GÉNESIS 33:10 - Enhlit Bible

¹⁰ Apcatingmavoc nic nat Jacob: —Ilma sat apanco asoc sicmescama lhip. Actamilaycam apvalhoc innac lhip. Acvitac coo lhip napaat, malha actomja Dios napaat. Intasic anco aptomja lhip semam tacja coo.

GÉNESIS 33:10 Iomraidhean Croise

GÉNESIS 19:19

Aptasic alhta lhip. Emyovquic alhta mataa lhip. Evomcasquic alhta tap. Movanquejec coo oyacsic ongvinyejic netin inquilhe alvinatem. Jetjanyiclhac sat asoc yoyam jetvacsic. Ongvitsapoc sat nalhit amay.

GÉNESIS 32:30

Apquiltimec nic nat Jacob acvisay as amyip Peniel. Intomjac nic nat apvalhoc: Acvitac coo Dios najato. Am lhac ongvitsepac coo— nic nat intomjac apvalhoc.

GÉNESIS 33:11

Altamjoc coo elmoc lhip sicmescama sicnalayquinta coo. Dios aptomja selmescama aclhamoclhojo sicnatoscama najan silnatam. Mepqui ayaymalhca asoc. Apquilinlhanacmec nic nat Jacob elmecsic apnatoscama. Invocmec nic nat apcasicjangvoyam actomjaclha appayvam.

GÉNESIS 33:9

Aptomjac nic nat Esaú apcanya: —Eyalhing. Inlhamoc coo sicnatoscama. Am oltamjoc coo lhip apnatoscama— nic nat aptomjac.

GÉNESIS 43:3

Apcatingmavoc nic nat Judá: —Aptomjac alhta singilanya apvisqui Egipto: Am sat ancoc elyantementa apquilyalhing apsilhyo, noelvota nasa sicnaclha — alhta aptomjac.

GÉNESIS 47:29

Camquitvaac nic nat nelha acnim aptiyascam Jacob, moc apvisay Israel. Apcanyam nic nat apquitca apvisay José. Aptomjac nic nat apyap apcanya: —Altamjoc coo elyejiclhojo coo sicpayvam. Ipquin sat lhip apmic avjac eyvoc yoyam colhejec acyascacmo actemaclha aplhanma. Nongyane nasa ongvatoynalhca as yoclhilhma Egipto.

GÉNESIS 50:4

Insovjalhquic nic nat acnim acyipcalhomalhca (alvejescam). Appamejitcasquic nic nat José apnaycam apvisqui faraón tingma pac. Aptomjac nic nat apquilanya: —Apquiltamjoc sat ancoc jelpasmoc quellhip, eliltimnas sat amyaa apvisqui faraón:

2 SAMUEL 14:24

Apcanyacpec nic nat Absalón elhic tingma pac nano. Aptajaclhec nic nat tingma pac, mepqui appayvascama apyap apvisqui David.

2 SAMUEL 14:28

Invocmec nic nat dos años apma tingma Jerusalén Absalón. Am nic nat etac mataa apyap.

2 SAMUEL 14:32

Apcatingmavoc nic nat Absalón: —Ayapajasquic alhta apcanyacpo lhip emyamac sicnaclha coo. Altamjoc alhta ongvapajacsic lhip apnaclha visqui ingac eltimnacsic sicpayvam: ¿So actomja yi sicvactamo mocjam coo? Intasic alhta inyicje sicmaclha yoclhilhma Gesur — sat etnejic ingyanic lhip. Altamjoc otac visqui ingac. Yitnec sat ancoc sicsilhnanomalhca ajanco, omatong sat coo — nic nat aptomjac Absalón.

2 SAMUEL 3:13

Apcatingmavoc nic nat David: Aclingac lhac lhip appayvam, yoyam ongilpamejitsalhcojo mepqui ningyeycajascaoc ninlhanma. Iyasamcojo lhip lhama amyaa: Copvanquejec lhip mepqui apyantamayquinta quilvana Mical, inyap ninga Saúl — nic nat aptomjac.

JOB 33:26

Ingyajalhnoc sat Dios apquilmalhnancama, copayjiclhac sat apvalhoc napato Dios. Colhic sat ayaco Dios Visqui ingac nipyesicsa enlhit.

SALMOS 41:11

Oyicpilcojoc sat aptemaclha seyasicjayo lhip. Sicvita inlhojo mepqui apquilyimtalhnamo enlhit selinmelhaycam.

JEREMÍAS 31:2

Aptomjac mocjam Visqui ingac: Ongvasicjiclhojoc sat mocjam enlhit ajancaoc. Ongvansiclhac sat payjoc yoclhilhma actamopeycaoc mepqui alhta apticyovam. Eltajiclhac sat mocjam israelitas, yoyam elhnam sat mataa — alhta aptomjac.

SAN MATEO 18:10

‘Quip elanojo quellhip. Noelvinam nasa sicaa apno aso. Actomjac coo silanya quellhip: Apnam netin ángeles apquiltamilquiscama sicaa. Apquilanoc mataa napaat coo Tata apna netin.

EL APOCALIPSIS 22:4

Elanojoc sat apquilancam napaat Dios. Coytic sat acnatalhesomalhca Dios apvisay payjaclha napataa.

RUT 2:10

Injalhec nic nat Rut. Inticlhicvocmec nic nat nalhpop payjaclha naat, actomja ayayo. Intomjac nic nat Rut ayanya Booz: —¿So actomja yi seyimlacmo nac lhip? Am otnajac sictemolhama as quilvanaa altimesaycam — nic nat intomjac.

1 SAMUEL 20:3

Apcatingmavoc nic nat David: —Apyasamcoc lhip apyap, aptemaclha lhip seyasicjayo coo. Apquiltamjoc apyap emyoc lhip, apyilhasquisa amyaa. Nasoc anco sicpayvam siclhanma napato Dios najan napato lhip. Ningatoc anco, yoyam omatong — nic nat aptomjac David.