GÉNESIS 41:51 - Enhlit Bible

⁵¹ Apquiltimec nic nat José apvisay apquitca apteyam apmamyi Manasés, Selvoncayam. Ayinyema aclhanma apvalhoc José: Setnesquiscama Dios selvoncayam actemaclha siclhingaycamco alhta. Najan selvoncayam enaymacoc— nic nat intomjac apvalhoc.

GÉNESIS 41:51 Iomraidhean Croise

GÉNESIS 41:30

Natamin commoc sat moc 7 años yoyam cotnejic mayic ataoc. Colnapoc sat mayic enlhitaoc. Coytejec sat mataa apatic enlhitaoc actemaclha acyitnama siclho nintom.

GÉNESIS 41:50

Am nic nat covocmoc mocjam actemaclha mayic. Aptiyacmec nic nat apcanit ayitquic Asenat, José aptava.

GÉNESIS 41:52

Apquiltimec nic nat José apvisay poc apquitca Efraín, Sicvitay Eyitquic. Ayinyema aclhanma apvalhoc José: Setnesquiscama Dios yoyam otac eyitquic yoclhilhma siclingaycamcolha acmasca— nic nat intomjac apvalhoc.

GÉNESIS 48:1

Nalhit acnim nic nat intomjac. Intomjac nic nat amyaa apcanyacpo José: —Acmasca apyimpejic intomjac lhip apyap— nic nat intomjac amyaa. Yejemoc nic nat apnalaclho apquitquic José, apquilvisay Manasés najan Efraín.

GÉNESIS 48:5

Pac otnejic eyitquic lhip apquitquic Efraín najan Manasés. Actomja aptiyaycamlha as yoclhilhma Egipto yicpintama sicvoy coo. Ellhojoc sat eyitquic apno Rubén najan Simeón apquiltomja eyitquic.

JOB 11:16

Colvoncamoc aplingaycamco acmasca lhip, malha yingmin ayinyem sat cotnejic.

SALMOS 30:11

Apvitac alhta lhip acmayovsa evalhoc. Yiplovcoc acyivey siyitsovascama. Apmascosquic lhip acmayovsa evalhoc. Aptimescasquic lhip siyitsovascama, malha fiesta intomjac.

SALMOS 30:5

Acyavataclhojo mataa onlingamcojo aplom Visqui ingac. Ajolhec mataa singasicjayo cotningvoyam nelha. Yitnec ningvinama alhtaa. Coyiplovjoc mataa acpayjayclha ingvalhoc alhtoo ninlhaticjay.

SALMOS 45:10

Lhiya eyitca. Caylhojo sicpayvam: —Colvonquim sat anaymacoc najan acmolhama.

PROVERBIOS 31:7

Elyinamcoc siclho, natamin colvoncamoc sat apquillingaycamco mepqui asoc, najan apquillingaycamco acyimtalhnama.

ISAÍAS 57:16

Comascoc sat siyinmelhaycam enaymacoc, comascoc sat mocjam siclom. Melvatsamquejec sat apquilvascapma enlhitaoc sillanay siclhoc nat coo.

ISAÍAS 65:16

Apquiltamjoc sat ancoc enlhit apma amyip elmalhnesquisic asoc altamila. Incaymalhquic elhenic apvisay Dios aptomja nasoc anco. Apquiltamjoc sat ancoc enlhit colhejec acyascacmo aplhanma. Incaymalhquic elhenic colhejec acyascacmo aplhanma. Incaymalhquic elhenic apvisay Dios aptomja nasoc anco. Elvoncacmec coo siclingaycamco nano, inquilvonquipquic alhta — alhta aptomjac Dios

NÚMEROS 26:28

Apvisay nic nat tribu José, apquilvisay nic nat dos tribus: Manasés najan Efraín.

DEUTERONOMIO 33:17

Apyitsomacpo apyap vayqui inquinavo, apquitca eyca siclha apvitay José. Apyitsomacpo yamvayqui búfalo inquipetaoc alvinatem, yoyam elnapoc enlhitaoc lhalhma anco as nalhpop: Appintalhnama apnaymacoc Efraín apquilmolhama, najan appintalhnama apnaymacoc Manasés apquilmolhama — nic nat aptomjac.

JOSUÉ 14:4

José aptovana apquiltomjayclho ilhnic nat anit tribus: lhama tribu apquilmolhama Manasés, najan poc tribu apquilmolhama Efraín. Am nic nat ellhocac yoclhilhma apquilmolhama Leví. Apquillhocac nic nat tingma apquilvanyam, yoyam elhnam, acyipitcayclho amyip aleyvomaclha apnatoscama.

JOSUÉ 17:1

Eycaso ilhnic nat yoclhilhma apquillhoy nic nat tribu apquilmolhama Manasés, José apquitca siclha apvitay (aptiyam apmamyi). Manasés apquitca ilhnic nat Maquir, apmopvan ningimpocjay, moc apvisay ningmolhama inyap Galaad. Aplhocac nic nat yoclhilhma Galaad najan yoclhilhma Basán, vatsam Jordán payjoc actiyapmaclha acnim.

1 SAMUEL 1:20

Vocmec nic nat acnim, yoyam cotimsic ayitca. Apquinavo ilhnic nat ayitca. Inquiltimec nic nat apvisay Samuel, moc ningiltimem Malmalhnaycam Dios.