GÉNESIS 42:21 - Enhlit Bible

²¹ Apquilpamejitsacpec nic nat apquilpipma: —Naso, nincoo ayinyema ningilmasomcaa ningilinyemayaclha. Ningiltanovquic alhta ingyalhing José. Avanjec alhta inyicje apcay. Am alhta ongilyajaclhoc, apquiltamjo inyicje ongmeyvoc. Quilhvoc ningvitac nincoo lha ningilay acyanmongayclha nintomjaclha alhta— nic nat apquiltomjac apquilpamejitsacpo.

GÉNESIS 42:21 Iomraidhean Croise

GÉNESIS 41:9

Aptomjac nic nat apquimja apmamyi apyatimquiscama anmin apcanya apvisqui faraón: —Acyasingveclhec coo sictomja sicmasom.

GÉNESIS 44:16

Apcatingmavoc nic nat Judá: —Visqui, mongvanquejec nincoo ongilatingmojo. Mongvanquejec ongilpeyvescasiclha nintemaclha. Apvitac lhac Dios Apyimtalhnamo actemaclha mongilyascalhma. Jingiltimjic sat ningiltimesaycam cotningvoyam nelha, najan maa aptomja apminyilhma ingjaycoc— nic nat aptomjac.

GÉNESIS 45:3

Aptomjac alhta José apquilanya apquilpipma: —Coo nac sicvisay José. ¿Apmeyje ya mocjam tata coo?— nic nat aptomjac. —Apquilvanmamquic nic nat apquilpipma. Pilapcasquic nic nat apquillinga aplhanma.

GÉNESIS 50:15

Apquilpamejitsacpec nic nat apquilpipma natamin apquitsepma apquilyap: —Jingiltanovac sat lhaja José, eyanmongsiclhac sat nintemaclha alhta acmasom— nic nat apquiltomjac.

2 SAMUEL 12:13

Apcatingmavoc nic nat apvisqui David: —Sicsilhnanomalhca ajanco coo. Ayinmelham coo Dios — nic nat aptomjac. Aptomjac nic nat profeta apcanya: —Apmascosquic lhip apsilhnanomap Dios. Mengyitsepejec sat lhip.

1 REYES 17:18

Intomjac nic nat ayanya profeta: —¿So actema apvoya nac tingma ajac? Lhip profeta Dios aplingascama. ¿Apquiltamjo ya lhquip jeyascasingvoclhojo sictemaclha ajanco? ¿Apquiltamjo ya lhquip ingyajic sictamongvoyam? — nic nat intomjac.

PROVERBIOS 21:13

Am sat ancoc ongiljalhnoc singilmalhnaycam asoc enlhit mepqui asoc. Mejingiljalhnoyc sat ningilmalhnaycam nincoo, yoyam jingilpasmoc Visqui ingac.

PROVERBIOS 28:17

Ningyinyec mataa acvaycmo ningitsepma, acyitna inlhojo ningajem poc. Colapvanquejec jingilmeyvoc ingnaymacoc.

JEREMÍAS 2:17

Quellhip ayinyema apquilsilhnanomap apanco, apquiltemaclha quellhip selyamasma coo, sicvisay Dios Visqui apancaoc quellhip, sictomja sicnalayquinta quellhip nalhit amay.

JEREMÍAS 2:19

Ellingamcojoc sat acyimtalhnama quellhip, ayinyema apquiltemaclha apancaoc najan apquiltemaclha selyamasma coo. Elyasamcojo sat quellhip acyivey anco apquillingaycamco acmasom, ayinyema mepqui mocjam selayo, apquiltomja selyamasma coo sicvisay Dios Visqui apancaoc. Eycaso sicpayvam sicvisay Visqui sicyimtalhnamo — alhta aptomjac — nic nat aptomjac profeta.

JEREMÍAS 34:17

Actomjac coo silanya quellhip: Am alhta elyiplovcasac quellhip siyanamaclha coo, ayinyema apquilmasma mocjam enlhit apquilmomap, yoyam eltimesam mocjam nipyesicsa quellhip. Ongvapajacsic sat nipyesicsa quellhip apquilimpocjay cotnaja ingmoc, najan mayic ataoc, najan ningmasquem ataoc. Cotlapsic sat enlhitaoc lhalhma anco, apquilvita inlhojo apquillingaycamco acyimtalhnama quellhip. Eycaso sicpayvam sicvisay Visqui apancaoc.

JEREMÍAS 4:18

¡Quellhip co Judá! Eycaso ayinyema apquiltemaclha apquilsilhnanomap apanco quellhip, yoyam ellingamcojoc as acyimtalhnama, malha sovo actomja singajem — nic nat aptomjac profeta.

OSEAS 5:15

Otajojoc sat mocjam siyinyemayaclha. Elyicpilcangvomoc sat apquiltemaclha apquilsilhnanomap apanco. Jeltiyaningvotac sat enlhitaoc naysicsa ayay apquilvalhoc — alhta aptomjac Dios Apyimtalhnamo — nic nat aptomjac profeta.

NÚMEROS 32:23

Apquilyeycajasquic sat ancoc quellhip apquilpayvam, elsilhnanacpoc apanco quellhip napato Dios. Ellingamcojoc sat acyanmongayclha apquiltemaclha apancaoc.

SAN MATEO 7:2

Elhnasojoc sat Dios Ingyapam acyanmongayclha apquiltimesquiscama quellhip apmapsom poc. Elyipsatamcoc sat Dios Ingyapam apquiltemaclha quellhip. Elhnasojoc sat acyanmongayclha apquiltimesquiscama poc.

SAN MARCOS 9:48

Cotsepmaclha ingascoc maa, cosponeyaclha talha nac maa.

SAN LUCAS 16:28

Apnam maa cinco elyalhinga. Ingyane sat Lázaro elacsic maa elyalhinga, yoyam melvac asi acmasquilha —ilhnic nat aptomjac.

LOS HECHOS 19:18

Apquilvoctac alhta aplhamoclhojo enlhit melyasquiyam tasic amyaa. Apquillhenquic alhta asoc almasomcaa (melyascalhma) apquiltemaclha nano.

SANTIAGO 2:13

Am sat ancoc ongimlacmoc ingmoc, coyimtilhojoc sat ningyicpilcomalhca mepqui singamliyam. Yitnec sat ancoc ningamliyam ingmoc, ongilmiyovalhcac sat naysicsa ningyicpilcomalhca actemaclha acpayjayclha ingvalhoc.

1 SAN JUAN 1:9

Dios aptomja appeyvomo najan mepqui apyeycajascaoc actemaclha aplhanma. Ninlhenquic sat ancoc mongilyascalhma, yejemoc sat emascocsic mongilyascalhma. Jingyinyovsic sat nintemaclha acmasom.

JUECES 1:7

Aptomjac nic nat apvisqui apmomap apquilanya: —Nanoc alhta sicmam setenta apquilviscaa, silanya alhta colyatemenalhcac apopjeoc alyivey apmeoc najan apmancoc. Atquitsic nic nat aptoycaoc ayinyema sicmasma coo nintom. Apyanmongsaclhec Dios sictemaclha ajanco quilhvo nac jay — nic nat aptomjac. Apyantamacpec nic nat Adonisedec tingma Jerusalén. Apquitsepmec nic nat maa.