GÉNESIS 48:14 - Enhlit Bible

¹⁴ Yejemoc nic nat apya'mongsa moc apmeoc apyata. Apninquinquic nic nat apmeoc apyitsicsaoc. Appiquinquic nic nat apmic acyimnatamaclha apyitsicsic Efraín aptomja apsilhyo. Appiquinquic nic nat apmic apsancalvelha apyitsicsic Manasés aptomja apteyam apmamyi.

GÉNESIS 48:14 Iomraidhean Croise

GÉNESIS 41:51

Apquiltimec nic nat José apvisay apquitca apteyam apmamyi Manasés, Selvoncayam. Ayinyema aclhanma apvalhoc José: Setnesquiscama Dios selvoncayam actemaclha siclhingaycamco alhta. Najan selvoncayam enaymacoc— nic nat intomjac apvalhoc.

GÉNESIS 41:52

Apquiltimec nic nat José apvisay poc apquitca Efraín, Sicvitay Eyitquic. Ayinyema aclhanma apvalhoc José: Setnesquiscama Dios yoyam otac eyitquic yoclhilhma siclingaycamcolha acmasca— nic nat intomjac apvalhoc.

GÉNESIS 46:20

José moc aptava ilhnic nat Asenat. Ayitquic nic nat apquilvisay: Manasés najan Efraín. Aptiyacmec nic nat Egipto. Potifera apquitca ilhnic nat Asenat. Sacerdote ilhnic nat Potifera tingma On.

GÉNESIS 48:13

Yejemoc nic nat apma apmic acyimnatamaclha apquitca Efraín. Apmic apsancalvelha nic nat apmac apquitca Manasés. Apnalaclhec nic nat apnaclha apyap. Apnec nic nat Efraín napocja apyata apsancalvelha. Apnec nic nat Manasés napocja acyimnatamaclha.

GÉNESIS 48:17

Am nic nat colcac apvalhoc José appicanma apyap apmic acyimnatamaclha apyitsicsic Efraín. Apyinyovcasquic nic nat José apmic apyap yoyam epquinic apyitsicsic poc apquitca.

GÉNESIS 48:18

Aptomjac nic nat José apcanya apyap: —Jave lha, tata. Poc aptomja apvaneycaoc apmamyi. Ipquin sat apmic acyimnatamaclha apyitsicsic— nic nat aptomjac José.

SALMOS 110:1

Dios Visqui ingac. Aptomjac apcanya Visqui ajac: —Ilhnata sat nejicja acyimnatamaclha. Motvasaclha mocjam cotnaja ingmoc. Apquiltoyam sat etnejic lhip — nic nat aptomjac.

SALMOS 118:16

Apmopvan aptamjaycam simpilapquiscama Visqui ingac. Apmopvan aptamjaycam Visqui ingac.

ÉXODO 15:6

Apmopvan innac lhip Dios Apyimtalhnamo, acyimnatem anco lhip apmic. Lhip apmic acyimnatem ayinyema apmascoscama cotnaja ingmoc.

NÚMEROS 2:18

Elhnam sat payjoc actalhningvamlha acnim campamento acma apquilmaycam apquilsovm bandera de Efraín. Tribu Efraín, apvisqui Elisana, Amiud apquitca - 40.500 enlhitaoc.

NÚMEROS 8:10

Elninquinic sat israelitas apmeoc apyitsicsaoc levitas.

NÚMEROS 8:18

Alyacyesquic coo nipyesicsa israelitas, eltimjic ajancaoc levitas.

SAN MATEO 16:18

Actomjac coo siyanya lhip: Lhip nac apvisay Pedro, moc ningiltimem mataymong. Lhip aplhanma actemaclha meyasquiyam ningiltimem mataymong acvinatem. Eyca as netin mataymong acvinatem ollanac sat iglesia sicmolhama ajanco. Apquilyimnatem iglesia sicmolhama ajanco, am colhno acmovan ningitsepma.

SAN MATEO 19:13

Innec alhta acnalantamo sicaa. Apcanyacpec alhta Jesús eninquinic apmeoc ayitsicsaoc sicaa, yoyam elmalhnesquisic. Apquilmiyovquic alhta apquiltamsoycaoc. Apquilyamatsam alhta incanayc sicaa.

SAN MATEO 19:15

Apninquinquic alhta Jesús apmeoc ayitsicsaoc sicaa. Yejemoc alhta apquimpaclho mocjam.

SAN MATEO 6:5

‘Apquililmalhnaquic sat ancoc quellhip, noelvajanamco nasa apquiltemaclha enlhit apquilaycmascam. Apquilyispaquic mataa apcanviyam congne apcaneyquiclhilha najan amay nipyesicsa tingma. Apquililtamjoc mataa colvitalhca actemaclha apquilmalhnancama. Actomjac coo silanya quellhip: Naso, colhejec sat ayaco napato Dios Ingyapam. Insovjalhcoc apquillhoca acyanmongam.

SAN LUCAS 13:13

Yejemoc alhta apninquina apmeoc tacjalhit. Acpeyveclho alhta eyca. Incacovoc alhta Dios.

SAN LUCAS 4:40

Yejemoc alhta actalhna acnim. Alhtaa intomjac. Apquilnalantamo alhta apnaclha Jesús ningmasquem actamjaycaoc, moclhama moc actemaclha. Apninquinquic alhta apmeoc tacjaplhit moclhama. Apquiltamilquiscacmec alhta.

LOS HECHOS 13:3

Yejemoc alhta apquililmalhna mocjam. Am alhta elmayajamco aptoycaoc. Yejemoc alhta apninquina apmeoc apyitsicsaoc Bernabé najan Saulo. Yejemoc alhta apquilapajasacpo (elpayecsic tasic amyaa).

LOS HECHOS 6:6

Yejemoc alhta apnalantamo apnamcaclha apóstoles apquilapajasomap. Lhama alhta apquilmalhna apninquina alhta eyca apmeoc apyitsicsaoc.

DEUTERONOMIO 34:9

Aplhocac nic nat Josué, Nun apquitca apyascamcolhma. Ayinyema ilhnic nat apnincanma apmeoc Moisés apyitsicsic Josué. Apquilyajaclhoc nic nat mataa apnaymacoc Israel, acno ilhnic nat apcanama siclho Moisés.

1 TIMOTEO 4:14

Itamilquis sat lhip macmescama ayinyema Dios. Aplhocac alhta lhip macmescama naysicsa apnincanma apmeoc apquilimja apmamyi Jesucristo apmolhama.

1 TIMOTEO 5:22

Nopecjicsojo nasa etnesquisic apvisay apquimja apmamyi aptomja lhip apnincanma apmeoc. Novjaniclhojo nasa actemaclha aptamongvaycmo poc. Itamilsacpojo apanco lhip.