GÉNESIS 3:15 - Enhlit Bible

¹⁵ Otnesquisic sat nimisma ayinmelhmaclha quilvana. Otnesquisic sat nimisma ayitcaoc ayinmelhaclha quilvana atovana. Quilvana atavin etcamoc sat lhiya apcatic. Cotaclhic sat lhiya appajac quilvana atavin— nic nat aptomjac.

GÉNESIS 3:15 Iomraidhean Croise

GÉNESIS 49:17

Dan etnejic sat malha nimisma, malha yamacyeyva avalhoc amay. Coticlhic sat apminic nolhing. Etyamoc sat aptomja apquinamtem.

SALMOS 132:11

Meyeycajacsejec mataa Visqui ingac appayvam actomja nasoc anco. Aptomjac alhta Visqui ingac apcanya David:

ISAÍAS 53:12

Etnejic sat apyimnatem apanco. Elmoc enlhitaoc apquilyimtalhnamo. Ingyilhpansic sat asoc almomalhca nipyesicsa apnaymacoc apquilyimnatem. Ayinyemaclha am alhta emyavac acyimnatem apnenyic acvocmo apmatnam. Innec alhta altamjamco apmapsom. Aplingamcoc alhta acmasca, malha appatam acyimtalhnama ayinyema mongilyascalhma ninlhamoclhojo. Apquilmalhnescasquic alhta mataa apquiltomja apquilsilhnanomap apanco.

ISAÍAS 7:14

Visqui ingac sat conyemac asoc monquinatquiscama: —Quip elaylhojo. Inlovsoc sat cotnejic quilvana mepqui ayitcoc. Cotimsic sat ayitca apquinavo. Cotnejic sat apvisay Emanuel (ningiltimem: Dios singilpalhavoy).

JEREMÍAS 31:22

¿Co laa ayinyema alyasquiyam apquilvalhoc, acno acyasquiyam quilvana ayitca? Coo sicvisay Visqui, sictimesquiscama actemaclha alhnancoc as nalhpop, malha quilvana aljalhanma enlhit (quilvana comoc sat tacja atava) — alhta aptomjac Visqui ingac.

DANIEL 9:26

Natamin sesenta y dos semanas ematong sat apvisqui mayayo. Etvasacpoc sat tingma apponquinomap najan apyovoclhojo tingma Jerusalén, ayinyema cotnaja ingmoc apvisqui najan apnaymacoc. Colhic sat acnatovasa acyovoclhojo asoc. Cotningvomoc sat nelha, acno aclhanma ilhnic nat apvalhoc Dios.

AMÓS 9:3

Apquilyilhanmec sat ancoc netin inquilhe Carmelo, olviticlhac sat, olnapoc sat maa. Apquilyilhanmec sat ancoc ayaptovnilha yingmin acvanyam, ongvapajacsic sat sinavocpo, yoyam colnapoc sat maa.

MIQUEAS 5:3

Melmiyovejec sat mocjam Dios Apyimtalhnamo enlhitaoc Israel, acvaycmo acnim, yoyam cotimsic ayitca lhama quilvana. Ingyaniclhac sat mocjam apquilmolhama Israel apquilhpaneycam nano.

SAN MATEO 1:23

Quip elanojo, inlovsoc sat cotnejic quilvana mepqui atava. Cotimsic sat ayitca apquinavo. Colhic sat actimesa apvisay Emanuel, ningiltimem nincoo Dios singilpalhavoy —nic nat intomjac appayvam.

SAN MATEO 1:25

Am alhta epatjetamco siclho acvocmo acnim aptiyacmo ayitca. Apquiltimec alhta apvisay JESUS.

SAN MATEO 12:34

Yitnec quellhip apquilvalhoc malha yamacyeyva ayitcaoc. Apquilmapsomcaa nac quellhip. ¿Apvancaa ya quellhip ellhenic altamila asoc? Actemaclha ninlhanma ayinyema aclaneyo ingvalhoc.

SAN MATEO 13:38

Apquilcacjam acvisay lhalhma anco as nalhpop. Dios apquitquic eyca apquilyitsomacpo actic altamila. Somquic quilyicjamo ayitquic apquilyitsomacpo yammilovqui.

