GÉNESIS 48:12 - Enhlit Bible

¹² Apnam nic nat José apquitquic acpayjo aptapnaoc apquilyata. Apquinimcasquic nic nat apquitquic tap José. Yejemoc nic nat apjalhaja José napato apyap. Inticlhicvocmec nic nat napaat nalhpop.

GÉNESIS 48:12 Iomraidhean Croise

GÉNESIS 18:2

Pilapcasquic nic nat apvita apnatqui enlhit apcanvaa acpayjo apnaclha. Yejemoc nic nat apquinmaclho netin yoyam emoc tacja maycaa. Apquilpolintac nic nat nalhpop Abraham. Apticlhiquic nic nat acpayjaclha napaat nalhpop.

GÉNESIS 19:1

Intalhnacmec nic nat apquilvocmo tingma Sodoma apcanit maycaa. Ángeles Dios apquilasinancama ilhnic nat maycaa. Apnec nic nat Lot atong apjalhtam tingma. Apcaneyclhec nic nat maa enlhitaoc. Pilapcasquic nic nat Lot apvita maycaa. Apquinmaclhec nic nat netin yoyam emoc tacja. Apquilpolintac nic nat nalhpop Lot. Apticlhiquic nic nat acpayjaclha napaat nalhpop.

GÉNESIS 23:7

Apquinmaclhec nic nat netin Abraham. Apjalhingvocmec nic nat napatavo enlhitaoc hititas.

GÉNESIS 33:3

Aplhingam apmamyi ilhnic nat Jacob yoyam elamyilhamcoc apipma Esaú. Apticlhicvocmec nic nat mataa nalhpop napaat acvaycmo 7, acvocmo aptajanyey apipma Esaú.

GÉNESIS 42:6

Yatapvisqui ilhnic nat José yoclhilhma Egipto. Aptomja apquilhacjam mataa nintom (motajap apactic) yoyam elmoc enlhitaoc apquilinyema lhalhma anco. Apquilvaac nic nat apquilpipma apnaclha José. Apquiljalhec nic nat. Apquilticlhiquic nic nat payjaclha napaat nalhpop.

GÉNESIS 48:11

Aptomjac nic nat apyap apcanya José: —Am alhta oyasamcoc yoyam otac mocjam lhip. Quilhvo eyca sicvita lhip apquitquic. Eycaso ayinyema Dios Visqui Apyimtalhnamo— nic nat aptomjac.

GÉNESIS 48:13

Yejemoc nic nat apma apmic acyimnatamaclha apquitca Efraín. Apmic apsancalvelha nic nat apmac apquitca Manasés. Apnalaclhec nic nat apnaclha apyap. Apnec nic nat Efraín napocja apyata apsancalvelha. Apnec nic nat Manasés napocja acyimnatamaclha.

1 REYES 2:19

Inmiyaclhec nic nat Betsabé copamejitsic apvisqui Salomón, aclhanma apvalhoc Adonías. Apquinmaclhec nic nat netin apvisqui emoc tacja inquin. Apjalhec nic nat acnaclha inquin. Apnaclhec nic nat mocjam apvisqui aptajanem. Apcanama ilhnic nat colhic acsantimquisa nintajanem yoyam colhic inquin. Innaclhec nic nat napocja apvisqui payjoc derecha.

2 REYES 4:37

Injalhec nic nat quilvana napato Eliseo. Incaynec nic nat ayitca actepa aplhancoc.

ÉXODO 20:12

Incaymalhquic ongilyejiclhojo mataa appayvam tata ingac najan meme ingac. Ajolhec sat nintiyascam as nalhpop ayinyema Dios Visqui ingac.

ÉXODO 34:8

Apjalhec nic nat Moisés, apticlhicvocmo napaat nalhpop. Aptimec nic nat apcayo Dios.

PROVERBIOS 31:28

Innec ayaco ayinyema atava najan ayitquic:

LEVÍTICO 19:3

Elasicjojo sat mataa apyap najan inquin. Elasicjojo sat mataa silanya quellhip acnim ninnayclha. Coo sicvisay Dios Visqui apancaoc quellhip.,

LEVÍTICO 19:32

Eltime sat apquilayo apquilvanyam, noelvennam nasa. Elpasim sat mataa. Eltime selayo sicvisay Dios Visqui apancaoc quellhip.

EFESIOS 6:1

Quellhip apquitcaoc. Elilyejiclhojo sat mataa apquilyap najan inquin, acno apquilyajayquiclho quellhip Visqui ingac. Eycaso actomja acpeyvomo.