GÉNESIS 34:7 - Enhlit Bible

⁷ Lhama ilhnic nat apquillinga amyaa. Apquilvoctac nic nat tingma Jacob apquitquic. Apquillovquic nic nat. Ayinyemaclha Siquem nic nat aptovascama Jacob apquitca. Eycaso actomja acyivey singmanquescama. Mongvanquejec ontimjic actema nac lha.

GÉNESIS 34:7 Iomraidhean Croise

GÉNESIS 20:9

Apcapajasquic nic nat Abimelec yoyam colhic acyantingveclho Abraham. Aptomjac nic nat apvisqui apcanya Abraham: —¿Soctomja sintimesquisa nac aso? ¿Sicmasom ya coo yoyam jesilhnanac lhip napatoc Dios najan esilhnanac lhip aplhamoclhojo sicmolhama? Ingiltimescasquic nincoo lhip asoc mongvanco ongillana.

GÉNESIS 34:6

Apmiyantac nic nat Siquem apyap apvisay Hamor. Apquiltamjoc nic nat epamejitsic Jacob.

GÉNESIS 34:8

Aptomjac nic nat Hamor apquilanya: —Avanjec acliclamo apvalhoc sictamongvoyam quilvana ayitcoc. Noelmiyov nasa quellhip etnejic aptava sictamongvoyam.

GÉNESIS 46:7

Aplhamoclhojo apquitquic najan aplhamoclhojo aptovana. Yoclhilhma Egipto ilhnic nat apquilyasac.

2 SAMUEL 13:21

Avanjec nic nat aplom apvisqui David, aplinga as amyaa. Am nic nat eyanmongsaclhac David aptemaclha apanco Amnón. Ayinyema ilhnic nat apcasicjayo apquitca aptiyam apmamyi.

SALMOS 93:5

Visqui ingac, acyimnatem anco lhip apcanamaclha. Malha apquilnalhamomap aptomjac tingma apponquinomap, aclhamoclhojo acnim cotmongvoycamlha nelha.

PROVERBIOS 7:7

Acvitac alhta napocja apquilyimnanic mepqui apquilsilhnanomap apanco. Acvitac alhta lhama apquitcoc mepqui acyascamco apvalhoc.

JEREMÍAS 29:23

Apquiltemaclha apancaoc apquilmanquescama israelitas: apquilpatjetamquic quilvanaa cotnaja apnatamcaa. Yitnec apquillingascama amyaa, jave ayinyema coo. Acyasamcoc coo sicvisay Visqui apancaoc, sictomja sicvitaycamco — alhta aptomjac Visqui ingac.

LEVÍTICO 4:13

Apquilsilhnanacpec sat ancoc apyovoclhojo enlhitaoc comunidad mepqui apquilyascamco apnatovascama singanamaclha.

LEVÍTICO 4:2

Iltimnas sat lhip israelitas: Apvitacpec sat ancoc enlhit apsilhnanomap mepqui apyascamco aptovascama singanamaclha, etnejic actema nac jay:

LEVÍTICO 4:27

Apsilhnanacpec sat ancoc enlhit (mepqui apyimtalhnamo), mepqui apyascamco aptovascama singanamaclha Dios.

1 CORINTIOS 10:8

Noelyiplovquis nasa apquiltemaclha ilhnic nat napocja ningilyeyjamcaa apquilanatama. Apquilitsepquic nic nat veintitrés mil enlhitaoc acvamlha lhama acnim.

1 CORINTIOS 6:18

Elvatsaoc sat actemaclha apquilanatama quellhip. Jave aclhamoclhojo mongilyascalhma actomja actovascama ningilyovoclhojo. Ningiltomjac sat ancoc ningilanatama, ongiltovacsic sat ningilyovoclhojo.

EFESIOS 5:3

Quellhip apquiltomja Dios apquitquic. Incaymalhquic yoyam colhenalhqueje nipyesicsa quellhip actemaclha apquilanatama najan actemaclha apquiltamongvaycmolhma najan actemaclha apquilmasma asoc.

DEUTERONOMIO 22:20

Nasoc sat ancoc altamay acpatjetamalhca as quilvana ayitcoc.

DEUTERONOMIO 22:21

Incaymalhquic cotipsalhcac as quilvana inyap tingma pac, comatong sat maa tap tingma, apquilyicnay mataymong enlhitaoc. Elhenacpoc apmapsom quilvana inyap najan apyovoclhojo enlhitaoc Israel, ayinyema actemaclha anco as quilvana mepqui atava altamay acpatjetamalhca. Elmascos sat acmasom, acyitna inlhojo nipyesicsa quellhip.

DEUTERONOMIO 23:17

Copvanquejec lhama enlhit israelita, covanquejec lhama quilvana israelita colpasmoc actemaclha apquilanatama payjoc mayayoclha quilaycmasquiscama acyitsomalhca dios.

COLOSENSES 3:5

Elnapiclha sat quellhip actemaclha almasomcaa almayjayo apquilvalhoc: Actemaclha ningilanatama, actemaclha alquitamsama ingvalhoc almasomcaa, actemaclha ningilvajaneycaoc acmasom, actemaclha ayitsepma ingnenyaoc najan actemaclha nintingyey cascama ningilnatam, actomja malha ningyiplovquiscama acyitsomalhca Dios.

1 TIMOTEO 5:13

Am colyacmoc coltamjam mataa lhintampaa actema nac lha. Eyca acvamlha almoncalhneycam moclhama tingma. Inquiljalhalhcoc mataa, altomja najan allhamasomalhca. Altomja altingyeycam mataa amyaa. Inquillhamaseclhec mataa amyaa ayinyema malha acyeyjamelhma.

HEBREOS 13:4

Eltamilsojo sat actemaclha ningmo lhama intava. Noelsilhnanamap nasa actemaclha naysicsa ningyitnamo lhama intava. Ayinyemaclha Dios sat eyanmongsiclha apquiltemaclha enlhit aptomja appatjeteycaoc moc quilvana najan apquiltomja apquilanatama.

SANTIAGO 3:10

Intepamquic mataa ingatong yoyam ongavojo yoyam najan ongilyamnam. Quellhip elyalhinga, elvatsaoc actema nac lha.

JOSUÉ 7:15

Invitalhquic sat ancoc asoc acposomalhca, apquilanyomap quellhip enatovacsic. Eyinyovacpoc sat talha acvanyam. Emyetic sat acyiplomo apquilmolhama familia. Colmetic sat acyovoclhojo apquilnatam. Ayinyema apsilhnanomap apanco nipyesicsa apnaymacoc. Mepqui alhta apyiplovquiscama siyanamaclha sicvisay Dios — sat itne elanic — nic nat aptomjac Dios.

1 SAN PEDRO 2:9

Quellhip apquiltomja Dios apquilyacyescama. Quellhip apquiltomja Dios apquilancam Visqui apmolhama. Quellhip apquiltomja enlhitaoc apquilponquinomap, apquiltomja Dios apmolhama. Apquiltamjoc Dios yoyam ellingacsic quellhip aptamjaycam sinpilapquiscama. Aptomja najan apquilanama quellhip yoyam elvatsamcoc quellhip apquileyvam naysicsa yatescamalhma yoyam elvomoc ayitsayoclhilhma actamila.

JUECES 20:6

Acmec alhta ayitsepma, sicyatemena navayc alyiptetaclha. Ayapajasquic alhta navayc lhalhma anco apquileyvomaclha enlhitaoc Israel.