SAN MATEO 23:33

Yitnec quellhip apquilvalhoc malha nimisma, malha yamacyeyva ayitcaoc. ¿Jalhco sat eltimjic, yoyam elinyejic acvaa sat acyanmongayclha cosponeyaclha talha?

SAN MATEO 3:7

Lhama alhta apvita Juan apquilvaa aplhamoclhojo fariseos najan saduceos. Aptingyeycaoc yapasquiscama yingmin alhta. Aptomjac alhta Juan apquilanya fariseos najan saduceos: —¡Yitnec quellhip apquilvalhoc malha yamacyeyva ayitcaoc! ¿Soc ayinyema altimnascama elinyejic quellhip acyanmongayclha ayinyema Dios yoyam covac sat?

SAN MARCOS 16:18

Cotmongvomoyc sat onpatningvomjo nimisma. Ningyinamquic sat ancoc asoc sinavoy, mejingvejec sat. Nininquinquic sat ancoc ingmeoc tacjaplhit ningmasquem actomjaycaoc, yejemoc sat eltamalvomoc —alhta aptomjac Jesús.

SAN LUCAS 1:76

Lhip eyca aptomja sictamongvoyam. Eltamjacpoc sat lhip apvisay soycam amyaa apanco. Etnimsic sat lhip apmamyi Visqui ingac. Elanesic sat amay, yoyam eyacsic.

SAN LUCAS 10:19

Quip elanojo. Almesquic quellhip apquilmopvan, yoyam eltamoc nimisma najan yitaja, yoyam elnatovacsic cotnaja ingmoc. Mellingamquejec sat quellhip acmasca.

SAN LUCAS 22:53

Aclhamoclhojo acnim alhta mataa sicma lhama quellhip tingma apponquinomap. Am alhta eyca jelmac. Quilhvo eyca apvancaac quellhip. Quilhvoc innac acmovan yatescamalhma —alhta aptomjac.

SAN LUCAS 24:27

Yejemoc alhta apquilhicmosa actemaclha ilhnic nat appayvam Moisés najan aclhamoclhojo profetas appayvam Dios apquillingascama. Apcajasoc alhta Jesús aplhena actemaclha aclhanma vaycajac aplhenamap.

SAN JUAN 8:44

Innec quellhip apquilyap acvisay yavey diablo. Quellhip apquiltomja ayitquic. Apquililtamjoc mataa elvajanamcoc quellhip actemaclha ayitsepma inquenyic apquilyap. Siclhoc anco nic nat acvocmo quilhvo nac jay actomja ticyovam inyap. Am coyitnac mataa actimem nasoc anco. Jave nasoc anco actemaclha. Intimec mataa acmovan amyaa, ayinyemaclha yavey diablo acvisay acmovan amyaa inyap. Actemaclha anco acmovan amyaa.

LOS HECHOS 13:10

Aptomjac alhta apcanya: —¡Apquilyinimcascam nac lhip! ¡Apmapsom nac lhip! ¡Yavey ayitca nac lhip! Aptovasam mataa lhip nintemaclha acpeyvomo. ¿Soctomja melvatesa nac lhip apquiltajesaycaoc amay acpeyvomo Visqui ingac?

ROMANOS 16:20

Dios aptomja singmescama actamilaycam ingvalhoc. Quilhvoc sat eltamam Dios yavey Satanás acna nipyesicsa quellhip. Altamjoc coo yoyam epasmoc quellhip Jesucristo Visqui ingac.

ROMANOS 3:13

Malha enlhit aptajapma mengyatongnomap intomjac sinticjansa ayinyema apquilpayvam as enlhitaoc. Apquilmopvan amyaa mataa apquiltomjac. Asquejec mataa apquilpayvam as enlhitaoc, malha acyeyva sintaclhama intomjac.

GALATAS 4:4

Invocmec alhta acnim yoyam ingyapajacsic as nalhpop Apquitca Dios Ingyapam. Intimcasquic alhta inquin. Apcanyacpec alhta Dios Apquitca elyejiclhojo singanamaclha najan eyiplovsic apquiltemaclha judíos.

