GÉNESIS 3:19 - Enhlit Bible

¹⁹ Copaliclhac sat lhip apyimis aptingyey aptom acvocmo acnim apquitsepma. Cotniclhac sat mocjam lhip apyovoclhojo lhopactic. Ayinyemaclha lhopactic alhta apquinyemac lhip. Lhip aptomja inyelpa. Etniclhac sat mocjam lhip lhopactic — nic nat aptomjac Dios.

GÉNESIS 3:19 Iomraidhean Croise

GÉNESIS 18:27

Aptomjac nic nat mocjam Abraham apcanya: —Visqui, movanquejec coo mopamejitsam lhip. Lhip nac Dios Apyimtalhnamo, coo eyca sictomja enlhit moyimtalhnamo.

GÉNESIS 2:7

Apmec nic nat inyelpa Dios Apyimtalhnamo. Apquillanac nic nat enlhit. Apvatipnapquic nic nat apvajic, yoyam colhic acyimnatem apnenyic. Apyimnatem nic nat aptomjac enlhit.

GÉNESIS 23:4

—Cotnaja sicmolhama inyicje quellhip. Altamjoc oyanmongsic lhopactic ayitcoc yoyam ongvatoynic ayitsepma— nic nat aptomjac.,

GÉNESIS 3:18

Cotyapoc sat yammeyac amyip najan moc actemaclha acma amaoc. Etoc sat lhip aclhamoclhojo asoc actomja actiyapmaclha anco.

GÉNESIS 5:5

Invocmec nic nat 930 años aptiyascam Adán. Apquitsepquic nic nat.

JOB 1:21

Aptomjac nic nat apquilmalhnancama Job: —Mepqui asoc sicvoy nat as nalhpop, sictemaclha sicaa. Mepqui asoc oyinyoc sat mocjam as nalhpop. Dios ayinyema acyovoclhojo asoc siclhoy coo. Eyinyovcasquic lhac mocjam acyovoclhojo asoc. ¡Colhic sat ayaco apvisay Dios! — nic nat aptomjac Job.

JOB 10:9

Lhip alhta apmaycam yelpa, yoyam jelanac sicyovoclhojo. ¿Quilhvo ya jetnescasiclhac mocjam yelpa, emascocsic sat sictiyascam coo?

JOB 19:26

Intipilcalhqui inyicje eyimpejic. Naso, otac sat coo Dios.

JOB 21:26

Apno mataa poc apquilatoynamap, congne malhic aptoycamco yapa apjapaoc maa.

JOB 4:19

Avanjec apsilhnanomap apanco enlhit apquillanomap yelpa, apyitsomacpo ascoc napato Dios Visqui ingac.

SALMOS 103:14

Apyasamcoc Visqui ingac actemaclha ningyovoclhojo. Apyasamcoc ningilinyemayaclha lhopactic.

SALMOS 104:23

Nincoo eyca ninlhaticjac alhtoo yoyam ongiltamjam. Ningiltamjam acvaycmo alhtaa.

SALMOS 104:29

Avanjec mataa alay apvonquepa lhip. Quilhvoc mataa inquilitsepac apmascosa lhip ayinamam. Inquiltomjaclhec mocjam lhopactic asoc alitsepma.

SALMOS 127:2

Am sat ancoc jingilpasmac Visqui ingac, alhtoc sat cotnejic ningilyampay nintamjaycam acyovoclhojo acnim. Najan nintingyey nintom naysicsa ninlingaycamco ningilyampay. Dios aptomja singasicjayo, singmescama nintom naysicsa nintiyanma.

SALMOS 22:15

Inmasquec sicyimnatem, malha asoc acyamay intomjac. Inyimnaquic ajalhcoc coo. Lhip aptomja sepcanvoyam ningitsepmaclha.

SALMOS 22:29

Elticlhoc sat aptapnaoc napatoc lhip aplhamoclhojo apquilyimtalhnamo as nalhpop. Elpayicsojoc sat lhip aplhamoclhojo apnaycaoc tacjalhpopayc. Colhic sat co lha acyimnatem enquenyic.

SALMOS 90:3

Lhip ayinyema ningitsepma yoyam ongiltimiclhac nincoo lhopactic. Aptomjac nic nat lhip apcanya: —Quellhip enlhitaoc, eltimiclha sat mocjam lhopactic — nic nat aptomjac lhip.

PROVERBIOS 21:16

Ningyinyovquic sat ancoc nintemaclha acpeyvomo, ongilpalhavomoc sat nipyesicsa apquilmasquingvaycmo nano.

ECLESIASTÉS 1:13

Inlhenquic alhta evalhoc oyasingvomoc sat aclhamoclhojo asoc as nalhpop najan apquiltemaclha enlhit. Alhto inyicje aclhanma evalhoc, yavamlha otnejic. Dios ayinyema moclhama actemaclha, ningilanyomalhca ongyiplovcasjo.

ECLESIASTÉS 1:3

Alhto inyicje ningilvascapma naysicsa ningiltamjaycam as nalhpop.

ECLESIASTÉS 12:7

Natamin acvisay lhopactic cotniclhac sat mocjam lhopactic. Cotajojoc sat apnaclha Dios ningvanmoncama espíritu inganco, aptomja singmescama siclho Dios Visqui ingac.

ECLESIASTÉS 3:20

Ongiltajojoc sat ningilinyemayaclha, acvisay lhopactic ningillanomalhca nincoo, ongiltimiclhac sat mocjam lhopactic.

ECLESIASTÉS 5:15

Mepqui asoc siclhoc nat aptiyaycamlha, ingyitsapoc sat maa mepqui asoc. Apcalhnayo alhta aptiyam, ingyitsapoc sat mepqui apsayclha asoc apanco.

DANIEL 12:2

Enalhaticjangvomoc sat apquilmasquingvaycmo nano, apquilatoynamap malhic. Elmiyovacpoc sat napocja, colhic sat acyimnatem apnenyaoc cotmongvoycamlha nelha. Elyinyovacpoc sat poc, elmancangvomoc sat, ellingamcojoc sat acyimtalhnama cotmongvoycamlha nelha.

1 CORINTIOS 15:47

Enlhit siclhoc anco apquinyema as nalhpop, yelpa ilhnic nat apquillanomap. Alhayi apvitamap alhta enlhit apquinyema netin, aptomja Visqui ingac.

EFESIOS 4:28

Apminyilhquic alhta lhip, ilvates sat apminyilhma. Incaymalhquic etnajam, yoyam coymalhquejec lhama asoc. Yoyam ingyimlimojoc sat lhip poc aptomja ayaymomalhca asoc.

1 TESALONICENSES 2:9

Quellhip ingilyalhinga. Elyasingvoclhojo sat quellhip actemaclha alhta ningiltamjaycam yoyam coymalhqueje nintom. Ningiltamjam alhta acnim anco najan alhtaa. Am ongilmoncalhnac aptoycaoc quellhip yoyam mongilyimtalhnecsic apquilvalhoc quellhip. Ningilinlhanacmec mataa ningiltimnascama tasic amyaa ayinyema Dios.

2 TESALONICENSES 3:10

Ningnec alhta nipyesicsa quellhip. Ningiltomjac alhta ningilanya quellhip: Am sat ancoc jingilyacmoc ongiltamjam, mongvanquejec ongvita nintom.

HEBREOS 9:27

Mongvanquejec nincoo ontimjic moc actemaclha, acvamlha lhama yoyam ongitsapoc, natamin coyiplovjoc sat acma singyicpilquemo.