GÉNESIS 32:10 - Enhlit Bible

¹⁰ Acvennalhquic coo napato lhip aptomja seyapeycam najan aptomja semasma alhta. Acmilanquic alhta as vatsam Jordán siclhingam alhta. Acsovquic alhta lhama yamit. Acnalantac quilhvo nac jay malha apcanit tingma.

GÉNESIS 32:10 Iomraidhean Croise

GÉNESIS 18:27

Aptomjac nic nat mocjam Abraham apcanya: —Visqui, movanquejec coo mopamejitsam lhip. Lhip nac Dios Apyimtalhnamo, coo eyca sictomja enlhit moyimtalhnamo.

GÉNESIS 24:12

Apquilmalhnaquic nic nat apquilancam: —Dios Apyimtalhnamo, lhip nac Visqui pac Abraham. Jepasim sat acnim nac jay. Ingyimliclhojo sat mocjam Abraham.

GÉNESIS 24:27

Aptomjac nic nat apquilmalhnancama: —Aptasi nac Dios Visqui pac Abraham. Nasoc anco actomja appayvam. Apquimlaycmo mataa Abraham. Elhicmosquic alhta amay yoyam ovoclha tingma apancaoc Abraham apmolhama— nic nat aptomjac apquilmalhnancama.

GÉNESIS 28:13

Apnec nic nat netin Dios Apyimtalhnamo. Aptomjac nic nat appamejitsa: —Coo nac sicvisay Dios Abraham apvisqui pac najan Isaac apvisqui pac. Omquecsic sat lhip najan aptovana as yoclhilhma aptiyanvoclha.

GÉNESIS 28:15

Moyinyovejec sat mataa lhip. Coo sat otamilsic apyasaclha. Otajicsojoc sat lhip as yoclhilhma. Moyeycajacsejec sat actemaclha siclhanma actomja nasoc anco. Moyinyovejec sat mataa lhip— nic nat intomjac aclingay apvanmoncama.

GÉNESIS 30:43

Aplhamaseclhec nic nat apquilnatam Jacob. Appintalhnama ilhnic nat apnatoscama. Aplhamoc nic nat enlhit apquiltimesaycam najan quilvanaa altimesaycam. Inlhamoc nic nat apnatoscama voncayispoc najan yamelyeyjaycoc.

GÉNESIS 31:3

Aptomjac nic nat Dios apcanya Jacob: —Itajiclha sat apyap tingma pac nipyesicsa apnaymacoc. Siclhalhma sat otnejic coo— nic nat aptomjac.

GÉNESIS 32:5

Acnalantac sicnatoscama vayqui najan yamelyeyjaycoc najan nipquesic najan enlhit seltimesaycam najan quilvanaa seltimesaycam. Ayapajasquic lhac amyaa apnaclha lhip aptomja visqui ajac. Altamjoc lhip coytic actamilaycam apvalhoc — sat eltime elanic— nic nat aptomjac Jacob.

GÉNESIS 32:7

Apcacac nic nat Jacob aplinga amyaa. Intamjam nic nat apvalhoc. Apquilhpancasquic nic nat enlhit apancaoc najan apnatoscama nipquesic najan vayqui najan voncayispoc. Apyitipcasquic nic nat nalhit apnatoscama.

2 SAMUEL 17:24

Apvocmec nic nat apvisqui David najan apquillhalhmaa payjoc Mahanaim. Apquimjamquic nic nat Absalón najan apquillhalhmaa eljalhtipilhquetic vatsam Jordán.

2 SAMUEL 7:18

Aptalhningvoclhec nic nat apvisqui David carpa apponquinomap. Apnaclhec nic nat. Apvitac nic nat Dios. Aptomjac nic nat apvisqui David apquilmalhnancama: —Dios Apyimtalhnamo. Moyimtalhnamo nac coo najan sicmolhama coo. ¿Soctomja seviscactamo nac aso?

JOB 17:9

Melhnanmejec mataa enlhit appeyvomo, mepqui inlhojo apsilhnanomap apanco napato Dios.

JOB 8:7

Etac sat lhip cascama apquilnatam, am colhno apquilnatam nanoc alhta.

