GÉNESIS 4:2 - Enhlit Bible

² Natamin aptiyacmec nic nat ayitca apvisay Abel. Caín apyalhing nic nat Abel. Nipquesic apvitip nic nat Abel. Apquilcacjam amyip nic nat Caín.

GÉNESIS 4:2 Iomraidhean Croise

GÉNESIS 3:23

Aptipcasquic nic nat as enlhit Dios Apyimtalhnamo amyip Edén. Apcapajasquic nic nat yoyam elcacjangvoclha as enlhit apquinyemayaclha siclhoc nic nat lhopactic.

GÉNESIS 37:13

Aptomjac nic nat apyap apcanya José: —Quip ingyeylhojo. Apquiltamilcasquic sicnatoscama apquilpipma tingma Siquem. Pac ongvapajacsic lhip yoyam etyaningvoclhojo— nic nat aptomjac. Apcatingmavoc nic nat José: —Jey, tasi— nic nat aptomjac.

GÉNESIS 4:1

Enlhit aptava ilhnic nat acvisay Eva. Appatjetamquic nic nat aptava. Inlovsoc nic nat intomjac. Aptiyacmec nic nat ayitca apvisay Caín. Intomjac nic nat Eva: Acvitac coo sictamongvoyam apquinavo, Dios simquescama— nic nat intomjac.

GÉNESIS 4:3

Acvoncaclhojo ilhnic nat intomjac. Lhama acnim nic nat intomjac apsantamo acyilhna Caín, actemaclha macmescama Dios.

GÉNESIS 47:3

Aptomjac nic nat apvisqui faraón apquilanya apquilpipma: —¿Jalhco actemaclha apquiltamjaycam quellhip?— nic nat aptomjac. Apquilatingmavoc nic nat: —Visqui ingac. Apquilyancac nincoo ninatoscama nipquesic. Ningilvajanamquic nincoo apquiltemaclha ningilyeyjamcaa.

GÉNESIS 9:20

Apquilcacjam amyip nic nat Noé. Apmamyi ilhnic nat apquinayclha uva yamit.

SALMOS 127:3

Intiyacmec mataa inquitquic, actomja singilmescama Visqui ingac.

ÉXODO 3:1

Aptamilcasquic nic nat Moisés apnatoscama apipyata. Jetro ilhnic nat apvisay apipyata, aptomjac sacerdote yoclhilhma Madián. Apnalaclhec nic nat apnatoscama tap yoclhilhma actamopeycaoc. Apvoclhec nic nat inquilhe apvitamacpilha Dios acvisay Horeb.

AMÓS 7:15

Eyinyovcasquic alhta sicnatoscama Dios Apyimtalhnamo, aptomja seyanya: Ilhing maa, ilngas sat amyaa ayinyema coo nipyesicsa enlhitaoc Israel — alhta aptomjac.

SAN LUCAS 11:50

Elyicpilcacpoc sat enlhit as ningvamlha nac jay. Coyanmongiclhac sat apticyovam aplhamoclhojo profetas Dios apquillingascama. Ayenmo siclhoc nic nat apquileyvam as nalhpop.

SAN LUCAS 11:51

Siclhoc anco Abel nic nat apmatnam. Acvocmo actomjaclha nelha apmatnam nic nat Zacarías. Apmatnec nic nat nicja acvatnamalhquilha, napocja tingma apponquinomap. Actomjac coo siyanya quellhip: Naso, elyicpilcacpoc sat enlhit as ningvamlha nac jay.

SAN JUAN 8:44

Innec quellhip apquilyap acvisay yavey diablo. Quellhip apquiltomja ayitquic. Apquililtamjoc mataa elvajanamcoc quellhip actemaclha ayitsepma inquenyic apquilyap. Siclhoc anco nic nat acvocmo quilhvo nac jay actomja ticyovam inyap. Am coyitnac mataa actimem nasoc anco. Jave nasoc anco actemaclha. Intimec mataa acmovan amyaa, ayinyemaclha yavey diablo acvisay acmovan amyaa inyap. Actemaclha anco acmovan amyaa.

1 SAN JUAN 3:10

Melquinatsacpejec sat enlhit ningyesicsa apquiltomja Dios apquitquic najan poc apquiltomja somquic quilyicjamo ayitquic. Am sat ancoc ongilyiplovcasac actemaclha acpeyvomo. Am sat ancoc ongilasicjac ingilyalhing, am najan ongiltomjac Dios apquitquic.

1 SAN JUAN 3:12

Monlhoyc sat nincoo aptemaclha ilhnic nat Caín apcajayclha apyalhing. Apyiplovcasquic nic nat actemaclha somquic quilyicjamo. ¿Soctomja apcajayclha ilhnic nat apyalhing? Ayinyema ilhnic nat aptemaclha apanco apmapsom. Apyalhing eyca aptomja ilhnic nat appeyvomo.

1 SAN JUAN 3:15

Nintanovquic sat ancoc ingyalhing, ontimjic sat malha ticyovam inyap. Apquilyasamcoc quellhip, am coyitnac acyimnatem apnenyic ticyovam inyap cotmongvoycamlha nelha.