GÉNESIS 33:4 - Enhlit Bible

⁴ Apquinincamquic nic nat Esaú apquilamyilhamco. Appayvasquic nic nat acyiplomo appitsisma apmalhimpenic. Appatjetam nic nat acyiplomo acpayjayclha apvalhoc. Apyipcalhquic nic nat.

GÉNESIS 33:4 Iomraidhean Croise

GÉNESIS 29:11

Appayvasquic nic nat apyalhing acvisay Raquel. Appitsisquic nic nat amalhimpenic. Apvinec nic nat Jacob.

GÉNESIS 29:13

Aplingac nic nat Labán aplhenamap Jacob aptomja apyalho ayitca. Yejemoc nic nat apquinincamco yoyam emoc tacja. Appatjetquic nic nat appayvesa. Appitsisquic nic nat apmalhimpenic. Apyantementac nic nat tingma pac. Apquiltimnasam nic nat Jacob aptemaclha apmolhama.

GÉNESIS 32:11

Jemyov sat nayscisa sictajanyey javoc Esaú. Ayacac coo. Incacoc enquenyic coticyoc quilvanaa najan eyitquic.

GÉNESIS 32:28

Aptomjac nic nat as enlhit apcanya: —Inmasquec lhip apvisay Jacob. Israel intomjac lhip apvisay quilhvo. Ayinyemaclha apquilnapacpec lhac lhip Dios najan enlhitaoc. Apyimnatem nac lhip— nic nat aptomjac.

GÉNESIS 43:30

Incamjapasquic nic nat apvalhoc José apvita apyalhing. Appecjasquic nic nat aptalhningveclho tingma aplhancoc José. Apvinec nic nat maa.

GÉNESIS 43:34

Apquilmasquic nic nat José aptom macnincanvoycta netin mesa pac. Avanjec nic nat aplhoy aptom Benjamín, am colhno apquillhoy apquilpipma. Apquiltovcamquic nic nat lhama José najan apquilpipma. Invocmec nic nat acpayjayclha apquilvalhoc.

GÉNESIS 45:2

Avanjec nic nat apvinama José. Apquillingac nic nat aplhamoclhojo apquilancam egipcios. Inlingangvocmec nic nat amyaa apvisqui faraón tingma pac.

GÉNESIS 46:29

Apquinamtec nic nat carro pac José. Apmiyaclhec nic nat yoclhilhma Gosén. Apquiltamjoc nic nat etjanyamoc apyap maa. Pilapcasquic nic nat apvita apyap. Yejemoc nic nat appatjeta. Aptiyosquic nic nat apcatic avjapectong apyap. Apvinec nic nat acvoncaclhojo.

2 SAMUEL 14:33

Apquiltimnasquiclhec nic nat Joab amyaa ayinyema Absalón. Apcapajasquic nic nat apvisqui, colhic acyantama Absalón. Apmiyaclhec nic nat Absalón apnaclha apvisqui. Apjalhec nic nat acticlhicvocmo nalhpop payjaclha napaat. Appayvasquic nic nat apvisqui appitsisa apmalhimpenic apquitca.

NEHEMÍAS 1:11

Lhip Dios, ingyeylhojo silmalhnancama sictomja lhip apquilancam. Ingyeylhojo apquilmalhnancama lhip apquilancam apquiltomja apquilayo lhip apvisay. Itnesquis sat actemaclha actamila anco. Ingyane sat jeyasicjojoc as enlhit — alhta actomjac silmalhnancama. Actomjac alhta sictamilquiscama apvisqui co Persia, sicsayclha mataa aptom najan apyinaycaoc.

JOB 2:12

Apquilamquitvocmec nic nat apquilvita Job. Pilapcasquic nic nat apquilvita apyimpejic Job. Apquiliclhangvam nic nat apnaymacoc, ayinyema acmayovsa apquilvalhoc. Apquilyaptec nic nat apquilantalhnama. Apquilhaquic nic nat lhopactic nitno, najan lhopactic apyitsicsaoc.

SALMOS 34:4

Ayitamquic alhta Visqui ingac. Aplingoc alhta sicpayvam. Apmascosquic alhta Visqui ingac actemaclha ayay evalhoc.

PROVERBIOS 16:7

Apyispaquic sat ancoc Visqui ingac nintemaclha acpeyvomo, etnesquisic sat, yoyam jingilasicjiclhojo mocjam nincoo cotnaja ingmoc.

PROVERBIOS 21:1

Ingvanquic ongillhingsic ayinyem yingmin, ningillana inlhojo yingmin atamnic. Dios Visqui ingac aptomja aplhinquiscama actemaclha apvalhoc apvisqui rey.

SAN LUCAS 15:20

Yejemoc nic nat apquilhyacmo. Apmiyantac nic nat apyap tingma pac. “Apcamquitvoctac nic nat anco. Apvita ilhnic nat mocjay apyap apquilhyacmo apquitca. Apyitnavoc nic nat napaat. Apquinincamquic nic nat apyap apquilamyilhamco. Appatjetquic nic nat appitsisa apatong.

LOS HECHOS 20:37

Apyapcalhquic alhta aplhamoclhojo. Apquilpatjitquic alhta Pablo apquilpitsisa.

1 SAMUEL 20:41

Apvonquipquic nic nat apyimnanic. Aptipquic nic nat apyilhanmomaclha mataymong David. Natqui ilhnic nat apjalhem David napato Jonatán, apticlhicvocmo nalhpop payjaclha napaat. Appitsisquic nic nat apmalhimpenic poc. Apquilvinec nic nat apcanit, acvaycmo actamilayclha mocjam apvalhoc David.