SALMOS 16:2

Actomjac alhta siyanya Dios: —Lhip aptomja Visqui ajac. Paj asoc ajac altamila, apvamlha lhip aptomja aptamila apanco — alhta actomjac coo.

SALMOS 18:35

Lhip aptomja semasma najan sevomquiscama tap. Lhip semaycaoc emic. Siyasicjayo lhip actimesquiscama sicvascapma.

SALMOS 61:7

Ipasim sat lhip visqui presidente acyiplomo apcasicjayo najan apcapeycam.

SALMOS 8:5

Inquitlhincasquic elinmalhingvoclha ángeles enlhit apquitcoc. Aptimescasquic lhip apyimtalhnamo najan mayayo.

SALMOS 84:7

Inyangvocmec apquilyimnatem naysicsa apquillhingam. Elvitangvomoc sat Visqui apyimtalhnamo tingma Sión.

SALMOS 85:10

Acno moc actemaclha singasicjayo najan actomja nasoc anco. Am coyitnocjac mataa actamilaycam ingvalhoc najan actemaclha acpeyvomo.

PROVERBIOS 4:18

Apquiltemaclha enlhit apquilpeyvomo acyitsomalhca ayitsasquiscama olhma. Mopacmec siclho, yiplovcoc mataa ayitsay actamila anco.

ISAÍAS 6:5

Actomjac alhta coo sicpayvam: —¡Coo layi! Coo sat laa ongvitsapoc. Sictomja enlhit cotamilaycam evalhoc. Sicma coo maa nipyesicsa enlhitaoc cotamilaycam apquilvalhoc. Pilapcasquic lhac sicvita Visqui ingac apyimtalhnamo — alhta actomjac coo.

ISAÍAS 63:7

Olngacsic sat aptemaclha singasicjayo Dios Apyimtalhnamo. Omnaycmacsic sat, yoyam colhic ayaco singiltimesquiscama actamila anco. Najan aptemaclha apcamliyam Dios apquilmolhama Israel. Ayinyema apcasicjayo najan apcapeycam apquilmolhama.

MIQUEAS 7:20

Nolvates nasa lhip aptemaclha singasicjayo najan singmasma, acno aplhanma ilhnic nat lhip Dios Apyimtalhnamo mepqui apyeycajascaoc, napatavo ningilyeyjamcaa Abraham najan Jacob — nic nat aptomjac profeta.

SAN LUCAS 17:10

Najan quellhip lha. Apquilsovjoquic sat ancoc apquilanay apquilanyomap ellana, eltime sat mataa: “Mongmalhquejec mocjam nincoo. Ninsovjoquic alhta ningilanyomalhca ongilana” —sat eltime —alhta aptomjac Jesús.

SAN LUCAS 5:8

Lhama alhta apvita Simón Pedro. Apquilticlhicvocmo alhta aptapnaoc apnaclha Jesús, appamejitsa: —Visqui, jeyinyov sat coo. Esomqui nac coo —alhta aptomjac.

2 CORINTIOS 12:11

Acnasoc lhac actemaclha appayvam acyeyjamelhma. Quellhip ayinyema seyanem otnejic. Incaymalhquic alhta inyicje eltimjic selayo. Nasoc lhaja moyimtalhnamo coo. Sicyimtalhnamo eyca coo, am jelhnoc as enlhitaoc apquiltamjamacpo apanco apóstoles.

DEUTERONOMIO 8:18

Colyitnam apatic quellhip Dios Apyimtalhnamo, ayinyemayaclha apquilyimnatem quellhip. Aplhenquic nic nat mepqui apyeycajascaoc Dios napatavo apquilyeyjamcaa, actemaclha ningmiyovmalhca, apquilvitay quellhip as ningvamlha nac jay.

1 SAN PEDRO 5:5

Actomjac coo silanya quellhip quilyimnanic: Elilyejiclhojo sat mataa ingilyipmaa apquilvanyam. Actomjac coo silanya quellhip elyalhinga: Noelyimtalhnesacpojo apanco nipyesicsa. Elpasim sat mataa poc, malha apquilancam. Eycaso actomja actalhesomalhca: Apquilyasquic mataa olhma Dios yoyam eyimtalhnesacpojo apanco enlhit. Dios eyca epasmoc sat mataa enlhit aptomja meyimtalhnesomap apanco —nic nat intomjac vaycajac.