EFESIOS 4:8

Eycaso aclhanma ilhnic nat Dios appayvam actalhesomalhca: Apmiyaclhec alhta netin. Apnalaclhec alhta enlhitaoc apquilmomap. Apquilmasquic alhta apquilmopvan ayinyema apcaycaoc Cristo —nic nat intomjac Dios appayvam.

COLOSENSES 2:15

Apyimnatem apanco nac Cristo, malha apquilmam aptomjac alyimtalhnamo najan almovancaa. Apquilvatescasquic alhta Cristo altemaclha ancaoc ayinyema apquitsepma netin asoc timyescama. Malha apnalayclha alhta almomalhca alyimtalhnamo najan almovancaa napatavo enlhitaoc. Innec alhta ayaco Visqui ingac apyimnatem.

HEBREOS 2:18

Aplingamcoc alhta acmasca Jesús, aplingamcoc alhta najan acyipconma. Eycaso ayinyema apmopvan Jesús epasmoc enlhitaoc apquiltomja apquillingaycamco acyipconma.

HEBREOS 5:7

Aptiyasam alhta Cristo as nalhpop. Apquilmalhnaquic alhta mataa Dios actemaclha apvinama najan actemaclha apyimnatescama appayvam. Ayinyemaclha apvanquic alhta Dios evomsic tap naysicsa apquitsepma. Apquilyajaclhoc alhta Dios apquilmalhnancama Apquitca, ayinyema apquilyajayquiclho apmayjayoclha apyap.

1 SAN JUAN 3:10

Melquinatsacpejec sat enlhit ningyesicsa apquiltomja Dios apquitquic najan poc apquiltomja somquic quilyicjamo ayitquic. Am sat ancoc ongilyiplovcasac actemaclha acpeyvomo. Am sat ancoc ongilasicjac ingilyalhing, am najan ongiltomjac Dios apquitquic.

1 SAN JUAN 3:8

Ningilvajanamquic sat ancoc actemaclha nintamongvaycmolhma, ongiltimjic sat ninpasmeyquiclha somquic quilyicjamo. Somquic quilyicjamo actomja ayinyemayaclha siclhoc anco mongilyascalhma. Eycaso ayinyema apvoya nat Dios Apquitca, yoyam etvasquisic actamjaycam somquic quilyicjamo.

1 SAN JUAN 5:5

¿Soc enlhit aptomja apyimnatem, am colhno apquiltemaclha enlhit lhalhma anco? Apvamlha enlhit aptomja meyasquiyam Jesús aptomja Dios apquitca.

EL APOCALIPSIS 12:17

Avanjec alhta aclom sinavocpo actanoncama quilvana. Inlhinquic alhta sinavocpo yoyam colnapalhca quilvana atovana. Ayinyemaclha apquilyiplovcasquic mataa quilvana atovana singanamaclha ayinyema Dios. Apquilyiplovcasquic najan amyaa ayinyema Jesucristo.

EL APOCALIPSIS 13:7

Avanquic alhta najan colnapalhca Dios apmolhama. Acyimnatem anco, am colhno Dios apmolhama. Inlhocac alhta acmovan yoyam cotnejic avisqui nipyesicsa enlhitaoc lhalhma anco najan aplhamoclhojo apquilmolhama najan aclhamoclhojo cotnaja ninpayvamo lhama najan aclhamoclhojo apquilaoclha enlhitaoc.

EL APOCALIPSIS 2:10

Nongya nasa lhip apvita sat mayasquiscama apyimpejic. Elalhingsacpoc sat singilpilhtetomaclha napocja quellhip ayinyema yavey diablo yoyam coyipconic quellhip. Ellingamcoc sat quellhip acmasca acvaycmo diez acnim. Ilinlhanmojo sat lhip apyiplovquiscama acvocmo apquitsepma. Omquesic sat acyanmongam lhip. Elhcac sat acyimnatem apnenyic.

EL APOCALIPSIS 20:10

Inyinyovalhquic alhta yavey diablo actomja alsilhnanoncama naysicsa talha acvanyam macpalhaquiscama azufre acpayesayclha talha. Inyinyovalhquic alhta lhama asoc navjac aclom najan profeta apmopvan amyaa. Comasquejec sat mataa allingaycamco acmasca acnim najan alhtaa cotmongvoycamlha nelha.