GÉNESIS 4:10 - Enhlit Bible

¹⁰ Aptomjac nic nat Dios apcanya Caín: —¿So aptomja lhquip qui? Acvitac coo em pac acyinquinomalhca lhip apyalhing. Lhip lhac apcajem. Incaymalhquic oyanmongsiclhac coo.

GÉNESIS 4:10 Iomraidhean Croise

GÉNESIS 18:20

Aptomjac nic nat maycaa apcanya Abraham: —Avanjec mataa amyaa apquillhenamap apquilmapsomcaa enlhitaoc tingma Sodoma najan tingma Gomorra. Avanjec anco melyascalhma as enlhitaoc.

GÉNESIS 3:13

Aptomjac nic nat Dios Apyimtalhnamo apcanya quilvana: —¿So actomja lhca yi?— nic nat aptomjac. Incatingmavoc nic nat quilvana: —Esilhnanaquic lhac nimisma. Actovquic lhac acyilhna— nic nat intomjac.

GÉNESIS 9:5

Apmatnec sat ancoc lhama nipyesicsa quellhip, oyanmongsiclhac sat aptomja apcajem. Oyanmongsiclhac sat najan actemaclha ayajem moc asoc aclom. Apmatnec sat ancoc poc enlhit, oyanmongsiclhac sat najan aptomja apcajem.

2 REYES 9:26

Acnim alhta sicvita Nabot apmatnam najan apquitquic apticyovam. Olhnasojoc sat lhip, ematong sat as amyip. Coo sicpayvam sicvisay Visqui Sicyimtalhnamo — alhta aptomjac. Ilic sat apjapac, iyinyov sat payjoc amyip apanco Nabot, acno aplhanma nic nat Visqui ingac — nic nat aptomjac.

2 CRÓNICAS 28:9

Apnec nic nat profeta Dios aplingascama, apvisay nic nat Obed. Apvitac nic nat apquililhyacmo singilpilhtetemo co Samaria. Apquilamyilhamquic nic nat profeta, aptomja apquilanya: Dios aptomja apvisqui apancaoc apquilyeyjamcaa quellhip. Aplovquic alhta apvita apquiltemaclha co Judá. Am alhta emyavac co Judá, quellhip eyca apquiltomja apquilyimnatem. Avanjec alhta apquillom quellhip naysicsa apquilnapma, apquiltomja apquilsilhnanomap apanco napato Dios apna netin.

JOB 16:18

¡Altamjo inyicje colhic acpeyvescasquiclha sictemaclha, comasquejec sat mataa siliclhangveycam!

JOB 24:12

Avanjec apquiliclhangveycam natingma naysicsa apquillingaycamco acyimtalhnama, am eyca ingyajalhnoc Dios apquilmalhnancama maa.

SALMOS 50:21

Eycaso lhip aptemaclha apanco. Am oyanmongsaclhac mataa aptemaclha lhip. Inlhenquic apvalhoc lhip, colhojoc sictemaclha lhip. Opquiniclhac sat ayalhnaclhojo aptemaclha lhip. Etac sat lhip actemaclha apsilhnanomap apanco lhip.

SALMOS 72:14

Elmiyovacpoc sat naysicsa apquillingaycamco acyimtalhnama. Apquiltasic mataa as enlhitaoc napato apvisqui.

SALMOS 9:12

Dios Visqui ingac aptomja apyanmongsayclha apquiltemaclha ticyovam yapmayc. Am colvoncacmoc mataa apquillingaycamco acyimtalhnama actemaclha apquilpalhamaycam.

SALMOS 9:13

Visqui ingac. Jemyov coo (jeyasicjojo). Quip ilanojo actemaclha siclingaycamco ayinyema selinmelhaycam enlhitaoc. Jevomquis tap acvisay atong alyascamaclha ingjangaoc.

