GÉNESIS 36:1 - Enhlit Bible

¹ Eycaso ilhnic nat Esaú apquitquic, moc apvisay Edom.

GÉNESIS 36:1 Iomraidhean Croise

GÉNESIS 22:17

Opasmoc sat mataa lhip. Olhamasiclhac sat aptovana mongmovan ongilyipsitic. Malha apyova netin sat eltimjic. Malha lhopactic anic as nalhpop sat eltimjic. Apquilyimnatem sat eltimjic, melhoyc sat cotnaja ingmoc.

GÉNESIS 36:8

Apyinyovquic nic nat as yoclhilhma Esaú, moc apvisay Edom. Apmiyaclhec nic nat yoclhilhma acma inquilhe acvisay Seir.

1 CRÓNICAS 1:35

Esaú apquitquic nic nat: Elifaz, Reuel, Jeús, Jaalam najan Coré.

ISAÍAS 63:1

¿Soc enlhit qui? Apquilhyacmec payjoc tingma Bosra yoclhilhma Edom. Apava apcalomap aptamila apanco, malha apquilyinmom, malha apmopvan innac apquilhyacmo. —Coo sicvisay Visqui sicyimnatem, sicmovan olvomsic tap enlhit — alhta intomja ningvitay.

EZEQUIEL 25:12

Eycaso sicpayvam sicvisay Visqui apancaoc: Apquiltemaclha edomitas apquilyanmongsayclha apquiltemaclha co Judá, acvisay apquilsilhnanomap apanco co Edom.

DEUTERONOMIO 23:7

Noeltanov nasa edomitas apquiltomja apquilmolhama quellhip. Noeltanov nasa egipcios, ayinyema apquileyvomaclha nat quellhip.

1 SAMUEL 14:47

Apvisqui ilhnic nat Saúl nipyesicsa enlhitaoc Israel. Apquilnapacpec nic nat mataa cotnaja ingmoc, apquilvisay co Moab, co Amón, co Edóm, co Soba apvisqui apancaoc, najan co Filistea. Apyimnatem nic nat mataa Saúl, apvita inlhojo apquilnapomap.