.

GÉNESIS 50:24

Aptomjac nic nat José apquilanya apquilpipma: —Incamquitvaac siyitsepmaclha. Epasmoc sat quellhip Dios Apyimtalhnamo. Elantipsic sat as yoclhilhma. Enaliclhac sat quellhip yoclhilhma apquiltiyascamcaclha ningilyeyjamcaa Abraham najan Isaac najan Jacob. Aplhenquic nic nat Dios yoyam colhejec acyascacmo, yoyam elmesic sat as yoclhilhma.

GÉNESIS 50:6

Apcatingmavoc nic nat apvisqui faraón: —Nemoc maa. Ingyatoynvoclha apyap apquitsepma actemaclha apcanama alhta— nic nat aptomjac.

SALMOS 18:46

Innec ayaco Visqui ingac apyimnatem. Apyimtalhnamo apanco (nitnoc anco) Dios semasma coo.

SAN LUCAS 2:29

Dios Ingyapam, lhip silancam coo. Evanquic sat ongvitsapoc actemaclha actamila evalhoc. Innoc aptomjaclha nat seltimnasa lhip.

LOS HECHOS 13:36

Apquictingaycamco lhama ilhnic nat apnaymacoc David. Apquillanac nic nat mataa actomja apmayjayoclha Dios Ingyapam. Apquitsepmec nic nat. Apcatongnacpec nic nat acpayjo apcatongnamacpilha apyeyjamcaa. Aptajapquic nic nat apyovoclhojo.

DEUTERONOMIO 30:3

Emascocsic sat Dios apquillingaycamco quellhip, yoyam ingyimliclhojo sat mocjam. Colhic sat alansayclha mocjam quellhip apquilhpansomap alhta siclho moc yoclhilhma mocjay.

DEUTERONOMIO 31:8

Apmamyi elhong sat Dios Apyimtalhnamo, epasmoc sat lhip. Meyinyovejec sat mataa, emyovacpoc sat lhip. Naso, nongya nasa lhip, iyimnaticsojo sat apvalhoc — nic nat aptomjac Moisés.

2 TIMOTEO 4:6

Coo eyca actomjac quilhvo malha asoc ningmescama Dios yoyam omatong. Camquitvaac acnim yoyam omatong.

HEBREOS 7:3

Am colhenalhcac apvisay apyap najan acvisay inquin najan apquilvisay apquilyeyjamcaa. Am najan colhenalhcac aptiyaycamlha najan apquitsepmaclha. Apyitsomacpo Dios Apquitca Melquisedec aptomja Dios apquilancam cotmongvoycamlha nelha.

HEBREOS 7:8

Dios apquilancam apquiltomja enlhit apanco, apquiltomja apquillhoy moclhama asoc ayinyema enlhitaoc acyitna inlhojo diez asoc. Aplhenacpec nic nat Melquisedec aptomja apquilmilaneycaoc, aptomja aplhoy moclhama asoc acyitna inlhojo diez asoc ayinyema Abraham.

JOSUÉ 1:5

Etnejic sat mataa apyimnatem lhip aclhamoclhojo acnim aptiyascamcalha. Otnejic sat siclhalhma lhip acno alhta Moisés sictomja alhta mataa siclhalhma. Opasmoc sat mataa, moyinyovejec sat mataa lhip.

JOSUÉ 1:9

Actomjac coo siyanya lhip: Ivascap sat lhip, iyimnaticsojo sat apvalhoc. Ningya nasa mataa, nocotnajam nasa apvalhoc. Coo nac Dios, lhip Visqui pac. Sictomja mataa siclhalhma apyasaclha lhip lhalhma anco — nic nat aptomjac Dios.

JOSUÉ 23:14

Vocmec nelha sictiyascam coo, ongvitsapoc sat. Nocolvonquim nasa, colyasingvoclhojo apquilvalhoc quellhip, apquilvitay alhta aclhamoclhojo asoc altamila, ayinyema aplhanma alhta siclho Dios. Apsovjoc alhta aplhanma mataa mepqui apyeycajascaoc Dios.

JOSUÉ 3:7

Aptomjac nic nat Dios apcanya Josué: —Pac otnesquisic lhip apyimtalhnamo nipyesicsa aplhamoclhojo enlhitaoc Israel. Elvitac sat actemaclha sictomja siclhalhma lhip, acno actemaclha alhta siclhalhma Moisés.

2 SAN PEDRO 1:14

ayinyemaclha camquitvaac yoyam oyinyoc sicmaclha. Eyascasingvocmec alhta Jesucristo Visqui ingac.