GÉNESIS 3:16 - Enhlit Bible

¹⁶ Aptomjac nic nat Dios Apyimtalhnamo apcanya quilvana: —Otnesquisic sat aclingaycamco acmasca lhiya. Naysicsa actimem inlovso najan naysicsa actiyam ayitquic coyangvomoc sat acmasca. Colhenic sat mataa avalhoc lhiya atava. Atava etnejic sat mataa apyimtalhnamo. Colyejiclhojoc sat mataa lhiya— nic nat aptomjac.

GÉNESIS 3:16 Iomraidhean Croise

GÉNESIS 4:7

Apyiplovcasquic sat ancoc lhip actemaclha actamila, cotamilam sat najan apvalhoc. Am sat ancoc eyiplovcasac lhip actemaclha actamila, coytic sat meyascalhma apnaclha lhip yoyam cosilhnana. Iyimnac sat lhip yoyam mesilhnanacpeje— nic nat aptomjac.

1 CRÓNICAS 4:9

Aptamila apanco ilhnic nat Jabes, am elhno apquilyalhing. Inquiltimec nic nat inquin acvisay Asqueje. Ayinyema ilhnic nat inquin acpayvam: Asquejec alhta sictimquisa eyitca — nic nat intomjac.

ESTER 1:20

Colhic sat aclingasa as apcanamaclha alhnancoc nipyesicsa enlhitaoc lhalhma anco. Colvatsamcoc sat acyovoclhojo quilvanaa altemaclha ancaoc, yoyam colilyejiclhojoc sat mataa anatamcaa — nic nat aptomjac Memucán.

SALMOS 48:6

Apquilpilhyinimquic alhta ayinyema apquilay. Malha quilvana intomjac aclingaycamco acmasca actimquisa ayitca.

ISAÍAS 13:8

Cotyamoc sat apquilvalhoc apyovoclhojo. Elangvomoc sat maa naysicsa apquillingaycamco acmasca, colhojoc sat quilvana actimquiscama ayitca. Apquilanoc mataa poc, yoyam epasingvota, naysicsa acmelhanma apyimpeoc napataa (apquilmancactama).

ISAÍAS 21:3

Intiyacmec evalhoc, malha acmasca evalhoc acno quilvana yoyam cotimsic ayitca. Paj olngac mocjam, ayinyema ayay evalhoc. Paj otac mocjam ayinyema actiyam evalhoc.

ISAÍAS 53:11

Natamin aplingaycamco acyimtalhnama etac sat actamila yoyam copayjiclhac sat apvalhoc. Appeyvomo nac selancam. Avanjec alhta apyascamco. Eyascasingvomoc sat aplhamoclhojo enlhitaoc actemaclha acpeyvomo. Elngamcojoc sat acmasca, malha appatam acyimtalhnama ayinyema nintemaclha acmasom.

JEREMÍAS 13:21

Apquillhenacpec co Jerusalén: ¿Jalhco sat eltimjic quellhip, apquilvita inlhojo cotnaja ingmoc apquilviscaa, elanic sat nipyesicsa quellhip? Ellingamcojoc sat acmasca quellhip, acno quilvana naysicsa actimquiscama ayitca.

JEREMÍAS 22:23

Actamilaycam apquilvalhoc quilhvo apquilmaclha naysicsa yamit cedro alinyema Líbano. Ellingamcojoc sat acyimtalhnama, acno quilvana naysicsa actimquiscama ayitca sat cotnejic — alhta aptomjac.

JEREMÍAS 4:31

Aclingac coo aliclhangveycam quilvana inlovso, yoyam cotimsic ayitca siclha acvitay. Nasoc anco siclinga apquiliclhangveycam co Jerusalén, apquilpeyvesayclha apectengaoc, apquilpalhmamcaa: Nincoo layi, onticyoc sat napatavo ticyovam yapmayc — apquiltomjac co Jerusalén — nic nat aptomjac profeta.

JEREMÍAS 49:24

Inlhenquic apquilvalhoc co Damasco elinyajamcoc mocjay. Apquillingamcoc ayay apquilvalhoc najan acmasca, acno quilvana actimquiscama ayitca.

JEREMÍAS 6:24

Apquiltomjac alhta co Jerusalén: Ninlingac lhac amyaa, acyiplomo ayay ingvalhoc mepqui ningilyimnaa nincoo. Ninlingamcoc nincoo ningay najan acmasca, acno quilvana actimquiscama ayitca.

NÚMEROS 30:13

Apvanquic mataa quilvana atava memyovejec acyiplovquiscama aptava actemaclha aclhanma napato Dios. Apvanquic quilvana atava emyoc actomjaclha aptava.

SAN JUAN 16:21

Ayovsec mataa quilvana yicpintama cotimsic ayitca. Invocmec anco acmasquilha avalhoc. Aptiyacmec sat ancoc ayitca, quilhvoc sat colvoncomoc actemaclha acmasca. Copayjiclhac sat avalhoc acvita sat ayitca aptiyam.

1 CORINTIOS 11:3

Altamjoc yoyam elyasamcojo quellhip: Cristo aptomja apvisqui moclhama ingilyalhinga, malha apquimja apmamyi yoyam ongilyejiclhojo. Quilvana atava aptomja apvisqui, malha apquimja apmamyi yoyam colyejiclhojo aptava. Dios aptomja apvisqui, malha apquimja apmamyi yoyam elyejiclhojo Cristo.

1 CORINTIOS 14:34

Covanquejec ingyalhing quilvana cotnejic aclingascama tasic amyaa nipyesicsa Jesucristo apmolhama. Incaymalhquic quilvanaa colilyejiclhojo actemaclha singanama Dios appayvam.

1 CORINTIOS 7:4

Elyasamcojo quellhip: Cotnaja ancoc anco acyovoclhojo quilvana. Atava eyca aptomja apancoc acyovoclhojo quilvana. Cotnaja apancoc apanco apyovoclhojo enlhit. Aptava eyca actomja ancoc apyovoclhojo enlhit.

COLOSENSES 3:18

Quellhiya quilvanaa. Colilyejiclhojo sat mataa anatamcaa. Eycaso actemaclha actamila anco Jesucristo apmolhama.

1 TESALONICENSES 5:3

Sat eltimjic ellhenic enlhitaoc lhalhma anco: “Actamilaclhojo ningnaycam, mepqui amyaa” —sat eltimjic. Cotlapsic sat covotac yoyam enatovasacpoc enlhitaoc. Colapvanquejec enlhitaoc elinquitacpoc. Malha quilvana acpilapquiscama acmasca yicpintama cotimsic ayitca.

1 TIMOTEO 2:13

Ayinyemaclha Dios apquillanay apmamyi ilhnic nat Adán. Alhayi ilhnic nat apquillanay Eva.

1 TIMOTEO 2:15

Covomsalhcac sat tap quilvana acma ayitquic naysicsa acyiplovquiscama actemaclha mongyasquiyam najan actemaclha ningasicjayo najan actemaclha ningiltamilcasomalhco inganco. Incaymalhquic quilvana cotnejic quilvana anco.

TITO 2:5

Incaymalhquic coltimjic alyascamco anco najan actemaclha actamilaycam avalhoc. Incaymalhquic yoyam coltamjam mataa tingma ac. Incaymalhquic yoyam coltamilsalhcojo anco yoyam najan colilyejiclhojo anatamcaa. Yoyam cotanovalhquejec mataa Dios appayvam.