GÉNESIS 3:5 - Enhlit Bible

⁵ Apyasamcoc Dios colyasingvomoc actemaclha actamila najan actemaclha acmasom, altovcamco inlhojo acyilhna. Colinmalhingvomoc sat aptemaclha Dios— nic nat intomjac.

GÉNESIS 3:5 Iomraidhean Croise

GÉNESIS 2:17

Notov nasa acyilhna yamit actomja singyascasingvoyam actemaclha actamila najan actemaclha acmasom. Aptovquic sat ancoc lhip, ingyitsapoc sat— nic nat aptomjac.

GÉNESIS 2:9

Inquilantipquic nic nat maa aclhamoclhojo yamtaa. Dios Apyimtalhnamo nic nat apquilantipquiscama. Altamila acyilhna ilhnic nat yoyam ontoc. Apquinquic nic nat naysicsa amyip lhama yamit actomja acyimnatescama ingnenyic. Apquinquic nic nat moc yamit actomja singyascasingvoyam actemaclha actamila najan actemaclha acmasom.

GÉNESIS 3:10

Apcatingmavoc nic nat enlhit: —Pilapcasquic lhac siclinga aptiyascam lhip amyip. Ayacac lhac coo. Acyilhanmec lhac coo ayinyemaclha sictomja mepqui apava— nic nat aptomjac.

GÉNESIS 3:22

Aptomjac nic nat Dios Apyimtalhnamo appametamcaa: —Aptomjaclhec ningno nincoo as enlhit. Apyasamcoc as enlhit actemaclha actamila najan acmasom. Am oltamjoc elcoc acyilhna najan etoc ayinyema yamit acyimnatescama ingnenyic. Aptovquic sat ancoc, mengyitsepejec sat mataa— nic nat aptomjac.

GÉNESIS 3:7

Pilapcasquic nic nat alvita altomja mepqui apava. Yejemoc nic nat alana yamit ava ayajapquiscama ayimlhaclha.

1 REYES 22:6

Apcansaclhec nic nat apvisqui Israel malha cuatrocientos profetas. Aptomjac nic nat apquilanya: —¿Evanqui ya onaliclha siclhalhmaa ongilmoc Ramot de Galaad? — nic nat aptomjac. Apquilatingmavoc nic nat: —Ilana sat apquimpocjay. Epasmoc sat Dios emoc as tingma — nic nat apquiltomjac.

2 CRÓNICAS 32:15

¡Elyasquim sat quellhip Ezequías appayvam, elyinimsacpoc sat quellhip! Paj lhama quilaycmasquiscama acyitsomalhca dios comovan elvomsic tap enlhitaoc, yoyam elmiyovacpoc naysicsa ningilimpocjay nincoo, paj najan naysicsa apquilimpocjay nat ningilyeyjamcaa. ¡Paj copvanac Dios Visqui apancaoc quellhip elmeyvoc naysicsa ningilimpocjay nincoo, ningiltomja ningilyimnatem! — nic nat aptomjac apvisqui Senaquerib.

SALMOS 12:4

Apquiltomjac mataa apquilpayvam: —Ingmeyjec nincoo ayinyema ningilyataycam. Ningilvamlha ningyimtalhnesomalhco inganco. Paj poc singinmelhaycam — apquiltomjac mataa.

ÉXODO 20:7

Mongvanquic ongvennam apvisay Dios Visqui ingac. Ongilsilhnanalhcac sat ningiltomja ningvenéycam apvisay Dios.

ÉXODO 5:2

Apcatingmavoc nic nat apvisqui faraón: —¿Soc apvisqui apvisay Dios yoyam olyejiclhojo appayvam, yoyam olapajacsic enlhitaoc Israel? Am oyasamcoc apvisay Dios. Molapajacsejec sat enlhitaoc Israel — nic nat aptomjac.

ISAÍAS 14:14

Olhic sat nitno tacjalhit yipjopay, olhojoc sat Dios apyimtalhnamo apanco — alhta intomjac apvalhoc.

EZEQUIEL 13:22

Almovancaa amyaa nac quellhiya. Inquilmiyovquic mataa quelhiya enlhit apquilmapsomcaa, yoyam elyiplovcasojo mataa apquiltemaclha apancaoc. Am colmiyavac mataa quellhiya enlhit mepqui apquilsilhnanomap apanco.

EZEQUIEL 28:12

Lhip enlhit, ilngas sat sicpayvam napato apvisqui co Tiro actemaclha apminaycmascama yocsa: Lhip apvisqui co Tiro, ingyeylhojo Visqui ingac appayvam. Apyascamco apanco alhta lhip, najan aptamila apanco, najan apyimtalhnamo apanco, am elhno poc apvisqui.

EZEQUIEL 28:2

Lhip enlhit, ilngas sat sicpayvam napato apvisqui co Tiro: Lhip apvisqui co Tiro, ingyeylhojo Visqui ingac appayvam: Lhip acyitna ayajamalhco apvalhoc. Aptimesacpec apanco lhip apyimtalhnamo malha dios. Enlhit apanco nac lhip, am etnajac lhip malha dios, am etnajac lhip apyascamco malha dios.