ÉXODO 3:7

Aptomjac nic nat Dios Apyimtalhnamo apcanya: —Acvitac lhac enlhit ajancaoc hebreos yoclhilhma Egipto. Acvitac lhac actemaclha apquillingaycamco. Aclingac lhac apquilpalhamaycam ayinyema apquilyicpilhquetaycaoc co Egipto. Acyasamcoc coo actemaclha apquillingaycamco acmasca.

ISAÍAS 5:7

Visqui ingac Apyimtalhnamo apanco as uva avjac, apquilyitsomacpo enlhitaoc Israel najan enlhitaoc Judá. Apquiljalhnec Dios Visqui ingac, yoyam elyiplovcasojo apcanamaclha. Apvitac mataa apquilnapma poc. Apquiljalhnec Dios actemaclha acpeyvomo. Aplingac mataa apquilpalhamaycam naysicsa apnatovascama poc — nic nat aptomjac profeta.

NÚMEROS 35:33

Noelsilhnanap nasa quellhip apquilmasma enlhit apcajem napato Dios. Aptanovquic maa Dios apvita apquilmasma quellhip ticyovam inyap, incaymalhquic ematong.

LOS HECHOS 5:3

Aptomjac alhta apcanya Pedro: —Ananías, ¿soctomja actalhna nac apvalhoc yavey Satanás? Apquiltamjoc lhip eyinimsam Espíritu Santo. Apmiyovquic lhip nicja solyayem acyanmongam apquilcacjam pac.

LOS HECHOS 5:9

Yejemoc alhta apcatingmavo Pedro: —¿Soctomja acvajaneclho nac atava, yoyam coyipconic Espíritu apanco Visqui ingac? Ca incolanojo, apquilvoctac apatong tingma quilyimnanic apquilatongna lhac atava. Quilhvoc sat colhic acyasquisa lhiya lha —alhta aptomjac.

DEUTERONOMIO 21:1

Elvitac sat quellhip yoclhilhma alhnancoc Dios apmescama. Apvitacpec sat ancoc enlhit apjapac apyitna amyip, mepqui inlhojo amyaa ayinyemayaclha apcajem.

HEBREOS 11:4

Meyasquiyam nic nat innac Adán apquitca apvisay Abel. Actamila anco ilhnic nat apmescama asoc macmescama Dios, am nic nat colhnoc apmescama apipma Caín. Aplhenquic nic nat Dios aptomja appeyvomo Abel. Apyispaquic nic nat Dios actemaclha apmescama Abel. Apquitsepmec nic nat inyicje Abel, aptomja eyca singlingascama actemaclha meyasquiyam.

HEBREOS 12:24

Apquilvoclhec quellhip apnaclha Jesús aptomja singyipitcasquiclha Dios ayinyema monquinatquiscama apmayjayoclha Dios aplhanma alhnancoc. Apquilvoclhec quellhip acyitnaclha em pac Jesús mayilhpajey quellhip. Actamila anco Jesucristo em pac acyinquinomalhca, am nic nat colhnoc Abel em pac acyinquinomalhca.

SANTIAGO 5:4

Quip elaylhojo. Apnaclhamqui inyicje enlhitaoc acyilhna apquilcaycaoc quellhip. Apquilmiyovqui eyca quellhip acyanmongam apquiltamjaycam. Inlingalhquic amyaa netin actemaclha apquilmasma acyanmongam quellhip. Aplingac najan Visqui netin apyimtalhnamo apquillhanma enlhitaoc apquiltomja apquiltamjaycam.

JOSUÉ 7:19

Aptomjac nic nat Josué apcanya Acán: —Lhip nac emoc. Itne sat lhip apcayo, Dios Apyimtalhnamo. Ilhen sat aptemaclha apsilhnanomap apanco. Nomyov nasa elhenic — nic nat aptomjac Josué.

1 SAMUEL 13:11

Aptomjac nic nat Samuel apcanya Saúl: —¿So actomja yi apquillana nac lhip? — nic nat aptomjac. Apcatingmavoc nic nat Saúl: —Acvitac lhac apquilhpaneycam enlhitaoc, naysicsa mevactamo lhip. Apcaneclhec filisteos tingma Micmas, ellanac apquilimpocjay.