GÉNESIS 48:19 - Enhlit Bible

¹⁹ Apmiyovquic nic nat apyap. Apcatingmavoc nic nat: —Sictamongvoyam, acyasamcoc coo. Elhamiclhac sat najan Manasés. Eltimjic sat appintalhnama lhalhma anco. Eyca apyalhing etnejic apyimtalhnamo apanco melhoc sat apipma. Eltimjic sat appintalhnama apanco lhalhma anco— nic nat aptomjac apyap.

GÉNESIS 48:19 Iomraidhean Croise

GÉNESIS 17:4

“Eycaso actomja monquinatquiscama actemaclha sicmayjayoclha coo. Appintalhnama sat eltimiclha lhip aptovana niptamin lhalhma anco.

GÉNESIS 25:23

Aptomjac nic nat apcanya Rebeca: Apcanit apquilmolhama enlhit apnam avalhoc lhiya. Apquilnapacpec apcanit apquilmolhama yicpintama appaliyam. Apyimnatem apanco lhama, am elhnoc poc. Apyimtalhnamo sat etnejic apsilhyo. Apquilancam sat etnejic apteyam apmamyi— nic nat aptomjac Dios.

GÉNESIS 25:28

Aptovquic nic nat mataa Isaac apyamonquilhma ayinyema Esaú. Eycaso ayinyema apcasicjayo mataa Isaac. Incasicjavoc nic nat Rebeca ayitca Jacob.

GÉNESIS 28:14

Ellhamiclhac sat lhip aptovana, mongmovan ongilyipsitic sat eltimjic. Ingyilhpanic sat, nilhqueyja sat elyacsic najan nipiyam. Actiyapmaclha acnim sat elyacsic najan actalhningvamlha acnim. Lhip sat mataa epasmoc aplhamoclhojo enlhitaoc apquilmolhama lhalhma anco. Najan lhip aptovana niptamin sat elpasmoc.

GÉNESIS 46:3

Aptomjac nic nat Dios apcanya: —Coo nac Dios Visqui pac lhip apyeyjamcaa. Nongya nasa eyacsic yoclhilhma Egipto. Olhamascasiclhac sat lhip aptovana yoyam eltimjic appintalhnama.

GÉNESIS 48:14

Yejemoc nic nat apya'mongsa moc apmeoc apyata. Apninquinquic nic nat apmeoc apyitsicsaoc. Appiquinquic nic nat apmic acyimnatamaclha apyitsicsic Efraín aptomja apsilhyo. Appiquinquic nic nat apmic apsancalvelha apyitsicsic Manasés aptomja apteyam apmamyi.

GÉNESIS 48:18

Aptomjac nic nat José apcanya apyap: —Jave lha, tata. Poc aptomja apvaneycaoc apmamyi. Ipquin sat apmic acyimnatamaclha apyitsicsic— nic nat aptomjac José.

ISAÍAS 7:17

Ellingamcojoc sat acyimtalhnama lhip apnaymacoc najan lhip apquilmolhama. Eltimjic sat apquilpayvam enlhitaoc: —Am alhta elvitayac incotnejic ningvamlha nac jay actamila anco. Ayinyema alhta siclho apquilhpanquiscama Israél apmolhama Judá apmolhama. Ayinyema alhta apvisqui co Siria — alhta aptomjac profeta.

EZEQUIEL 27:10

Enlhit apquilinyema Persia, najan Lidia, najan Libia, apquiltomja singilpilhtetemo. Apquilsoycam apquilmaycam apquilajapsomap apcatcoc najan apnenyaoc. Malha barco acnalhimsomalhca alhta intomjac.

DEUTERONOMIO 1:10

Aplhamaseclhec alhta mataa Dios Apyimtalhnamo, apquilvita apquitquic quellhip. Appintalhnama apanco quellhip as ningvamlha nac jay, mongmovan ongilyipsitic, acno mongmovan ongilyipsitic apyová.

DEUTERONOMIO 33:17

Apyitsomacpo apyap vayqui inquinavo, apquitca eyca siclha apvitay José. Apyitsomacpo yamvayqui búfalo inquipetaoc alvinatem, yoyam elnapoc enlhitaoc lhalhma anco as nalhpop: Appintalhnama apnaymacoc Efraín apquilmolhama, najan appintalhnama apnaymacoc Manasés apquilmolhama — nic nat aptomjac.

EL APOCALIPSIS 7:6

Doce mil enlhitaoc apquilinyema apmolhama Aser. Doce mil enlhitaoc apquilinyema apmolhama Neftalí. Doce mil enlhitaoc apquilinyema apmolhama Manasés.

EL APOCALIPSIS 7:8

Doce mil enlhitaoc apquilinyema apmolhama Zabulón. Doce mil enlhitaoc apquilinyema apmolhama José. Doce mil enlhitaoc apquilinyema apmolhama Benjamín.