GÉNESIS 3:18 - Enhlit Bible

¹⁸ Cotyapoc sat yammeyac amyip najan moc actemaclha acma amaoc. Etoc sat lhip aclhamoclhojo asoc actomja actiyapmaclha anco.

GÉNESIS 3:18 Iomraidhean Croise

GÉNESIS 3:17

Aptomjac nic nat Dios Apyimtalhnamo apcanya enlhit: —Apquilyajaclhoc lhac lhip acpayvam aptava. Aptovquic lhac yamit acyilhna siyascama etoc. Actanovmalhca sat cotnejic as amyip ayinyema lhip apsilhnanomap. Coyimtilhojoc sat aptamjaycam, yoyam etingyac aptom aclhamoclhojo acnim aptiyascamcaclha.

GÉNESIS 3:19

Copaliclhac sat lhip apyimis aptingyey aptom acvocmo acnim apquitsepma. Cotniclhac sat mocjam lhip apyovoclhojo lhopactic. Ayinyemaclha lhopactic alhta apquinyemac lhip. Lhip aptomja inyelpa. Etniclhac sat mocjam lhip lhopactic — nic nat aptomjac Dios.

JOB 1:21

Aptomjac nic nat apquilmalhnancama Job: —Mepqui asoc sicvoy nat as nalhpop, sictemaclha sicaa. Mepqui asoc oyinyoc sat mocjam as nalhpop. Dios ayinyema acyovoclhojo asoc siclhoy coo. Eyinyovcasquic lhac mocjam acyovoclhojo asoc. ¡Colhic sat ayaco apvisay Dios! — nic nat aptomjac Job.

JOB 31:40

Motejec sat mocjam apquimjaclha trigo, otac sat ayimjaclha milovqui. Motejec sat mocjam ayimjaclha cebada, otac sat ayimjaclha yammeyac. Vamlha nac jay Job appayvam.

JOB 5:5

Apquilvita inyicje acyilhna amyip, apquilsovjoc mataa acyilhna mayic alnapma. Apquilvitac acyilhna acposomalhca, apquilsovjoc maa ayinyema ayitsepma apnenyaoc.

SALMOS 104:2

Ayitsayolhma acvanyam intomjac apcalomap lhip. Malha carpa appayescama aptomjac lhip netin.

SALMOS 90:3

Lhip ayinyema ningitsepma yoyam ongiltimiclhac nincoo lhopactic. Aptomjac nic nat lhip apcanya: —Quellhip enlhitaoc, eltimiclha sat mocjam lhopactic — nic nat aptomjac lhip.

PROVERBIOS 22:5

Ningvitac mataa nalhit amay cotlaycaoc trampas tava apac singilmam, ningiltomja ningilmasomcaa. Mongyiplaclhejec as amay, ningiltomja ningiltamilcasomalhco inganco.

PROVERBIOS 24:31

Acvitac coo ayimjaclha milovqui, najan apjalhtam ápac nayava maa.

ISAÍAS 32:13

Coyit acmayovsa avalhaoc, alvita inlhojo amaoc najan panatem amyipayc, alvita inlhojo mepqui acpayjayclha avalhaoc natingma.

ISAÍAS 5:6

Oyamyiclhac sat maa, coctong sat panatem acma amaoc. Omyoc sat acmamay, comacyejec sat mataa.

ISAÍAS 7:23

Colhic sat actovasa uva avjac alimjaclha mil plantas de uva, colhojoc sat acyanmongam mil monedas de plata, cotniclhac sat ayimjaclha yammeyac.

ISAÍAS 7:24

Apvanquic enlhit elmoc pilhpaalh najan yanca, yoyam emompavomoc asoc navjac. Cotniclhac sat yoclhilhma ayimjaclha yammeyac lhalhma anco.

JEREMÍAS 12:13

Apquilquinaclhec siclho trigo apactic, apquilvitac acyilhna yammeyac, alhtoc alhta apquiltamjaycam enlhit. Apquilyinimsacpec apanco enlhitaoc, ayinyema acyivey siclom coo, actomja malha talha — alhta aptomjac Visqui ingac.

JEREMÍAS 4:3

Aptomjac alhta Dios Apyimtalhnamo apquilanya enlhitaoc Judá najan co Jerusalén: Elcaoc sat amyip, elsavojo apquilcacjam. Noelquiniclha nasa actic coning yammeyac.

SAN MATEO 13:7

Inpalvocmec nic nat nicja actic coning yammeyac. Inquictinquic nic nat yammeyac. Inquimpanatesquic nic nat.

ROMANOS 14:2

Apcanayquic mataa lhama ingyalhing apmopvan etovc aclhamoclhojo asoc. Am etavac mataa aclhamoclhojo asoc poc ingyalhing acyitna mocjam coyimnatem apvalhoc. Aptovquic acvamlha asoc apquinayclha.

HEBREOS 6:8

Inquictinquic sat ancoc ningilcacjam mantin najan yammeyac, coylhejec sat mataa. Dios sat etanova. Comyetic sat actamongvomlha nelha aclhamoclhojo asoc.