GÉNESIS 39:3 - Enhlit Bible

³ Apyasamcoc nic nat yatapvisqui aptomja aplhalhma José Dios Apyimtalhnamo. Eycaso ayinyema ilhnic nat actamila aptiyascam José.

GÉNESIS 39:3 Iomraidhean Croise

GÉNESIS 21:20

Appasmec nic nat Dios as sicaa. Apvanamyic nic nat yoclhilhma actamopeycaoc. Apmopvan nic nat ingyajalhtapong yanca.

GÉNESIS 21:22

Nalhit acnim nic nat intomjac. Apmiyaclhec nic nat apvisqui Abimelec apnaclha Abraham. Aplhalhma ilhnic nat singilpilhtetemo apvisqui apvisay Ficol. Aptomjac nic nat apvisqui Abimelec apcanya Abraham: —Ningyasamcoc nincoo appasmec mataa Dios aclhamoclhojo acnim.

GÉNESIS 21:23

Ningnam nincoo aso. Ilhen sat lhip apvisay Dios yoyam colhejec acyascacmo lhip appayvam. Mejesilhnanejec sat mataa coo. Mesilhnanejec sat mataa eyitquic najan etovana coo. Iyanmongsiclha sat lhip sictemaclha alhta siyimlaycmo lhip. Ingyimlimojo sat najan aplhamoclhojo enlhitaoc aptiyascamcaclha lhip— nic nat aptomjac.

GÉNESIS 26:24

Apvitac nic nat actemaclha ningaat alhtaa. Aplingac nic nat Dios appayvam: Coo nac Dios Visqui pac lhip apyap Abraham. Nojeya nasa. Coo nac sicpasmom mataa lhip. Opasmoc sat lhip, olhamasiclhac sat lhip aptovana ayinyema Abraham, aptomja nat selancam— nic nat intomjac aplingay.

GÉNESIS 26:28

Apquilatingmavoc nic nat: —Ningvitac nincoo aptomja appasmom lhip Dios Apyimtalhnamo. Ningiltamjoc ongilpamejitsalhcojo actemaclha mepqui ningilyeycajascaoc napatoc lhip.

GÉNESIS 30:27

Apcatingmavoc nic nat Labán: —Ilhniclhojo sat mocjam. Acyasingvocmec coo aptomja aplhamasquiclha asoc altamila Dios Apyimtalhnamo ayinyema lhip aptamjaycam.

GÉNESIS 30:30

Asilhtoc alhta siclho lhip apnatoscama movoyaclha coo. Natamin acvaac alhta coo. Aplhamaseclhec alhta Dios Apyimtalhnama lhip apnatoscama. ¿Jalhco sat cotnejic sictamjaycam yoyam opasmoc sicmolhama?— nic nat aptomjac.

GÉNESIS 39:2

Aplhalhma ilhnic nat aptomjac mataa José Dios Apyimtalhnamo. Intasic nic nat aptiyascam José tingma pac yatapvisqui yoclhilhma Egipto.

GÉNESIS 39:21

Appasmec nic nat mataa José Dios Apyimtalhnamo. Apquimlacmoc nic nat. Dios Apyimtalhnamo nic nat inquinyemac yoyam ingyasicjacpojo José apnaclha singilpilhtetomaclha apvisqui.

GÉNESIS 39:23

Am nic nat eltimnasac mataa lhama asoc yoyam elana José. Ayinyemaclha appasmec nic nat mataa Dios Apyimtalhnamo. Intasic nic nat mataa aclhamoclhojo asoc ayinyema aptimesquiscama Dios.

2 REYES 18:7

Appasmec nic nat mataa Dios naysicsa apvascapma aptemaclha apvisqui. Aptanovquic nic nat Ezequías aptemaclha apvisqui co Asiria, am nic nat epasmac mataa.

1 CRÓNICAS 22:13

Ingyapvanic sat lhip aclhamoclhojo asoc, apsovjo inlhojo lhip apyiplovquiscama singanamaclha najan singascamaclha Dios Visqui ingac, ayinyema alhta singmescama Moisés. ¡Ivascap sat lhip, iyimnac sat mataa! ¡Nongyane nasa colhic ayay apvalhoc!

