GÉNESIS 47:7 - Enhlit Bible

⁷ Apyantementac nic nat apyap José. Apquiltamjoc nic nat etac apvisqui faraón. Avanjec nic nat apcayo Jacob apvisqui faraón.

GÉNESIS 47:7 Iomraidhean Croise

GÉNESIS 14:19

Actamila ilhnic nat appayvam apvisqui Melquisedec appamejitquiscama Abram: Altamjoc lhip epasmoc Dios Apyimtalhnamo, aptomja apquillanay nic nat netin najan nalhpop.

GÉNESIS 35:27

Aplhinquic nic nat Jacob. Maycaa ilhnic nat aptomjac apyap tingma pac Isaac. Apvisay nic nat tingma Mamre, moc apvisay Arba, moc apvisay Hebrón. Siclhoc nic nat tingma pac Abraham najan Isaac.

GÉNESIS 47:10

Appayvasquic nic nat Jacob naysicsa apcayo apvisqui. Aptajaclhec nic nat mocjam.

GÉNESIS 47:8

Aptomjac nic nat apvisqui apcanya Jacob: —¿Jalhco acvamlha año pac lhip?— nic nat aptomjac.

2 SAMUEL 14:22

Apjalhec nic nat Joab, acticlhicvocmo nalhpop payjaclha napaat. Aptomjac nic nat apcanya: —Epasmoc sat lhip Dios. Coo sictomja silancam lhip. Acyasamcoc coo quilhvo nac jay, lhip aptomja seyasicjayo. Apjalhnoc lhac lhip asoc silmalhnaycam — nic nat aptomjac.

2 SAMUEL 19:39

Apquiljalhtipilhquitquic nic nat vatsam Jordán apyovoclhojo apquillhalhmaa. Appayvasquic nic nat apvisqui David appitsisa apmalhimpenic Barzilai. Aptajaclhec nic nat tingma pac Barzilai.

2 SAMUEL 8:10

Apcapajasquic nic nat Toi apcanyacpo apquitca Joram, epatmaoclha plata najan oro asoc alyinmom najan asoc alanomalhca bronce. Actomja ilhnic nat apmescama nasa aplhoy apvisqui David. Ayinyema ilhnic nat apyimnatem apanco David naysicsa apquilimpocjay Hadad-ezer. Najan apvisqui Toi apquillanac nic nat quimpocjacme Hadad-ezer.

1 REYES 1:47

Apquilmiyaclhec maa David apquilasinancama, eltimjic apquilayo Salomón, elmalhnesquisic sat Dios, yoyam etnesquisic apyimtalhnamo apvisqui apjalhnancoc, am alhta elhno apyap David. Apjalhec alhta apyap David netin aptajanma, aptomja apcayo Dios Visqui ingac.

1 REYES 8:66

Apquilpayvasquic nic nat acvocmo ocho acnim. Apquilmalhnescasquic nic nat apvisqui apancaoc. Apquiltajaclhec nic nat naysicsa acpayjayclha apquilvalhoc najan apquilitsovascama. Inquillhenquic nic nat apquilvalhoc asoc altamila apvitay nic nat apvisqui David najan aplhamoclhojo enlhitaoc Israel.

2 REYES 4:29

Aptomjac nic nat Eliseo apcanya Giezi: —¡Ipenacsojo! ¡Ilic sat yamit ajanco, iyas maa! Aptajanyac sat ancoc enlhit, nopayvas nasa. Appayvasquic sat ancoc poc, nongyatingmojo nasa. Ipquin sat yamit ajanco napaat apquitcoc apquitsepma — nic nat aptomjac Eliseo.

ÉXODO 12:32

Enalaclha sat apnatoscama nipquesic najan vayqui, acno actemaclha apquillhanma alhta quellhip. Noc maa, jelmalhnesquis sat Dios yoyam jepasmoc coo — nic nat aptomjac apvisqui co Egipto.

SAN MATEO 26:26

Naysicsa aptoycaoc (pascua apto) apma alhta quilpasmongam Jesús. Gracias alhta aptomjac Dios Ingyapam. Apyaptec alhta. Apquilmesquic alhta apquiltamsoycaoc, aptomja apquilanya: —Elma, eltovaoc quellhip. Eycaso actomja sicyovoclhojo —alhta aptomjac.

SAN LUCAS 22:19

Apmec alhta quilpasmongam Jesús. Yejemoc alhta aptomja gracias Dios Ingyapam. Apyaptec alhta. Apquilmesquic alhta apquiltamsoycaoc. Aptomjac alhta apquilanya: —Eycaso actomja sicyovoclhojo, sicyinyovmalhca acyanmongam quellhip. Eltime sat mataa sictomjaclha nac aso, moncolvanama coo, (yoyam coytic apatic quellhip coo) —alhta aptomjac.

JOSUÉ 14:13

Innec nic nat acvaticjapquisa Caleb ayinyema Josué. Aplhocac nic nat tingma apvisay Hebrón, yoyam etnejic apanco najan aptovana apancaoc.

JOSUÉ 22:6

Yiplovcoc nic nat apquilmalhnesquiscama Josué apayvasa apnaymacoc. Apquiltajaclhec nic nat maa.

1 SAN PEDRO 2:17

Eltamilsojo apquilvalhoc apquilvita inlhojo mataa poc. Elasicjojo ingilyalhinga. Elavojo Dios Ingyapam. Elavojo najan apvisqui presidente.

1 SAMUEL 2:20

Yiplovcoc nic nat aptomjaclha Elí, yoyam elmalhnesquisic Elcana najan aptava. Aptomjac nic nat apcanya: Epasmoc sat Dios. Cotac sat mocjam ayitquic as aptava. Ayinyema mepqui acmasma siclho ayitca apvisay Samuel. Apquiltajaclhec nic nat mocjam.