EZEQUIEL 28:9

¿Apvanqui ya maa eyitsacpoc apanco lhip malha dios? Ematong sat lhip maa, apno apticyovam poc apnaymacoc.

EZEQUIEL 29:3

Itne sat lhip: Eycaso appayvam ayinyema Visqui ingac: Quellhip apquiltomjayclho cotnaja ingmoc apvisqui faraón najan egipcios. Apquilyitsomacpo quellhip sinavocpo congne yingmin vatsam Nilo. Apquiltomjac mataa quellhip: Nincoo inganco vatsam, nincoo alhta ningillanay vatsam Nilo.

DANIEL 4:30

Aptomjac nic nat apvisqui: ¡Quip elanojo quellhip tingma apvanyam Babilonia! ¡Coo eyca ayinyema sicmovan ajanco, yoyam ellanacpoc tingma! ¡Elyasingvomoc sat apyovoclhojo enlhitaoc sictemaclha sicyimtalhnamo! — nic nat aptomjac apvisqui.

DANIEL 6:7

Apcaneclhec alhta apquilviscaa apquilpamejitsomap. Colhic sat aclingasa singanamaclha alhnancoc nipyesicsa apyovoclhojo enlhitaoc. Copvanquejec lhama enlhit elmalhna lhama asoc napato Dios najan napato enlhit, acvaycmo treinta acnim, apvamlha pac lhama lhip visqui apyimtalhnamo, yoyam elmalhnacpoc asoc najan colhic ayaco. Am sat ancoc elyiplovcasac enlhit, elyinyovacpoc sat malhic acmomalhquilha yamacmeyva.

SAN MATEO 6:23

Am sat ancoc coltamilac ingataoc, coyinaticsic sat olhma ningyovoclhojo. Yitnec nincoo ingvalhoc ayitsayolhma. Intomjaclhec sat ancoc yatescamalhma ingvalhoc, sat cotnejic yatescamalhma acyiviy.

LOS HECHOS 26:18

Ongvapajacsic sat lhip, yoyam elvitasiclha olhma enlhitaoc. Yoyam meleyoc mocjam yatesaclhilhma, eyca eleyoc sat ayitsayoclhilhma. Yoyam melyiplaclha Satanás acmovan, eyca elyiplovjoc sat Dios Ingyapam. Yoyam mejelyascamejec sat coo najan yoyam colmascosalhca melyascalhma. Yoyam najan elpalhacsacpoc enlhit apquilponquinomap” —alhta aptomjac Jesús seyanya coo —alhta aptomjac Pablo.

2 CORINTIOS 11:3

Incacoc enquenyic elyinimsacpoc sat quellhip. Malha alyinimsomalhca intomjac apquilvalhoc quellhip, acno ilhnic nat nimisma acyinimquiscama Eva. Asilhtec quellhip apquilasicjayo Cristo.

2 CORINTIOS 4:4

Ayinyemaclha apquilyascacmec tasic amyaa as enlhitaoc. Yatescamalhma intimescasac apquilvalhoc somquic quilyicjamo. Yoyam melvityejec sat ayitsayolhma actamila ayinyema tasic amyaa najan ayitsayolhma ayinyema Cristo. Ayinyemaclha Cristo apnoc Dios yoyam ongvita.

2 TESALONICENSES 2:4

Eycaso aptomja mongyascalhma inyap cotnaja ingmoc. Aptomja apyimtalhnesomacpo apanco yoyam ingyinmelham aclhamoclhojo asoc ayinyema Dios. Covac sat acnim yoyam elhic mongyascalhma inyap cotnaja ingmoc congne tingma apponquinomap. Iltamjacpojoc sat apanco apvisay Dios.

EL APOCALIPSIS 13:14

Insilhnanaquic aplhamoclhojo enlhitaoc as nalhpop ayinyema actamjaycam sinpilapquiscama. Ayinyema alhta ayasinaycam asoc navjac aclom actiyapma amamyi. Inquiltimnasquic mataa enlhitaoc lhalhma anco, yoyam ellanac quilaycmasquiscama acyitsomalhca asoc navjac aclom actiyapma amamyi, acyitna alhta acyimsem actamalviyam.

EL APOCALIPSIS 13:4

Apquilpayasoc alhta sinavocpo enlhitaoc lhalhma anco. Ayinyemaclha acmescama alhta acmovan asoc navjac aclom. Apquilpayasoc najan enlhitaoc asoc navjac aclom. Apquiltomjac alhta: —¿Soc enlhit apno as asoc navjac aclom? ¿Soc enlhit aptomja apyimnatem yoyam elnapacpoc as asoc navjac aclom? —alhta apquiltomjac.

JUECES 3:2

Incaymalhquic nic nat israelitas aptovana elyasingvomoc actemaclha ningimpocjay apquiltemaclha nano.