GÉNESIS 43:12 - Enhlit Bible

¹² Elsaclhes anit acpilhtetomalhca solyayem. Eltajicsojo sat mocjam solyayem apquilvitay avalhoc yamquintimajac. Apquilquinatcasquic alhta lhaja. Najan moc solyayem apquilyanmonquiscama nintom.

GÉNESIS 43:12 Iomraidhean Croise

GÉNESIS 42:25

Natamin nic nat apquilapajasa José yoyam colhic almesa yamquintimajac motajap apactic apquilpipma. Yoyam colhic actajeso solyayem apancaoc avalhoc yamquintimajac. Yoyam najan colhic almesa aptoycaoc nalhit amay. Apquilyajaclhoc nic nat apquilancam José.

GÉNESIS 42:35

Apquillhatmeclhec nic nat motajap apactic. Pilapcasquic nic nat apquilvita moclhama solyayem apancaoc avalhoc yamquitimajac. Intiyacmec nic nat apquilvalhoc apquilpipma najan apquilyap. Apquilacac nic nat.

GÉNESIS 43:13

Noc maa. Eltiyaningviscamjo sat najan apquilyalhing apvisqui maa.

GÉNESIS 43:21

Ningiltajavoc alhta mocjam. Nintiyanvoclhec alhta nalhit amay. Pilapcasquic alhta ningvita solyayem congne moclhama yamquintimajac. Inquilanalhcoc alhta solyayem. Paj nincoo ongilyasamcoc aptomja appicanma solyayem. Ningilsantac mocjam nincoo solyayem yoyam ongiltajicsojo.

GÉNESIS 43:22

Ningilsantac mocjam moc solyayem yoyam ongilyanmongsic nintom— nic nat apquiltomjac.

ROMANOS 12:17

Noelyanmongsiclha nasa poc apquiltemaclha apquilmapsomcaa. Elinlhanmojo sat apquilyiplovquiscama actemaclha actamila napatavo aplhamoclhojo enlhitaoc.

ROMANOS 13:8

Elsavojo sat elmascocsic apquilmaycaoc nasa quellhip. Elinlhanmojo quellhip apquilasicjayo mataa poc. Apquilasicjavoc sat ancoc quellhip poc, eycaso apquiltomja apquilyiplovquiscama singanamaclha ayinyema Dios.

2 CORINTIOS 8:21

Ningiltamjoc mataa yoyam cotamilic aclhamoclhojo asoc napato Visqui ingac najan napatavo enlhitaoc.

FILIPENSES 4:8

Quellhip elyalhinga. Actomjaclha nelha siclhanma aso. Colquitam sat mataa apquilvalhoc actomja nasoc anco najan actemaclha yoyam colhic ayaco. Actomja acpeyvomo najan actomja ayalhnayo najan actomja ningasicjayo najan actomja actamila anco. Colquitam sat mataa apquilvalhoc nintemaclha actamila najan nintemaclha ningayo.

1 TESALONICENSES 4:6

Noeltovas nasa actomja poc ingyalhing apanco, actemaclha siclhanma lhac. Ayinyemaclha eyanmongsiclhac sat Dios nintemaclha. Ningiltimnasquic alhta quellhip as amyaa.

1 TESALONICENSES 5:21

Noelquinatquis nasa aclhamoclhojo actemaclha, actomja actamila najan actomja acmasom. Elyiplovquis sat actamila anco.

HEBREOS 13:8

Lhama aptemaclha mataa Jesucristo, nanoc alhta najan quilhvo nac jay najan cotmongvoycamlha nelha.