GÉNESIS 48:15 - Enhlit Bible

¹⁵ Apquiltimnasquic nic nat actamila appayvam apquilyata: Dios aptomja Visqui ingac. Apquilyajaclhoc nat sicyeyjamcaa Abraham najan Isaac. Dios aptomja setamilquiscama mataa. Aclhamoclhojo acnim sictiyascam coo.

GÉNESIS 48:15 Iomraidhean Croise

GÉNESIS 17:1

Noventa y nueve años nic nat invocmoc aptiyascam Abram. Apvitac nic nat Dios Abram. Aptomjac nic nat Dios apcanya Abram: —Coo nac sicvisay Dios Sicyimtalhnamo. Itamilsacpojo apanco mataa naysicsa aptiyascam.

GÉNESIS 24:20

Yejemoc nic nat acyatma yingmin malhic acyamaclha apnatoscama. Inpecjesam nic nat alyatimquisa yingmin apnatoscama. Inquilyinamquic nic nat aclhamoclhojo.

GÉNESIS 24:40

Eyatingmavoc alhta Abraham: Acyiplovcasquic coo mataa singanamaclha Dios Apyimtalhnamo. Ingyapajacsic sat ángel apcasinancama yoyam etnejic aplhalhma lhip. Etamilsic sat nalhit amay. Itingyasquis sat aptava sictamongvoyam ayinyema nipyesicsa enaymacoc, ayinyema tata apmolhama.

GÉNESIS 27:27

Apyipitcangvocmec nic nat Jacob. Appitsisquic nic nat apmalhimpenic. Inticjancasquic nic nat apyap apquilantalhnama. Apquiltimnasquic nic nat appayvam altamila: Naso nac lhip sictamongvoyam, eticjancasquic apyimpejic. Malha acpanma amyip intomjac seticjanquiscama, ayinyema amyip apyisponcama Dios Apyimtalhnamo.

GÉNESIS 27:4

Ingyajan sat apitic actemaclha alhta sicmajayo mataa otoc. Jesantimquis sat yoyam otoc. Oltimnacsic sat lhip altamila sicpayvam yicpintama siyitsepma— nic nat aptomjac.

GÉNESIS 28:20

Aptomjac nic nat Jacob appamejitsa Dios: —Altamjoc coo jemyoc najan jetamilsic Dios nalhit amay. Altamjoc jimquecsic sictom najan sictalhnama.

GÉNESIS 28:22

Eyca as mataymong sinimquiscama actomja monquinatquiscama Dios tingma pac. Acvitac sat ancoc simquescama lhip, omquecsic sat coo lha moclhama asoc acyitna inlhojo diez asoc— nic nat aptomjac.

GÉNESIS 28:3

Altamjoc coo epasmoc sat lhip Dios Apyimtalhnamo. Elhamascasiclhac sat lhip aptovana. Elhamiclhac sat lhip apquileyvam lhalhma anco.

GÉNESIS 35:3

Ongimpiclhac sat mocjam nincoo. Olanac sat coo sicvatnamaclha actemaclha ningmescama Dios. Eycaso actomja alhta siclingay appayvam Dios naysicsa silminay. Aptomja alhta siclhalhma nalhit amay naysicsa siclhingam— nic nat aptomjac.

GÉNESIS 48:16

Altamjoc coo epasmoc Dios ángel apanco as apquitcoc, acno setamilquiscama mataa naysicsa acyimtalhnama. Colvoncamejec sat mataa coo sicvisay najan apvisay sicyeyjamcaa Abraham najan Isaac. Ellhamiclhac sat apquitquic. Eltimjic sat appintalhnama lhalhma anco— nic nat aptomjac.

GÉNESIS 49:22

José aptomja malha yamit ayimja nicja yingmin. Cascama acyilhna as yamit. Inpayjeclhec mataa actingaoc.

GÉNESIS 49:24

Alyimnatem apictingaoc innac José. Cayjec anco apjalhtapongam yanca. Appasmom aptomja mataa apquiltamilquiscama enlhitaoc Israel.

GÉNESIS 49:28

Eycaso apquilvisay 12 apquilmolhama Israel. Eycaso actamila appayvam apquilyap apquilanama apquitquic.

GÉNESIS 6:9

Eycaso amyaa aptemaclha ilhnic nat Noé. Appeyvomo ilhnic nat Noé. Am nic nat esilhnanacpoc napato Dios Apyimtalhnamo. Am nic nat elhnoc apquictingaycamco lhama. Apyiplovcasquic nic nat Noé apmayjayoclha Dios Apyimtalhnamo.

1 REYES 3:6

Apcatingmavoc nic nat apvisqui Salomón: —Avanjec alhta lhip apquimlaycmo sicyeyjamcaa David. Am nic nat esilhnanacpoc apanco napatoc lhip. Appeyvomo ilhnic nat najan actamilaycam apvalhoc napatoc lhip. Coo sicvisay David apquitca ayinyema lhip apquimlaycmo. Apquiltamjoc lhip yoyam olhic coo netin visqui aptajanem sicyamonquiscama sicyeyjamcaa. Eycaso actomjaclha acnim nac jay.

1 CRÓNICAS 5:1

Israel apquitca aptiyam apmamyi ilhnic nat Rubén. Rubén apquitquic nic nat: Hanoc, Falú, Hezrón, najan Carmí. Yitnec nic nat apsilhnanomap apanco Rubén ayinyema appatjeteycaoc quilvana moc aptava apyap. Inmasquec nic nat apvisay mayayo aptiyam apmamyi. José apquitquic nic nat apquiltimesacpo mayayo nipyesicsa apquilpipma. José aptimesacpo nic nat mayayo napato apyap Israel., Appintalhnama ilhnic nat apquilmolhama Judá. Aptimesacpec nic nat apvisqui nipyesicsa Judá apquilmolhama.