1 CRÓNICAS 9:20

Siclhoc nic nat aptomja apquimja apmamyi Finees, Eleazar apquitca. ¡Dios sat epasmoc Finees!

2 CRÓNICAS 1:1

Apyimnatem apanco ilhnic nat apvisqui Salomón, David apquitca, ayinyema appasmeyquiclha Dios Visqui ingac, apmescama ilhnic nat apmopvan.

2 CRÓNICAS 26:5

Apquilyajaclhoc nic nat mataa Dios appayvam naysicsa aptiyascam Zacarías, aptomja apquiltamescama apnaclha Uzías. Dios nic nat aptimesquiscama apyimtalhnamo naysicsa apquilyajayquiclho Uzías.

NEHEMÍAS 2:20

Ayatingmavoc alhta coo: —Jingilpasmoc sat Dios. Nincoo ningiltomja ningilancam. Quilhvoc sat ongillaniclha tingma. Colapvanquejec quellhip jingilyacsilhma. Paj colhenalhcac mataa quellhip apquilvisay tingma Jerusalén — alhta actomjac coo.

SALMOS 1:3

Apnoc as enlhit actemaclha yamit mayinayclha nicja yingmin. Inyilhnec mataa acvocmo acyilhnamaclha. Am copalacmoc mataa ava. Jave alhtoc mataa apquillanay asoc enlhit aptamilcasomacpo apanco.

ZACARÍAS 8:23

Eltimjic sat apquillhalhmaa diez metnaja judíos elpatjetic apcalomap lhama judío apanco, eltimjic elanic: Ningillhalhma nincoo lha, ontingyac sat quellhip Dios Visqui apancaoc aptomja apquilmasma, alhta intomjac ninlingay — sat eltimjic maa — nic nat aptomjac profeta.

SAN MATEO 5:16

Ellhojo sat quellhip lha. Elapongmit sat nipyesicsa enlhitaoc. Colvitalhcac sat quellhip apquiltamjaycam altamila. Colhic sat ayaco Ingyapam netin —alhta aptomjac.

1 CORINTIOS 16:2

Elninquin sat mataa tingma apancaoc quellhip moclhama domingo nicja solyayem ayinyema acyanmongam apquiltamjaycam. Nojelalh nasa coo yoyam elansiclhac solyayem sicvactamo sat.

DEUTERONOMIO 2:7

Dios Apyimtalhnamo ayinyema alhta apquillhoy quellhip cotlaycaoc asoc altamila. Aptomjac alhta apquillhalhma quellhip cuarenta años, apquiltamilquiscama nalhit amay yoclhilhma actamopeycaoc. Am alhta coymalhcac quellhip lhama asoc — nic nat aptomjac Moisés.

JOSUÉ 1:9

Actomjac coo siyanya lhip: Ivascap sat lhip, iyimnaticsojo sat apvalhoc. Ningya nasa mataa, nocotnajam nasa apvalhoc. Coo nac Dios, lhip Visqui pac. Sictomja mataa siclhalhma apyasaclha lhip lhalhma anco — nic nat aptomjac Dios.

EL APOCALIPSIS 3:9

Quip ilanojo. Apnam napocja enlhitaoc apcaneyquiclhilha yavey Satanás acmolhama. Apquiltomjamacpo apanco judíos. Jave inyicje judíos apanco, apquiltomja eyca apquilmopvancaa amyaa. Altamjoc olanic sat enlhitaoc yoyam elvotac apnaclha. Elnalhpolintac sat apquinmamcaclha lhip. Elyicpilcangvomoc sat actemaclha siyasicjayo lhip.

1 SAMUEL 18:14

Appasmom nic nat mataa Dios. Apvanquic nic nat mataa David esavojo apquiltamjoclha elana.

1 SAMUEL 18:28

Apvitac nic nat Saúl actemaclha appasmom David Dios. Apvitac nic nat apquitca Mical, actemaclha ayasicjayo.

1 SAMUEL 3:19

Apvanamyic nic nat Samuel. Appasmec nic nat mataa Dios. Apsovjoc nic nat mataa Dios aplhanma siclho mepqui apyeycajascaoc.