GÉNESIS 43:11 - Enhlit Bible

¹¹ Aptomjac nic nat apquilyap apquilanya: —Eltime sat quellhip actema nac jay: Elsaclhes sat asoc apquilmescama mepqui acyanmongam apvisqui Egipto. Elsaclhes altamila anco asoc avalhoc yamquintimajac: anit bálsamo yamit ayeyvaoc najan anit yamyovjene apyingmenic najan yamit acyilhna najan almendro yamit acyilhna.

GÉNESIS 43:11 Iomraidhean Croise

GÉNESIS 33:10

Apcatingmavoc nic nat Jacob: —Ilma sat apanco asoc sicmescama lhip. Actamilaycam apvalhoc innac lhip. Acvitac coo lhip napaat, malha actomja Dios napaat. Intasic anco aptomja lhip semam tacja coo.

GÉNESIS 37:25

Apnam nic nat apquilpipma yoyam eltovamcoc. Pilapcasquic nic nat apquilvita allhingacmo voncayispoc apquilquinamtem enlhitaoc ismaelitas. Yoclhilhma Galaad nic nat apquilinyemac. Apquilsacmec nic nat asoc masis ayingmenic najan yamit ayeyvaoc bálsamo najan yamit anic acmasis. Yoclhilhma Egipto nic nat apquilyasac.

GÉNESIS 43:10

Am alhta ancoc emyavac lhip, anit ningiltajemo intomjac inyicje ningitsayquinta nintom— nic nat aptomjac.

GÉNESIS 43:14

Dios Apyimtalhnamo sat epasmoc quellhip yoyam colhic ayasicjavo quellhip napato apvisqui. Yoyam melmiyovacpejec sat elquilhyemoc apquilpipma Simeón najan apquilyalhing Benjamín. Am sat ancoc elvoctac eyitquic, cotamalvomejec sat mataa evalhoc. Ayinyemaclha mepqui eyitquic sat jetnejic— nic nat aptomjac.

GÉNESIS 43:15

Apquilansaclhec nic nat asoc yoyam elsovc Jacob apquitquic. Apquilsovquic nic nat anit acpilhtetomalhca solyayem. Apquilyantamaclhec nic nat najan apquilyalhing Benjamín. Yoclhilhma Egipto ilhnic nat apquilyasac. Apquilvoclhec nic nat apnaclha apvisqui.

GÉNESIS 43:25

Apquiljalhyovasquic nic nat asoc yoyam elmecsic José apvactamo sat. Apquilyasamcoc nic nat yoyam etaveclhoc sat lhama José.

GÉNESIS 43:26

Apvoclhec nic nat tingma pac José. Yejemoc nic nat aplhoca asoc apquitsayquinta apquilpipma. Apquiljalhec nic nat napato José. Inquilticlhiquic nic nat payjaclha napaat nalhpop.

1 REYES 10:15

Aplhocac nic nat mocjam tributo acyanmongam apquilmescama enlhit apquilyanmongsomap, najan apquilmescama ayinyema apquilviscaa Arabia najan ayinyema apquilviscaa yoclhilhma.

1 REYES 10:25

Apquilsaclhec nic nat mataa apquilmescama nasa moclhama año: asoc allanomalhca plata najan oro, najan apava, najan apquilmaycam, najan asoc acmasis, najan nolhing apnatoscama najan yeyjaycoc.

1 REYES 15:19

¡Lhip nac visqui Ben-adad! Altamjoc coo najan lhip ongillana pacto ningmiyovmalhca, acno ilhnic nat apquiltemaclha ningilyeyjamcaa. Ayapajasquic coo sicmescama nasa lhip oro najan plata. Ilvatesquis sat lhip pacto apmiyovmacpilha apvisqui Baasa co Israel. Comascoc sat singilimpocjay mataa apvisqui Baasa najan apnaymacoc — nic nat intomjac amyaa.

1 REYES 4:21

Apvisqui apyimtalhnamo ilhnic nat Salomón, apvita inlhojo apquilviscaa moclhama yoclhilhma. Apcanamaclha ayinyema ilhnic nat vatsam Éufrates acvaycmo yoclhilhma Filistea najan yoclhilhma Egipto. Apquilapajasquic nic nat tributo solyayem apnaclha Salomón. Apquiltimesam nic nat mataa naysicsa aptimem apvisqui.

2 REYES 16:8

Apcansaclhec nic nat Acaz apquilmaycam oro najan plata congne tingma apponquinomap najan apvisqui tingma pac, apcapajasa ilhnic nat colhic acmesa apvisqui co Asiria.

2 REYES 20:12

Nalhit acnim nic nat intomjac. Aplingac nic nat apvisqui co Babilonia, apvisay Merodac-Baladán, apyap nic nat apvisay Baladán, actemaclha amyaa aptamalviyam mocjam apvisqui Ezequías. Apcapajasquic nic nat apquilsoycam amyaa najan carta vaycajac najan apmescama nasa, elhcac sat Ezequías.

2 REYES 8:8

Aptomjac nic nat apvisqui apcanya Hazael: —Itingya sat apmescama nasa esaclhesic apnaclha profeta. Ingyane sat profeta eyasamcojo napato Visqui ingac Dios, actemaclha acmasca eyimpejic coo — nic nat aptomjac.