SALMOS 16:8

Inlhenquic mataa evalhoc Visqui apna ningato. Siclhalhma aptomjac, jemyoc sat mataa coo.

SALMOS 23:1

Visqui ingac aptomja setamilquiscama. Mepqui lhama asoc ayaymomalhca coo.

SALMOS 37:3

Itne sat apcayo Visqui ingac. Iyiplovcasojo actemaclha actamila. Ilha sat mataa apcaoclha acyiplomo aptamilcasomacpo apanco.

ÉXODO 3:16

Noc, ingyansiclha sat apquilviscaa enlhitaoc Israel. Itne sat elanic: Acvitac alhta coo Dios Apyimtalhnamo. Aptomja Apvisqui apancaoc quellhip apquilyeyjamcaa. Aptomja Abraham Apvisqui pac najan Isaac Apvisqui pac najan Jacob Apvisqui pac — sat itne ingyanic. Naso, acvitac alhta quellhip actemaclha apquileyvam najan actemaclha apquillingaycamco yoclhilhma Egipto — sat itne.

ÉXODO 4:5

Melyascamejec sat enlhitaoc Israel apvitay lhip Dios Apyimtalhnamo aptomja apquilyeyjamcaa Apvisqui apancaoc najan Abraham Apvisqui pac najan Isaac Apvisqui pac najan Jacob Apvisqui pac — nic nat aptomjac.

ECLESIASTÉS 5:12

Actamila mataa aptiyanma enlhit aptamjaycam, moc acnim acyivey aptom najan moc acnim ayitcoc aptom. Mepqui aptiyanma mataa enlhit acma apquilnatam, ayinyema acyivey aptom.

ECLESIASTÉS 5:18

Acyasingvocmec coo: Yavatoc ningma as nalhpop singmescama Dios. Incaymalhquic ontovamcoc, najan ongyinamcoc, najan copayjiclhac ingilvalhoc naysicsa ningilvascapma ningiltamjaycam as nalhpop. Eycaso ningilanyomalhca ayinyema Dios.

ECLESIASTÉS 6:7

Yitnec nincoo ningvascapma ningiltamjaycam, yoyam coytic mataa nintom. Yiplovcoc mataa mayic singajem.

ISAÍAS 30:21

Apquilpecjam sat ancoc quellhip elyitnocjac lhama nicja najan moc nicja. Cotlapsic sat apquillinga inlhojo appayvam ayinyema apcapoc: Amay as'i, elyiplovjo amay — sat cotnejic appayvam.

ISAÍAS 33:16

Apquilyiplovcasquic sat ancoc enlhit, elyilhanmoc sat mataymong avalhoc mepqui apquilay. Elvitac sat mataa aptoycaoc najan apyinaycaoc.

JEREMÍAS 8:2

Colhic sat ayilhpanquisa apilhquipcoc, mepqui yoyam colatoynalhcac mocjam, colhojoc sat nintoscama ayi lhalhma anco. Innamquic as apilhquipcoc ayalhnaclhojo acnim anco najan alhtaa ningvitay piltin najan apyová, payjoc acyitnamaclha quilaycmasquiscama alasicjamalhca najan malayoclha, najan macmescama asoc quilaycmasquiscama, najan apquiltemaclha apquilyiplovquiscama melitsepmaclha siclho.

SAN LUCAS 1:6

Appeyvomo alhta as enlhit najan aptava napato Dios Ingyapam. Am alhta esilhnanacpoc. Am alhta cosilhnanalhcac najan aptava. Apquilyajaclhoc alhta mataa Zacarías najan aptava actemaclha apcanamaclha najan singanamaclha Visqui ingac.

1 CORINTIOS 10:31

Actomjac coo silanya quellhip: Eltime sat mataa apquilayo Dios naysicsa aptoycaoc najan naysicsa apyinaycaoc najan naysicsa apquiltingyey moc asoc.

2 CORINTIOS 1:12

Ningiltamjoc ongiltimnacsic quellhip actemaclha acyascamco anco ingvalhoc naysicsa acpayjayclha ingvalhoc: Ningyiplovcasquic mataa lhalhma anco actemaclha ningiltamilcasomalhco inganco najan lha nipyesicsa quellhip. Ingilpasmec alhta Dios ayinyema singasicjayo. Am alhta conyemac actemaclha ningyascamco inganco.

DEUTERONOMIO 33:1

Dios apquilancam nic nat Moisés. Aptomjac alhta mengyitsepmaclha mocjam Moisés apquilanya israelitas,

COLOSENSES 2:6

Eycaso sicpayvam silanya quellhip: Apquilyanmoncasquic alhta apquilvalhoc quellhip yoyam eltimjic apvisqui Jesucristo. Ellhnasojo sat quellhip aptemaclha Jesucristo.

1 TESALONICENSES 2:12

Ningiltimnaseclhec alhta quellhip yoyam eltamilsacpojo apanco quellhip napato Dios. Apquiltamjoc Dios yoyam elpasmoc quellhip apquilnancascama najan gloria aptemaclha apyimtalhnamo.

HEBREOS 11:21

Meyasquiyam nic nat innac Jacob. Apquilmalhnescasquic nic nat Dios Jacob yoyam epasmoc José apquitquic. Apquilmalhnescasquic nic nat Jacob naysicsa apquinimquiscama apquileneycam yicpintama apquitsepma.