GÉNESIS 4:16 - Enhlit Bible

¹⁶ Apyamyaclhec nic nat Caín amyip apmaclha Dios Apyimtalhnamo. Apvoclhec nic nat yoclhilhma Nod, nicja yoclhilhma Edén, acpayjo actiyapmaclha acnim.

GÉNESIS 4:16 Iomraidhean Croise

GÉNESIS 3:8

Inmalhcoc nic nat ilhma actalhnam anco. Pilapcasquic nic nat enlhit najan aptava aplinga actemaclha aptiyascam Dios Apyimtalhnamo amyip. Yejemoc apyilhanma coning yamtaa enlhit najan aptava.

GÉNESIS 4:14

Lhip Dios aptomja setipquiscama as amyip quilhvo nac jay. Oyacsic sat mocjay lhalhma anco, mepqui siclovquiscama sicyampay. Oyilhanmoc sat otac lhip. Jeyajic sat otjanyac poc enlhit— nic nat aptomjac.

GÉNESIS 4:17

Appatjetamquic nic nat aptava Caín. Inlovsoc nic nat intomjac. Aptiyacmec nic nat ayitca apvisay Enoc. Apquillanac nic nat tingma apvanyam Caín. Apquiltimec nic nat apvisayo lhama apquitca Enoc.

2 REYES 13:23

Aptomjac nic nat Dios Visqui ingac apquilmasma israelitas, ayinyema aptemaclha apcasicjayo najan apcamliyam. Najan ayinyema apquillanay nic nat pacto ningmiyovmalhca napatavo ningilyeyjamcaa Abraham, najan Isaac, najan Jacob. Apmiyovquic nic nat Dios, yoyam melnatovasacpejec sat israelitas, acvaycmo as ningvamlha nac jay.

2 REYES 24:20

Aplovquic nic nat Dios. Aptanovquic nic nat apquiltemaclha co Jerusalén najan co Judá. Apquilvatasquic nic nat apmasma enlhitaoc. Aptanovquic nic nat apvisqui Sedequías aptemaclha apvisqui co Babilonia.

JOB 1:12

Apcatingmavoc nic nat Dios: —Tasi. Iyinyovquis sat lhip actomja apanco Job. Noyinyovquis nasa apyimnatem apanco — nic nat aptomjac Dios. Apyamyeclhec nic nat singyipconma apnaclha Dios.

JOB 2:7

Apyamyeclhec nic nat singyipconma apnaclha Dios. Aptimescasquic nic nat aplingaycamco acmasca apyimpejic Job, malha pascapma ilhnic nat apcasquiscama apyimpejic.

JOB 20:17

Mepqui apquinatam, yoyam ingyitsovacsojo, mepqui leche ayinyem, mepqui yamyovjene.

SALMOS 5:11

Colpayjiclha apquilvalhoc quellhip apquiltomja melyasquiyam. Elitsovacsojo ayinyema apquilmasma quellhip. Elitsovacsojo sat apquiltomja apquilasicjayo lhip apvisay.

SALMOS 68:2

Malha etin acvonquepma intomjac apquilinyem. Malha appayjayclha pápac naysicsa talha apquiltomjac apquilmapsomcaa.

ÉXODO 20:18

Pilapcasquic nic nat enlhitaoc apquilvita quilyinmayam najan quilhtingyavoyam najan acpayvascama trompeta najan actiyapma etin inquilhe. Mocjay nic nat apquicjingvocmoc. Apquilpilhyinimquic nic nat apquilvita.

JEREMÍAS 23:39

Oyinyoc sat quellhip, malha sicyamasma asoc acyimtalhnama, najan tingma apquillhoy quellhip najan apquilyeyjamcaa. Etlhacpoc sat mocjay quellhip.

JEREMÍAS 52:3

Aplovquic nic nat Visqui ingac, aptanova apquiltemaclha co Jerusalén najan co Judá. Apquilyinyovacpec nic nat ayinyema Visqui ingac. Apquinmelham nic nat apvisqui Sedequías aptanova apvisqui co Babilonia.

JONÁS 1:3

Am nic nat ingyajalhnoc Jonás. Inlhenquic nic nat apvalhoc ingyinyejic napato Dios Apyimtalhnamo. Apquinyec nic nat tingma Jope. Apvitac alhta lhama barco actiyascam nayingmin, colhong sat tingma Tarsis. Apyinyovquic nic nat acyanmongam pasaje, aptalhningvocmo barco, yoyam ingyinyejic napato Dios Apyimtalhnamo.

SAN MATEO 18:20

Apquillhenquic sat ancoc sicvisay apcanito enlhit apcanayclha, olhic sat coo lha nipyesicsa —alhta aptomjac.

SAN LUCAS 13:26

Natamin elatingmojoc sat quellhip: “Ninpasmec alhta nintoycaoc lhip najan ningyinaycaoc. Tingma ingac alhta ingillhicmosac amyaa” —sat eltimjic elanic quellhip.

SAN JUAN 1:10

Apnec alhta as nalhpop apvisay Appayvam. Dios Ingyapam nic nat apquillanay as nalhpop, ayinyema apquillanescama apvisay Appayvam. Am alhta eyicpilcacpoc nipyesicsa enlhitaoc as nalhpop.

SAN JUAN 1:3

Apquillanac nic nat Dios Ingyapam aclhamoclhojo asoc, ayinyema apquillanescama apvisay Appayvam. Am nic nat collanalhcac lhama asoc mepqui apvisay Appayvam.

1 TESALONICENSES 1:9

Ningillhenalhquic nincoo nipyesicsa enlhitaoc maa actemaclha alhta singilmam tacja quellhip. Inlhenalhquic actemaclha apquilhaycaoc quellhip quilaycmasquiscama apquilyitquiscama Dios. Najan actemaclha apquilyanmonquiscama apquilvalhoc quellhip yoyam elanam Dios aptomja apquilmilaneycaoc najan aptomja nasoc anco.