ESTER 4:16

Ingyansiclha sat apyovolhojo judíos tingma Susa, jelmalhnesquisic mepqui aptoycaoc. Intasic sat mepqui aptoycaoc tres acnim najan tres alhtaa, najan mepqui apyinaycaoc lhama asoc. Coo sat najan, olanic selancam yoyam jelpasmoc acvaycmo tres acnim. Natamin oyoclhojoc sat apvisqui sicyascamco actomja prohibido. Acmatnec sat ancoc coo, tasic lha omatong — nic nat intomjac Ester.

SALMOS 68:29

Ayinyema lhip tingma pac apponquinomap Jerusalén. Apquilsantimquiscama malmescama lhip ayinyema apquilviscaa.

SALMOS 72:10

Elhcac sat apvisqui apcaycaoc alinyema apquilviscaa co Tarsis (España) najan apnaycam acyayem lhop. Apcaycaoc alinyema apquilviscaa co Sabá (Arabia) najan co Seba (Etiopía).

SALMOS 76:11

Elsavojo quellhip apquillhanma mepqui apquilyeycajascaoc napato Dios. Elsantimquis macmescama Dios quellhip apyovoclhojo enlhitaoc lhalhma anco.

ÉXODO 3:8

Acvaac coo yoyam olvomsic tap nipyesicsa co Egipto. Olyinyovsic sat yoclhilhma Egipto. Onalaclhac sat acyov'aclha yoclhilhma acyitnamaclha leche najan apquimjaclha yovjan. Apcaoclha enlhitaoc cananeo najan enlhitaoc heteo najan amorreo najan ferezeo najan heveo najan enlhitaoc jebuseo.

PROVERBIOS 17:18

Ningilpasmec sat ancoc naysicsa apmaycaoc nasa solyayem ingmoc, onlhojoc sat nincoo acyeyjamelhma.

PROVERBIOS 18:16

Jingilmoc sat tacja, acyitna inlhojo ningmescama nasa asoc. Apquilyispaquic najan enlhit apquilyimtalhnamo actema nac jay.

PROVERBIOS 19:6

Colhic sat mataa singaco, ningiltomja inlhojo ningyimtalhnamo. Apquiltamjoc mataa ellhovamcoc ningmescama nasa asoc, malha ingnaymacoc.

PROVERBIOS 21:14

Comascoc sat aplom pac enlhit, ningmesa inlhojo asoc actamila acyilhamalhca.

LOS CANTARES 4:10

Lhiya eyalhing, lhiya sicponcanma, lhiya actomja seyasicjayo. Sas anco, am colhno uva ayingmenic actemaclha seyasicjayo lhiya. Sij anco, asoc acmasis seticjanquiscama, am colhno moc asoc acmasis lhalhma anco.

LOS CANTARES 4:14

¡Ayimjaclha nardos najan azafrán, najan caña acmasis najan canela, najan moc yamit acpaniyam acmasis, najan yamit mirra, najan áloe, altamila anco asoc acmasis acpaniyam!

LOS CANTARES 8:14

¡Lhip sicponcanma siyasicjayo, ingyimpojo ingyilhyim! ¡Ilhnasojo apquinyem popyit, najan apquinyem yatepopyit apquitcoc, payjoc netin inquilhe acyitnaclha acpaniyam ilhnamoc!

JEREMÍAS 8:22

¿Naso ya mepqui panatem payjoc Galaad, mepqui ya panatem inyap? ¿Naso ya meltamalvomejec sat mataa enaymacoc? — nic nat aptomjac profeta.

EZEQUIEL 27:15

Apquilpatmentac asoc apancaoc enlhit co Rodas, najan enlhit apquilinyema acyayem inquilhe, yoyam etlhaoc asoc acmamnave marfil najan ébano.

EZEQUIEL 27:17

Apquilpatmentac alhta asoc apancaoc co Judá najan israelitas, yoyam etlhaoc asoc apancaoc trigo apactic ayinyema Minit, najan paat actic, najan yamyovjene, najan aceite, najan bálsamo yamit anyi.

EZEQUIEL 27:22

Apquilmiyantac alhta apquilyanmongsomap co Sabá najan co Raama, yoyam elmoc asoc nipyesicsa quellhip, yoyam etlhaoc asoc acmasis, najan mataymong alyinmom acmamnave, najan oro.

LEVÍTICO 20:24

Apquillinga inyicje quellhip sicpayvam silanya: —Ellhococ sat quellhip as yoclhilhma, eltimjic avtip. Coo sicmescama sat cotnejic. Yoclhilhma acvisay acyitnamaclha leche najan apquimjaclha yovjan. Coo sicvisay Dios Visqui apancaoc quellhip. Coo silyacyescama quellhip nipyesicsa enlhitaoc lhalhma anco.

LOS HECHOS 21:14

Am alhta jingilyajaclhoc ningmasma. Inmasquec alhta ninpamejitsa: “Cotnejic sat actomja apmayjayoclha Visqui ingac” —alhta ningiltomjac nincoo.

DEUTERONOMIO 33:14

Memyovejec sat acyilhna moclhama año, najan acyilhna moclhama piltin.

1 SAMUEL 25:27

Altamjoc lhip emoc tacja asoc sicmescama nasa, eltovamcoc sat lhip apquillhalhmaa.

1 SAMUEL 9:7

Aptomjac nic nat Saúl apcanya apyimnanic: —Noc, ongilyacsic apnaclha. ¿Soc sat asoc ongilsovquisic? Apsovjacpec nincoo pan. Mepqui avalhoc najapa. ¿Soc asoc elhcac sat as enlhit Dios aplingascama? — nic nat aptomjac.